အနုပညာအရအားနည်းချက်တွေ ရှိနေကြသေးတယ်… ရဲအောင်











နည်းပညာတွေတိုးတက်လာတယ်လို့ ပြောနေကြပေမယ့် အနုပညာအရအားနည်းချက်တွေ ရှိနေကြသေးတယ်…ရဲအောင်

ကိုရဲတို့က အနုပညာလောကထဲမှာ အသက်အရွယ်အရဇာတ်ကောင်တွေရော၊ ကာရိုက်တာတွေပါ ပြောင်းလာကြပြီ။ ကိုယ်ကဇာတ်ကိုပဲရွေးချင်ရွေးလို့ရမယ်။ ဇာတ်ကောင်ဆိုတာကတော့ စိတ်ကြိုက်ရွေးချယ်ခွင့်မရှိတော့ဘူး။ နောက်ပြန်လှည့်လို့မရတော့ဘူး။ 

ရှေ့ကိုပဲရောက်သလောက်ဆက်လျှောက်ရမှာ။ ရုပ်ရှင်ဆိုတာ ကိုရဲတို့ခေတ်နဲ့ပြန်ကြည့်ရင် အများကြီး ကွာခြားသွားပြီ။ စိတ်ကူးအသစ်တွေ၊ ပုံစံအသစ်တွေနဲ့ ရှင်သန်နေတဲ့အနုပညာလောကကြီးထဲမှာ ကိုယ့် အတွက်နေရာတစ်နေရာရှိဖို့ပဲလိုတာပါ။ နည်းပညာတွေတိုးတက်လာတယ်လို့ ပြောနေကြပေမယ့် အနုပညာအရအားနည်းချက်တွေရှိနေကြသေးတယ်။ 

ကလေးတွေက သရုပ်ဆောင်ဆိုတာနဲ့ မင်းသား၊ မင်းသမီးဆိုတာကိုနားလည်မှုအားနည်းနေကြသေးတယ်။ ရုပ်ရှင်ဇာတ်ကားကြီးတွေ ရိုက်အားကောင်းလာတယ်ဆိုပေမယ့် အဆင့်မြင့်တဲ့ပုံစံမျိုးတော့ ဖြစ်စေချင်တယ်။ ပရိသတ်အပေါ်မှာလည်း စေတနာထားရမယ်။ ကိုရဲတို့ခေါင်းဆောင်မင်းသားဖြစ်နေတဲ့အရွယ်တွေ၊ အချိန်တွေတုန်းက လုံးဝထိတွေ့မှုမရှိခဲ့တဲ့ဇာတ်ကောင်တွေ၊ ကာရိုက်တာတွေကိုလည်း ခုချိန်မှာလုပ်ဖြစ် လာတယ်။ အခုဆို မိန်းမလျာဇာတ်ကောင်တွေတောင် လုပ်လာရတယ်။ 

ရုပ်ရှင်နဲ့ဗီဒီယိုကြားမှာ ကွာခြားသွားတာကဈေးကွက်ပါ။ ရုပ်ရှင်ဈေးကွက် အေးစက်စက်ဖြစ်နေချိန်မှာ ဗီဒီယိုဈေးကွက်ကတက်တယ်။ ရုပ်ရှင်ဇာတ်ကားကြီးတွေရိုက်အားကောင်းလာကြတော့ ဗီဒီယိုဘက်မှာ အားနည်းနေတာတွေ့ရတယ်။ ရုပ်ရှင်ဈေးကွက် တက်တယ်ဆိုတာကလည်း ရိုက်အားကောင်းလာတာ ကိုပြောတာပါ။ 

ကိုရဲကတော့ ရုပ်ရှင်ပဲဖြစ်ဖြစ်၊ ဗီဒီယိုပဲဖြစ်ဖြစ် ကိုယ့်အလုပ်ကို ကိုယ်ကောင်းအောင်လုပ်တယ်။ ပရိသတ်အကြိုက်နဲ့ ကိုယ့်ရဲ့အနုပညာအားကိုလည်း ဘယ်တော့မှ လျှော့လုပ်ခဲ့တာမျိုးမရှိဘူး။ ထုတ်လုပ်သူဆိုတာလည်း ပိုက်ဆံရဖို့ကိုပဲတွက်ကြတာမျိုးလည်းရှိတယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment