ရွေးချယ်စရာများလာတဲ့ Apple iPhone









iPhone 6S Plus က iPhone 6 Plus ထက် ၁၂ ရာခိုင်နှုန်းပိုမိုလေးလံပြီး iPhone 6S ကတော့ iPhone 6 ထက် ၁၁ ရာခိုင်နှုန်းပိုမိုလေးလံပါတယ်

Apple ရဲ့ iPhone နောက်ဆုံးပေါ်ဖုန်းအသစ် ၂မျိုးကိုထုတ်ပြပြီးတဲ့အခါ iPnone နဲ့ပတ်သက်ပြီး ရွေးချယ်စရာအနည်းငယ်ပိုလာခဲ့ပြီးဖြစ်ပါတယ်။ အရင်တုန်းကထုတ်လုပ်ထားတဲ့ iPhone တွေကလည်း လက်ရှိနောက်ဆုံး iOS version ဖြစ်တဲ့ (9)ကိုလည်း ကောင်းကောင်းမွန်မွန်ဆက် လက်အသုံးပြုနိုင်နေသေးတာကြောင့် နောက်နှစ်မတိုင်ခင်အထိ ကျွန်တော်တို့မှာ iPhone 6s Plus, iPhone 6s, iPhone 6 Plus, iPhone 6, iPhone 5s ဆိုပြီးရွေးချယ်စရာ iPhoneများ များစားစားရှိလာခဲ့ပြီဖြစ်ပါတယ်။ 

အရွယ်အစားအရ iPhone 6s  နဲ့ 6 Plus တို့ရဲ့ အမြင့်နဲ့အကျယ်က ၂၀၁၄ခုနှစ် ဗားရှင်းတွေနဲ့ အတူတူပဲဖြစ်ပေမယ့် iPhone 6 နဲ့ 6 plus တို့ထက် ၃ရာခိုင်နှုန်းစီ ပိုမိုထူထဲပါတယ်။
အလေးချိန်ကတော့ iPnone 6s Plus က iPhone 6 Plus ထက် ၁၂ရာခိုင်နှုန်းပိုမိုလေးလံပြီး iPhone 6s ကတော့ iPhone 6 ထက် ၁၁ ရာခိုင်နှုန်းပိုမိုလေးလံပါတယ်။ 

ဖုန်း ၅မျိုးလုံးအလူမီနီယံတစ်ဆက်တည်းကိုယ်ထည်တွေဖြစ်ပြီး ၂၀၁၅ ခုနှစ်မော်ဒယ်တွေမှာသုံးထားတဲ့ အလူမီနီယမ်သတ္ထုကတော့ ၂၀၁၄ခုနှစ်ထုတ်ကုန်တွေရဲ့ သတ္ထုတွေထက်ကြံ့ခိုင်မှုပိုမြင့်ပါတယ်။
အရောင်အသွေးအနေနဲ့ Apple က ဒီနှစ်မော်ဒယ်တွေအတွက် Rose Gold အရောင်သစ်တစ်ခုကိုထည့်ပေးခဲ့ပါတယ်။ 

အပေါ်ကဓာတ်ပုံတွေထဲမှာ တစ်ခုခုလစ်ဟာနေသလိုခံစားရတယ်ဆိုရင်တော့ အကြောင်းရင်းက Apple ဟာ ၂၀၁၅ မတိုင်ခင်ကရောင်းချပေးခဲ့တဲ့ Gold Model ရောင်းချမှုကိုရပ်တန့်လိုက်လို့ပဲဖြစ်ပါတယ်။ အချို့ဆိုင်တွေမှာရချင်ရနိုင်ဦးမှာဖြစ်ပေမယ့် Apple ရဲ့ Online Store မှာတော့ ဘယ်လိုမှရှာတွေ့မှာမဟုတ်တော့ပါဘူး။ 

မျက်နှာပြင်အရွယ်အစားကိုကြည့်ရင် ၂၀၁၅ခုနှစ်ဟာ iPhone တွေရဲ့နှစ်ဖြစ်တာကြောင့် လွန်ခဲ့တဲ့  ၂၀၁၄ခုနှစ်မော်ဒယ်တွေနဲ့ Display အရွယ်အစားကွာခြားမှုမရှိပါဘူး။ လွန်ခဲ့တဲ့ ၂နှစ်က iPhone 5s ကတော့ ဒီဘက်ခေတ်စံတွေနဲ့ယှဉ်ရင် သေးငယ်သွားတော့မှာဖြစ်ပါတယ်။ Apple ဟာ Android တွေရဲ့ တိုက်ပွဲတစ်ခုဖြစ်တဲ့ Pixel သိပ်သည်းဆပိုင်းမှာလည်း မြှင့်တင်မှုတွေလုပ်ပေးခဲ့ပါတယ်။ Samaung, LG နဲ့ Motroal တို့ရဲ့ စမတ်ဖုန်းတွေဟာ QHD Display တွေကို အသုံးပြုနေပြီဖြစ်ပြီး ၂၀၁၀ ခုနှစ်က iPhone 4 လိုပဲ 326ppi ကို ဆက်သုံးနေပါသေးတယ်။ 

ဒါပေမဲ့ Phablet နှစ်လုံးကတော့ 1080 နဲ့ 401ppi ကိုမြှင့်တင်သွားပါတယ်။ ကင်မရာပိုင်းမှာဆိုရင် 6s iPhone တွေဟာ iPhone 4s နောက်ပိုင်း Apple ရဲ့ ပထမဦးဆုံး Megapixel ပိုများသွားတဲ့ ကင်မရာတွေပါဝင်လာတာဖြစ်ပါတယ်။ iPhone ရဲ့ ကင်မရာအရည်အသွေးဟာ နှစ်စဉ်ပုံမှန်တိုးတက်လာသလို ဒီနှစ်မှာလည်းမျှော်လင့်ထားသလို ဖြစ်လာဖို့ ပြင်ဆင်ထားမှာသေချာပါတယ်။ ခုလို iPkhone တွေရဲ့ခြားနားချက်ကို အနည်းငယ်သိထားတယ်ဆိုရင် နောက်ထပ် iPhone တစ်လုံးကိုဘယ်လိုရွေးချယ်ရမယ်၊ ဒါမှမဟုတ် ဘယ်လိုပြောင်းသုံးရမယ်ဆိုတာ အနည်းငယ်ခွဲခြားနိုင်မှာဖြစ်ပါတယ်။

မင်းသုနောင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape
 

Share on Google Plus

0 comments:

Post a Comment