စိတ်ဝင်စားစရာ Apple 3D Touch နည်းပညာ









Apple အနေနဲ့ မကြာသေးခင်က IPhone အသစ်တွေကိုထုတ်ပြရာမှာ iPhone 6S နဲ့ 6S Plus တွေမှာ အင်မတန်ထူးခြားတဲ့ နည်းပညာသစ်တစ်ခုကိုထည့်သွင်းပေးခဲ့ပါတယ်။ Apple ကတော့ အဲဒီနည်းပညာကို 3D Touch လို့ နာမည်ပေးထားပါတယ်။ Touch Screen တွေပေါ်လာပြီးတဲ့နောက်ပိုင်းမှာ Mobile Device တွေကို အသုံးပြုသူတွေအနေနဲ့ ပထမဦးဆုံးအကြိမ်အဖြစ်နဲ့ အသုံးပြုသူနဲ့ User တွေအကြား User Interaction ပြုလုပ်ပုံအသစ်တစ်ခုအနေနဲ့ အသုံးပြုနိုင်လာတာဖြစ်ပါတယ်။

3D Touch ဟာ Apple က ဖန်တီးခဲ့ဖူးတဲ့ နည်းပညာတွေထဲက အခက်အခဲဆုံးတစ်ခုဖြစ်ပြီး ဘာကြောင့် ဖန်တီးဖို့လိုအပ်သလဲဆိုတော့ စမတ်ဖုန်းတွေရဲ့လုပ်ဆောင်ချက်တွေဟာ သာမန်တိုက်ရိုက် ထိတွေ့ခိုင်းစေနိုင်တဲ့အဆင့်ကနေ ဆင့်ကဲတိုးတက်ပြီးပြောင်းလဲဖို့ လိုအပ်လာတဲ့အတွက်ဖြစ်ပါတယ်။ တကယ်တော့ 3D Touch ဆိုတာဟာ ကျွန်တော်တို့ Click နှိပ်သလို၊ Right Click နှိပ်သလို၊ Input Method တစ်ခုပါပဲ။ 

သာမန်ဖိတာနှိပ်တာမဟုတ်ဘဲ၊ ခပ်ပြင်းပြင်းနဲ့ ကြာကြာလေးဖိထားရင် သာမန်ဖိလိုက်တာ၊ နှိပ်လိုက်တာနဲ့ မတူတဲ့ရလဒ်တွေဖြစ်လာစေဖို့ဖြစ်ပါတယ်။ ဥပမာအားဖြင့် Camera Icon လေးကိုခပ်ပြင်းပြင်းနဲ့ကြာကြာလေးဖိထားရင် Selfie ရိုက်နိုင်မယ့် Shortcut ပါတဲ့ Menu တစ်ခုကိုပြပေးပါမယ်။ Contact Icon ကိုဖိထားရင် ကိုယ်မကြာခဏခေါ်တတ်တဲ့သူတွေရဲ့ ဖုန်းနံပါတ်ကိုပြပေးပါလိမ့်မယ်။ တကယ်လို့ အဲဒါကိုမှ ခပ်ပြင်းပြင်းအားစိုက်ထပ်ဖိရင် နောက်ထပ် Menu တစ်မျိုးကိုပြောင်းသွားစေပါလိမ့်မယ်။

3D Touch ဟာဆိုရင် App တွေကို အသုံးပြုတဲ့နေရာမှာ လုံးလုံးလျားလျားကို အပြောင်းအလဲဖြစ်သွားစေ ပါမယ်။ ဥပမာ- Movie App ကိုဖွင့်ကြည့်ပြီး ဇာတ်လမ်းကိုကျော်ကြည့်မယ်ဆိုရင် Screen ကို ဘယ်လောက်အားနဲ့ဖိထားလဲဆိုတာအပေါ်မှာမူတည်ပြီး Forward လုပ်တဲ့ Speed က ပြောင်းသွား မယ်ဆိုတာက တကယ့်ကိုစိတ်ဝင်စားစရာပါပဲ။

ဒါကြောင့် ဖိအားကိုအမျိုးမျိုးပြောင်းလဲခြင်းက အသုံးပြုတဲ့ Sensor တွေကို သက်ရောက်မှုအမျိုးမျိုးရှိလာစေပြီး၊ ဒီကနေမှတစ်ဆင့် ဖုန်းပေါ်မှာ Function တွေကိုအဆင့်ဆင့်ပြောင်းလဲသွားစေတာပါ။ တစ်စက္ကန့်လောက်အတွင်းမှာတင် 3D Touch ဟာ ဒီလိုကွဲပြားတဲ့ထိတွေ့ပုံတွေအားလုံးကို သိရှိနိုင်စွမ်းရှိပါတယ်။

Touch နည်းပညာဟာ အနာဂတ်ဖြစ်လာပြီး 3D Touch ဟာ ဒီနည်းပညာရဲ့ ထိပ်ဆုံးနေရာမှာရှိနေတဲ့ နည်းပညာဖြစ်လာပါတယ်။ ဘယ်လိုပဲဖြစ်ဖြစ် နည်းပညာအသစ်တစ်ရပ်တီထွင်မှုမှာ အကောင်းရော၊ အဆိုးရောရှိနေပြီး ပြီးပြည့်စုံဖို့အတွက် အချိန်တစ်ခုတော့စောင့်ရဦးမှာပါ။ ဘာပဲဖြစ်ဖြစ် ကျွန်တော်တို့ကတော့ Apple ရဲ့ အနာဂတ်နည်းပညာကိုထိတွေ့ခွင့်ရခဲ့ပြီဖြစ်ပါတယ်။
မင်းသုနောင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape
Share on Google Plus

0 comments:

Post a Comment