ခရီးသွားခြင်းကပေးတဲ့သင်ခန်းစာ










လူတစ်ယောက်ရဲ့ဘ၀မှာ မလုပ်ရမနေနိုင်စွဲလန်းတတ်စေတဲ့ အလေ့အကျင့်တွေကအများကြီးပါ။ အဲဒီအထဲကမှ ကိုယ့်အတွက် အန္တရာယ်မရှိဆုံးတစ်ခုကိုပြောပါဆိုရင် ခရီးသွားခြင်းပေါ့။ မတူညီတဲ့ယဉ်ကျေးမှုတွေ၊ ကွဲပြားနေတဲ့လူနေမှုပုံစံတွေကို တွေ့ကြုံခံစားရတာက ခရီးသွားခြင်းရဲ့ ဆွဲဆောင်မှုတစ်ခုပါ။ ဒါတင်မကပါဘူး။ ခရီးသွားခြင်းကနေ ကိုယ့်ကိုယ်ကိုယ်ပိုပြီးလေ့လာသုံးသပ် မိနေပါလိမ့်မယ်။ အဲဒီတော့ ခရီးသွားတယ်ဆိုတာက  စိတ်လှုပ်ရှားရင်ခုန်ချင်စရာကောင်းတဲ့  စွန့်စားခန်းတစ်ခုပေါ့။ ဘယ်လိုမျိုးလဲ…။

သည်းခံတတ်လာမယ်
လူတိုင်းခရီးသွားရတာဝါသနာတစ်ခုဖြစ်နေရင် လောကကြီးကပိုပြီးငြိမ်းချမ်းသွားပါလိမ့်မယ်။ ပထမဆုံးခရီးထွက်တဲ့အခါ ပတ်ဝန်းကျင်ကလူတွေကလည်း ကိုယ့်လိုသူ့လိုပါပဲလားဆိုတာကို အံသြဖွယ်သတိပြုမိလာပါလိမ့်မယ်။ လူတိုင်းက အသားအရေ၊ ကိုးကွယ်မှု၊ နေထိုင်မှု၊ ယုံကြည်မှုတွေကွဲပြားကြပါတယ်။ ဒီလိုမတူညီတဲ့ကွဲပြားမှုတွေအောက်မှာ အားလုံးကတူတူပါပဲလားဆိုပြီးခံစားရစေမှာက ခရီးသွားခြင်းကပေးတဲ့ပထမဆုံးသင်ခန်းစာပါ။

ကိုယ့်ကိုယ်ကိုယ်ယုံကြည်မှုရှိလာစေမယ်
ခရီးသွားတဲ့အခါ လူ့သဘာဝအရ အနည်းနဲ့အများအမှားကျူးလွန်ဖူးကြမှာပါ။ လေယာဉ်ချိန်လွဲသွားမယ်၊ ကားမမှီတော့ဘူး၊ လမ်းမှားသွားမယ် စသည်ဖြင့်ပေါ့။ ကိုယ့်အရပ်ကိုယ့်ဒေသမှာဆိုရင် ပြဿနာမရှိပေမယ့် သူများတိုင်းပြည်လိုနေရာမျိုးဆို ဘယ်လိုမျိုးလုပ်ရပါ့မလဲ။ စိတ်မပူပါနဲ့။ ကိုယ်တိုင်တောင် တစ်ခါမှမကြုံဘူး၊ မခံစားဘူးတဲ့သတ္တိတွေ မသိစိတ်ကနေမွေးဖွားလာပြီး ကိုယ်ကိုယ်ကိုယ်ယုံကြည်မှုတွေရလာမှာသေချာပါတယ်။ 

အံသြစရာကောင်းတဲ့ဒေသအစားစာတွေမြည်းစမ်းခွင့်ရမယ်
ခရီးသွားတဲ့အခါ ဒေသအစားအစာတွေကို စားသောက်ရမှာမလွဲဧကန်ပါ။ တိုင်းပြည်တိုင်း၊ ဒေသတိုင်းမှာလည်း သူတို့ရဲ့ကိုယ်ပိုင်စားသောက်မှုပုံစံ၊ အထင်ကရအစားအစာကိုယ်စီရှိကြပါတယ်။ တရုတ်နိုင်ငံမှာဆိုကြက်ခြေထောက်၊ ပြင်သစ်မှာဆို ခရုစာတာမျိုးက ဘယ်သူမှထင်မှတ်ထားမှာမဟုတ်ပါဘူး။ ခရီးထွက်ပြီဆိုမှတော့ အနည်းဆုံးစားချင်ချင်မစားချင်ချင် တစ်ကြိမ်တစ်ခါတော့မြည်းစမ်းကြည့်ခွင့်ရမှာမဟုတ်ပါလား။

မိတ်ဆွေအသစ်ရလာမယ်
ခရီးသွားတဲ့အခါ ကိုယ်နဲ့ကားတစ်စီတည်းအတူစီးတဲ့လူနဲ့ဖြစ်စေ၊ ခရီးတစ်ခုတည်းအတူသွားနေတဲ့လူဖြစ်စေ၊ ခင်မင်ခွင့်ရလာမှာသေချာပါတယ်။ ပြီးတော့ ဒေသခံလူတွေနဲ့ရောပေါ့။ ကိုယ်သူတို့ကိုစိတ်ဝင်စားသလို ကိုယ်ဘယ်ကလာတယ်၊ ဘာလာလုပ်တယ်ဆိုတာ သူတို့လည်းစိတ်ဝင်စားကြမှာသေချာပါတယ်။ 

ပတ်ဝန်းကျင်နဲ့လိုက်လျောညီထွေဖြစ်လာမယ်
ခရီးသွားနေရင်းစီစဉ်ထားတဲ့အစီအစဉ်တွေက တစ်ခါတရံလွဲသွာကောင်းလွဲသွားနိုင်ပါတယ်။ လေကြောင်းခရီးစဉ်တစ်ခုဖျက်သိမ်းလိုက်တာမျိုး၊ ဟိုတယ်အခန်းကမရတော့တာမျိုးတွေနဲ့ ကြုံလာနိုင်ပါတယ်။ အဲဒီလိုအခါမျိုးမှာ နောက်ထပ်အစီအစဉ်တစ်ခုပြောင်းရမှာသေချာပါတယ်။ မမျှော်လင့်ထားတာတွေ တွေ့ကြုံလာရတဲ့စိတ်လှုပ်ရှားခံစားမှုကလည်း ခရီးသွားအတွေ့အကြုံရဲ့ အစိတ်အပိုင်းတစ်ခုဖြစ်ပါတယ်။ 

လူ့သဘောနားလည်တတ်လာမယ်
ခရီးသွားတဲ့လူတစ်ယောက် ကိုယ့်ပတ်ဝန်းကျင်ထက်ဆင်းရဲတဲ့နေရာတစ်နေရာကိုသွားမိတဲ့အခါ ကိုယ့်ကိုယ်ကိုယ်ဘယ်လောက်ကံကောင်တယ်ဆိုတာ သိလာပါလိမ့်မယ်။ အဲဒီလိုခံစားလာရတဲ့တွက် ကိုယ့်မှာရှိတဲ့အရာတွေကို ရောင့်ရဲကျေနပ်လာတတ်ပြီး ပြဿနာတွေကိုအကောင်းမြင်ရှုထောင့်ကနြေ့မင်လာမိစေပါတယ်။ 

စီမံခန့်ခွဲတတ်လာမယ်
ခရီးသွားခြင်းရဲ့ကောင်းခြင်းတစ်ခုကတော့ ကိုယ်ကိုယ်ကိုယ်တောင်မသိလိုက်ဘဲ စီမံခန့်ခွဲတက်လာခြင်းပါဘဲ။ ဘယ်အချိန်မှာ ဘယ်နေရာကိုရောက်မယ်၊ ဘာစားရမယ်၊ ဘယ်ကိုသွားရမယ်၊ ဘာမလုပ်ရဆိုတာတွေကို ကိုယ်တိုင်တောင်မသိလိုက်ဘဲ စီစဉ်တက်လာစေပါတယ်။ 

သူစိမ်းတွေနဲ့ပြောဆိုဆက်ဆံတတ်လာမယ်
ကိုယ်မသိတဲ့လူတစ်ယောက်ကို စကားပြောဖို့ဆိုတာ ခက်ခဲတဲ့အရာတစ်ခုပါ။ တစ်ယောက်တည်းခရီးသွားနေတာဖြစ်စေ၊ ငယ်အပေါင်းတွေနဲ့သွာတာဖြစ်စေ၊ လမ်းမသိတဲ့အခါ လူစိမ်းဒေသခံကိုမေးမြန်းရမှာသေချာပါတယ်။ အဲဒါကြောင့် ကမ္ဘာမှာခင်မင်ရင်နှီးဖွယ် ယုံကြည်ဖွယ်ကောင်းတဲ့လူတွေရှိနေသေးပါလားဆိုတာခံစားမိလာပါလိမ့်မယ်။  

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment