လမ်းမခွဲခင် ဒါတွေစဉ်းစားပါ…













ကိုယ့်လက်တွဲဖော်နဲ့ လမ်းခွဲဖို့ဆုံးဖြတ်ချက်ချထားတာက ကြီးမားတဲ့ဆုံးဖြတ်ချက်တစ်ခုပါ။ တကယ်လို့ ဆုံးဖြတ်ပြီးရင်လည်း နောက်ပြန်လှည့်လို့မရပါဘူး။ သူနဲ့လမ်းခွဲရတဲ့ အကြောင်းပြချက်ကောင်းကောင်းတော့ ရှိမှာပေါ့။ ဒါပေမယ့် ဒီစာဖတ်နေရင်တော့ သူနဲ့လမ်းခွဲမှာ မသေချာသေးလို့လဲ ဖြစ်နိုင်ပါတယ်။

သူကနှိပ်စက်သလား
သူက ကိုယ့်ကိုရုပ်ပိုင်းဆိုင်ရာ၊ စိတ်ပိုင်းဆိုင်ရာ နှိပ်စက်သလား။ နှိပ်စက်တယ်ဆိုရင်တော့ ဒီစာကိုဆက်ပြီး ဖတ်မနေပါနဲ့တော့။ အမြန်ဆုံးလမ်းခွဲလိုက်ပါ။ ကိုယ့်ကိုယ်နှိပ်စက်တဲ့လူတစ်ယောက်နဲ့ ဘယ်လိုလုပ်ရှေ့ ဆက်သွားမလဲ။

ရုတ်တရက်ဆုံးဖြတ်ချက်
ကိုယ်ဒီလိုလမ်းခွဲဖို့ဆုံးဖြတ်လိုက်တာက သူရုတ်တရက်အံ့အားသင့်သွားပြီး ကိုယ့်ရှေ့မှာဒူးထောက် သွားစေ ချင်လို့လား။ ဒီလိုဆိုရင်တော့ မှားသွားပါလိမ့်မယ်။ သူက တကယ့်ပြဿနာလား နှစ်ယောက်စလုံး တွဲရတာငြီးငွေ့လာတယ်ဆိုရင်တော့ ဖွင့်ပြောလိုက်ပါ။ ကိုယ်လည်းပွင့်ပွင့်လင်းလင်းပြော၊ သူလည်းပြောရင်း နှစ်ယောက်စလုံးပြန်စဉ်းစားဖို့ အခြေအနေတစ်ခုရသွားတာပေါ့။

အပျော်ရွှင်ရဆုံးလား
ဘယ်ဆက်ဆံရေးမှာမှ ရာနှုန်းပြည့်ပျော်ရွှင်ရတယ်ဆိုတာမရှိပါဘူး။ အရင်ကထက်ပိုပြီးပျော်ရွှင်ရတဲ့ အချိန်လေးတွေရှိခဲ့သလား။ ပျော်ရွှင်မှုတွေကုန်ဆုံးနေပြီလား။ ပြန်သုံးသပ်ရင်းဆုံးဖြတ်ပါ။

အလုပ်ဖြစ်ဖို့ကြိုးစားပြီးပြီလား
မပြီးပြည့်စုံတာတွေကို ပြီးပြည့်စုံစေဖို့ကြိုးစားရင်း ပင်ပန်းတာမျိုးပေါ့။ ကိုယ့်ဘက်ကတော့ကြိုးစားပါရဲ့။ ကြိုးစားတိုင်းမဖြစ်လာလို့ ပင်ပန်းနေပြီဆိုရင်တော့ ဒီဆက်ဆံရေးကို စဉ်းစားဖို့အချိန်ရောက်ပါပြီ။

ကိုယ့်ဆုံးဖြတ်ချက်လား
ပတ်ဝန်းကျင်က မြှောက်ပေးလို့လား။ တကယ်ပဲကိုယ်ကိုယ်တိုင် လက်မဆွဲချင်တော့လို့လား။ တခါတလေကျရင် ပတ်ဝန်းကျင်က ခင်မင်ရင်းနှီးလို့ ပေးတဲ့အကြံတွေကလည်း မှားယွင်းနေနိုင်ပါတယ်။

Whitney
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 



Share on Google Plus

0 comments:

Post a Comment