ပွဲခံမယ် ရုပ်ရှင်ဇာတ်ကားမှာ အရင်ထွန်းထွန်းနဲ့မတူတဲ့ ထွန်းထွန်းကိုတွေ့ရမှာပါ။












ပွဲခံမယ်ဇာတ်ကားအတွက်ခန္ဓာကိုယ်ဝိတ်မတက်အောင် လျှော့ရတာတွေလည်းရှိတယ်… ညစာလည်းငတ်ခဲ့တယ်ပေါ့… မရိုက်ခင်ကတည်းကဆံပင်ရှည်လက်သည်းရှည် နှုတ်ခမ်းမွှေးအရှည်ထားရပါတယ်… ထွန်းထွန်း

R-Square ရုပ်ရှင်ထုတ်လုပ်ရေးမှ ပထမဆုံးပွဲဦးထွက် ပွဲခံမယ် ရုပ်ရှင်ဇာတ်ကားကြီးမှာ ခေါင်းဆောင်မင်းသားတစ်ယောက်နေရာ၌ ပထမဦးဆုံးရိုက်ကူးထားသည့်အကြောင်း၊ လတ်တလောအနုပညာလှုပ်ရှားမှုများအကြောင်းနှင့်အကယ်ဒမီရွှေကြယ်လှူဒါန်းမှုအပြင် လက်ရှိအနုပညာလှုပ်ရှားမှုတွေအကြောင်းကို မေးမြန်းခဲ့သမျှကတော့…

ပွဲခံမယ် ဇာတ်ကားနဲ့ပတ်သက်ပြီးပရိသတ်တွေကိုပြောချင်တဲ့စကားက…
ဒီဇာတ်ကားဟာ ကျွန်တော်အနုပညာပြန်လုပ်တဲ့အချိန်မှာ ပထမဆုံးခေါင်းဆောင်မင်းသားအဖြစ်ပြန်ရိုက်ကူးတဲ့ဇာတ်ကားပေါ့။ ဒီဇာတ်ကားထဲမှာ ကျွန်တော်မဟုတ်တဲ့ပုံစံမျိုးကို ကျွန်တော်ကြိုးစားသရုပ်ဆောင်ထားပါတယ်။ ဒီဇာတ်ကားထဲမှာ ပရိသတ်တွေ ကျွန်တော်မဟုတ်တဲ့ နောက်တစ်ယောက်ကိုမြင်တွေ့ရမှာပါ။ ပြီးတော့ ဒါရိုက်တာရဲ့လိုအပ်ချက်ကိုပဲ ကျွန်တော်အကောင်းဆုံးကြိုးစားပြီးအားလုံးသရုပ်ဆောင်ထားကြပါတယ်။ 

ဒီဇာတ်ကားရဲ့ကာရိုက်တာက…
ဒီဇာတ်ကားမှာ ရာကျော်အဖြစ်သရုပ်ဆောင်ထားပါတယ်။ ကာရိုက်တာကဂျစ်ပေပေခပ်ဆိုးဆိုးကောင်းလေးတစ်ယောက်ပေါ့။ တစ်ခုခုဆို ဦးနှောက်သိပ်မသုံးဘူး။ စိတ်ထဲရှိတာကိုလုပ်ချလိုက်တယ်။ ရမ်းသန်းလုပ်တယ်ပေါ့။ ဒီဇာတ်ကောင်နဲ့လိုက်ဖက်အောင်အသားအရေကို မိတ်ကပ်လိမ်းရတဲ့အပိုင်းတွေရှိတယ်။ ခန္ဓာကိုယ်ဝိတ်မတက်အောင်လျှော့ရတာတွေလည်းရှိတယ်။ ညစာလည်းငတ်ခဲ့တယ်ပေါ့။ ကျွန်တော်မရိုက်ခင်ကတည်းက ဆံပင်အရှည်၊ လက်သည်းအရှည်၊ နှုတ် ခမ်းမွေးအရှည်ထားရပါတယ်။ 

ဒီဇာတ်ကားမှာပရိသတ်ကိုပေးချင်တဲ့အသိပညာက…
အဓိကပေးချင်တဲ့မက်ဆေ့ကတော့ လူတစ်ယောက်မကောင်းတာလုပ်ရင် မကောင်းတာဖြစ်မယ်။ လူတစ်ယောက်ဘယ်လိုပဲဖြစ်ဖြစ် ကိုယ်ပြုတဲ့ကံ ကိုယ့်ထံပြန်လာမယ်ပေါ့။ ဘယ်လိုပဲ ကိုယ့်ကိုယ်ကိုယ်ပြန်ကောင်းအောင်နေပေမယ့်လည်း တစ်ချိန်ကလုပ်ခဲ့ဖူးတဲ့မကောင်းမှုကံတရားတွေကို ပြန်လာတတ်တဲ့အကြောင်းပြောပြချင်တာပါ။

ဒီဇာတ်ကားမှာအစ်ကိုအတွက်ထူးခြားမှုက…
ကျွန်တော်အနုပညာအလုပ်တွေမလုပ်ဖြစ်တာ ငါးနှစ်ကျော်လောက်ရှိတယ်။ ကျွန်တော်အနူပညာအလုပ်တွေပြန်လုပ်တော့ ကျရာဇာတ်ရုပ်မှာ အကောင်းဆုံးဖြစ်အောင်ကြိုးစားသရုပ်ဆောင်ခဲ့ပါတယ်။ တဖြည်းဖြည်းနဲ့ ကျွန်တော့်ရဲ့ကြိုးစားမှုကို ပရိုဂျူဆာတွေ၊ ဒါရိုက်တာတွေ၊ လုပ်ဖော်ကိုင်ဖက်တွေက ယုံကြည်မှုရလာပြီး အနုပညာအလုပ်တွေပိုလုပ်ခွင့်ရလာခဲ့တယ်။ ဒီဇာတ်ကားမှာ ကျွန်တော့်အတွက်ထူးခြားမှုကတော့ အနုပညာအလုပ်တွေနဲ့ ငါးနှစ်ကျော်ဝေးကွာပြီးနောက်ပိုင်းမှာ ခေါင်းဆောင်မင်းသားအဖြစ် ပထမဆုံးရိုက်ခွင့်ရတဲ့ဇာတ်ကားပါ။ ကျွန်တော်ကိုယ်တိုင်လည်း အစွမ်းကုန်ကြိုးစားထားတယ်ဆိုတော့နောက်ထပ်လည်း ကျွန်တော့်ကိုယုံကြည်မှုထားတာတွေ အလွဲသုံးစားမဖြစ်အောင်အကောင်းဆုံးထပ်ကြိုးစားနေပါ့မယ်လို့ပြောချင်ပါတယ်။

အကယ်ဒမီရွှေကြယ်လေး လှူဒါန်းဖြစ်တာက…
အကယ်ဒမီရွှေကြယ်ကို အောင်ဇမ္ဇူကျောင်းတိုက်က ဆရာတော်ဆီမှာ လှူဒါန်းခဲ့ပါတယ်။ အဓိဌာန်ပြုလှူဒါန်းလိုက်တာပါ။ ဒီအဓိဌာန်အထမြောက်အောင်မြင်ပါပြီ။ နတ်လူသာဓုခေါ်ဆိုကြပါလို့ အွန်လိုင်းမှာရေးထားလိုက်တာပါ။ ကျွန်တော့်ရဲ့ ၂၀၁၆ ခုနှစ်က အုတ်ကြားမြက်ပေါက်ရုပ်ရှင်ဇာတ်ကားကြောင့်ရခဲ့တဲ့ အကယ်ဒမီရွှေစင်ရုပ်ထုရဲ့ရွှေကြယ်ကိုဖြူတ်လှူလိုက်တာဖြစ်ပါတယ်။ ဒီလိုလှူရတဲ့အကြောင်းကတော့ ကျွန်တော့်ပရိသတ်တွေအတွက် ကောင်းမှုကုသိုလ်လုပ်ပေးချင်တယ်။ ဒီအကယ်ဒမီဆုဆိုတာလည်း ပရိသတ်တွေရဲ့အားပေးမှုနဲ့ရရှိခဲ့တဲ့ဆုမို့ ကျေးဇူးရှင်ပရိသတ်တွေကိုရည်ရွယ်ပြီး လှူဒါန်းခဲ့ပါတယ်။ 

ထွန်းထွန်းပရိသတ်တွေကိုပြောချင်တဲ့စကားက…
ပွဲခံမယ် ရုပ်ရှင်ဇာတ်ကားမှာ အရင်ထွန်းထွန်းနဲ့မတူတဲ့ ထွန်းထွန်းကိုတွေ့ရမှာပါ။ ဒီဇာတ်ကားကိုလာရောက်ကြည့်ရှုပြီး ဝေဖန်အကြံပေးပါဦး။ ဒီကားပြီးရင်နောက်ထပ်ရုံတင်ပြသဦးမယ့် ၅၂၈နဲ့ ၁၅၀၀ မေတ္တာကိုဖော်ကျူးထားတဲ့ သားပိုက်ကောင်ဇာတ်ကားကိုလည်း ထပ်အားပေးကြပါဦးလို့ စကားလက်ဆောင်ပါးချင်ပါတယ်။
ပုညဗိုလ်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 

Share on Google Plus

0 comments:

Post a Comment