ကျေးဇူးသိတတ်ပါစေ…







လူသားတွေရဲ့ဘ၀မှာ ကြံဖန်ပြီးကျေးဇူးတင်စရာလေးတွေရှိနေတယ်လို့ပြောရင် လက်ခံနိုင်ပါ့မလား။ အထူးသဖြင့် စိတ်ဓာတ်တွေကျနေချိန်မျိုးမှာပေါ့။ ကိုယ့်မှာရှိပြီးသားပိုင်ဆိုင်ပြီးသားအရာတွေ… ကိုယ့်ရဲ့ကျန်းမာရေး၊ ကိုယ်ချစ်ရတဲ့သူ၊ ကိုယ့်မိသားစုတွေကိုကြည့်ပြီး ကျေးဇူးတင်စရာတောင်ကောင်းနေပါသေးတယ်။ စိတ်တွေဖိစီးနေချိန်၊ အလုပ်တွေဖိအားများနေချိန်မျိုးမှာ ကိုယ့်ဘ၀ရဲ့အံ့သြဖွယ်ရာတွေကိုမေ့လျော့နေတတ်ကြပါတယ်။ အဲဒီတော့ ကိုယ်ပိုင်ဆိုင်တဲ့ဘ၀ကြီးကို ကြံဖန်ပြီးကျေးဇူးသိတတ်ရအောင်…
တစ်ခါတစ်ရံသေးငယ်လှပါတယ်ဆိုတဲ့အရာလေးတွေက အကြီးအမားကြီးတွေဖြစ်နေတတ်ပါတယ်…
လက်ရှိအချိန်မှာ ကိုယ်မျှော်လင့်စောင့်စားနေတဲ့အရာလေးတွေကိုတွေးကြည့်ပါ။ တစ်နေကုန်အလုပ်လုပ်ပြီး စားဖို့ကော်ဖီလေးတစ်ခွက်၊ ပေါင်မုန့်လေးတစ်ချပ်၊ လေ့ကျင့်ခန်းလုပ်အပြီးအားပြန်ပြည့်ဖို့ အချိုရည်လေးတစ်ခွက်၊ ခွေးလေးနဲ့အတူ ပွတ်သီးပွတ်သပ်လုပ်တာ၊ သောကြာနေ့ညမျိုးမှာ လျှောက်လည်တာမျိုပေါ့။ ဒါလေးတွေက အသေးအမွှားလေးတွေဆိုပေမယ့် စိတ်ကိုကြည်လင်လန်းဆန်းလာဖို့ ကြီးမားတဲ့အရာတွေမဟုတ်ပါလား။
ကျေးဇူးသိတတ်ခြင်းက ဘ၀ကိုရောင့်ရဲပြည့်ဝစေတယ်
တစ်စုံတစ်ခုကို ကျေးဇူးသိတတ်တဲ့အခါ ကိုယ့်မှာရှိတာလေးတွေနဲ့တင်ကျေနပ်သွားတတ်ပါတယ်။ ပြီးပြည့်စုံဖို့မဖြစ်နိုင်တာတွေကို မျှော်လင့်တောင့်တနေစရာမလိုပါဘူး။ ကိုယ့်မှာလိုအပ်တာထက်ပိုပြီး ရှိနေတယ်လို့သာတွေးကြည့်လိုက်ပါ။ ငြင်းဆန်မှုတွေကိုလက်ခံလာစေသလို စိတ်ရှုပ်ထွေးမှုတွေလည်း ရှင်းလင်းသွားပါလိမ့်မယ်။ ကျေးဇူးသိတတ်ခြင်းက သာမန်အိမ်တစ်လုံးကိုတောင် နွေးထွေးလုံခြုံတဲ့အဆောက်အဦတစ်ခုအနေနဲ့ ပြောင်းလဲသွားစေသလို လူစိမ်းတစ်ဦးကိုခင်မင်ရင်းနှးတဲ့သူငယ်ချင်းတစ်ဦးဖြစ်သွားစေနိုင်စွမ်းရှိပါတယ်။
ကိုယ့်ကိုပျော်ရွှင်စေလူတွေကို ကျေးဇူးသိတတ်ပါစေ
ကိုယ့်ကိုပျော်ရွှင်စေတဲ့သူတွေမရှိတဲ့ဘ၀က ငြီးငွေ့ဖွယ်ရာကောင်းနေပါလိမ့်မယ်။ အဲဒီတော့လက်ရှိကိုယ့်အနားမှာပျော်ရွှင်နေတဲ့လူတွေအပေါ် ကျေးဇူးတင်ဖို့မကောင်းဘူးလား။ လူတွေလို့ဆိုလိုက်တဲ့နေရာမှာ ကိုယ့်မိသားစု၊ မိတ်ဆွေသူငယ်ချင်းလည်းဖြစ်နိုင်ပါတယ်။ ရုပ်သံ၊ ရေဒီယိုတွေကလာတဲ့ ဇာတ်လမ်းတွေ၊ သရုပ်ဆောင်တွေတောင်ဖြစ်နိုင်ပါသေးတယ်။
ကိုယ့်ဘ၀အလင်းရောင်မှေးမှိန်နေချိန်မှာ ကိုယ့်အနားကူညီလင်းထိန်စေသူတွေကိုကျေးဇူးသိတတ်ပါစေ
လူတိုင်းဘ၀မှာ ကျေးဇူးသိတတ်ရမယ့်လူ တစ်ဦးထက်ပိုပြီးတော့ရှိစမြဲပါ။ ကိုယ်စိတ်ဓာတ်ကျနေချိန် စိတ်ဓာတ်ခွန်အားမြှင့်တင်ထားတဲ့လူတွေ၊ ကိုယ့်ဘ၀အဆိုးအကောင်းတွေကို အတူဝေမျှပေးသူတွေပေါ့။ သူတို့တွေက ကိုယ့်ဘ၀ကိုအမှောင်ထဲကနေဆွဲထုတ်ပြီး ကိုယ့်ခြေထောက်ပေါ်ကိုယ်ရပ်တည်စေတဲ့သူတွေမဟုတ်ပါလား။
အရာရာတိုင်းကိုကျေးဇူးတင်တတ်ပါစေ
ကိုယ်နေ့တစ်နေ့ကိုစတင်ပုံက အလွန်အရေးကြီးပါတယ်။ နေ့တစ်နေ့လုံးရဲ့အစမှာ အေးမြလှတဲ့ရာသီဥတုကိုအပြစ်တင်မှာလား။ နံနက်စာစားကာနီး ကော်ဖီကုန်နေလို့ အပြစ်တင်ပြောဆိုနေမှာလား။ အဲဒီလိုနေ့တစ်နေ့ကိုအစပြုတာက တစ်နေကုန်အတွက်မကောင်းပါဘူး။ ဒီလိုမျိုးဆူပူအပြစ်တင်နေမယ့်အစား အေးမြလှတဲ့ရာသီဥတုကြောင့် ချွေးမထွက်တော့တာကိုကျေးဇူးတင်လိုက်ပါ။ ကော်ဖီကုန်နေလို့ နွားနို့ပြောင်းသောက်နေတာကို ကြံဖန်ပြီးကျေးဇူးတင်ကြည့်ပါ။ တစ်နေ့တာအတွက်စိတ်ကသိသိသာသာကြည်လင်လာပါလိမ့်မယ်။
ရလဒ်ကိုကျေးဇူးတင်တတ်ပါစေ
ကိုယ်လုပ်ကိုင်ဆောင်ရွက်နေသမျှအရာအားလုံးကို ကိုယ်တိုင်စိတ်နှစ်ပြီးလုပ်နေရတဲ့အတွက် ကျေးဇူးတင်ဖို့မကောင်းဘူးလား။ ကိုယ့်ရဲ့ခွန်အားတွေ၊ ခံယူချက်တွေ၊ ကြိုးစားမှုတွေ၊ ကိုယ်ပိုင်ဆိုင်တဲ့အသိဉာဏ်တွေကြောင့် ရရှိလာတဲ့ရလဒ်တွေကိုကျေးဇူးတင်ကြည့်လိုက်ပါ။
ဒီအတွေ့အကြုံအတွက်ကျေးဇူးတင်ပါတယ်လို့ပြောနိုင်ပြီဆိုရင် စစ်မှန်တဲ့ခွင့်လွှတ်ခြင်းပါပဲ
အဆိုးအကောင်းဒွန်တွဲနေတဲ့ဘ၀ကြီးမှာ အကောင်းတွေက လူတွေကိုပျော်ရွှင်စေသလို အဆိုးတွေကလည်း ယူတတ်ရင်စိတ်ဓာတ်ခွန်အားနဲ့သင်ခန်းစာရတတ်ပါတယ်။ ဥပမာ ဆက်ဆံရေးတစ်ခုမှာ လူတစ်ယောက်ကကိုယ့်ကို စွန့်ခွာသွားတယ်ဆိုပါစို့။ ဒီအခြေအနေတွေကို ၀မ်းနည်းပူဆွေးနေရုံနဲ့မပြီးပါဘူး။ နောင်တစ်ကြိမ်ဒီလိုလူမျိုးဝေးဝေးရှောင်တတ်ဖို့ဆိုတဲ့ သင်ခန်းစာရသွားစေတယ်မဟုတ်ပါလား။
နှလုံးသားကိုနားထောင်ပါ
တစ်ခါတစ်ရံနှလုံးသားကိုနား ထောင်ပြီး ကိုယ့်ကိုယ်ကိုယ်ပျော်ရင်စေဖို့ကြိုးစားကြည့်ပါ။ မမှားဖို့ဆိုပြီးအတင်းကြိုးစားမနေပါနဲ့။ မမှားဖူးတဲ့လူဆိုတာမရှိပါဘူး။ အမှားတွေကိုကောင်းကောင်းအသုံးချသွားတတ်ဖို့ပဲလိုပါတယ်။
ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment