Beauty Blender ဒီလိုသုံးပါ…








မိတ်ကပ် Cosmetics ပစ္စည်းကောင်းတွေပေါ်လာတာနဲ့အမျှ Cosmetic ပစ္စည်းတွေကိုလက်နဲ့ ကိုင်တွယ်မယ့်အစား အစားထိုးအသုံးပြုရမယ့် ပစ္စည်းတွေလည်း အမြောက်အမြားပေါ်ထွက်လာပါတယ်။ အဲဒီအထဲမှာ Beauty Blender လို့ခေါ်တဲ့ မိတ်ကပ်လိမ်းတဲ့အခါသုံးတဲ့ ဘဲဥပုံစံရေမြုပ်လေးတွေက တစ်ခုအပါအ၀င်ပါ။ ပထမပိုင်းတော့ သာမန်လိမ်းနေကျရေမြုပ်နဲ့မတူဘဲ ထူးခြားနေတော့ လိမ်းရတာက ကသိ ကအောက်ဖြစ်တာပေါ့။ သုံးနည်းပါမသိတော့ လိမ်းခြယ်ရတာ စိတ်အနှောင့်အယှက်ဖြစ်ရပြီး 'ဒီပစ္စည်းက အလကားပါ' ဆိုတာမျိုးဖြစ်ကုန်ပါရော။ တကယ်တမ်းတော့ ပစ္စည်းတိုင်မှာသုံးစွဲနည်းရှိပါတယ်။ အဲဒီတော့ Beauty Blender လေးတွေကို ဘယ်လိုသုံးမယ်ဆိုတာလေ့လာကြည့်ရအောင်

ခြောက်သွေ့နေတယ်

ပစ္စည်းအသစ်တစ်ခုဝယ်တိုင်း သုံးပုံသုံးနည်းလမ်းညွှန်ကိုဖတ်ရ ပျင်းပြီးကျော်သွားတတ်ကြတာ မိန်းက လေးတိုင်းနီးပါးရဲ့အကျင့်ပါ။ Blender လေးကစအသုံးပြုခြင်းမှာ ခြောက်သွေ့နေတဲ့အတွက် ရေမြုပ်ထဲကို မိတ်ကပ်ရည်တွေစိမ့်ဝင်သွားပါတယ်။ Blender လေးကို ရေဆွတ်ပေးလိုက်မယ်ဆိုရင် နဂိုအရွယ်အစားထက် အနည်းငယ်ပိုကြီးသွားသလို သုံးရတာပိုပြီး နူးနူးညက်ညက်လေးဖြစ်စေပါတယ်။ ဒါပေမဲ့ အပြစ်အနာအဆာဖုံးဖို့ မိတ်ကပ် (ကွန်ဆယ်လာ) သုံးတဲ့အခါမှာတော့ Blender လေးကို ရေမဆွတ်ဘဲသုံးပေးပါ။

Blender နဲ့ ဖောင်ဒေးရှင်း တိုက်ရိုက်မထိနဲ့

ဖောင်ဒေးရှင်းအရည်သုံးသူများ လက်ဖမိုးပေါ်မှာအရည်တင်ပြီးမှ Blender နဲ့ ခပ်ဖွဖွလေးပွတ်လိမ်း ပေးပါ။ ဒါမှ ဖောင်ဒေးရှင်းနဲ့ Blender နဲ့ ဖောင်ဒေးရှင်းအနည်းအများပေါ်လိုက်ပြီး လိုအပ်သလို ခြယ်သနိုင်မှာ ဖြစ်ပါတယ်။

Blender စိုစွတ်နေပါစေ

မျက်နှာအစိတ်အပိုင်းတစ်ခုကို Blender နဲ့ ပုံဖော်ခြယ်သပြီးချိန်မှာ Blender က ခြောက်သွေ့လာပြီး မိတ်ကပ် မညီမညာဖြစ်လာပါတယ်။ အဲဒါကြောင့် Blender ခြောက်သွေ့သွားတယ်လို့ ခံစားရတိုင်း ရေအနည်း ငယ်၊ မကြာခဏဆွတ်ပေးဖို့ မမေ့ပါနဲ့။

ခပ်ဖွဖွလေးထိတွေ့ပါ
မိတ်ကပ်လိမ်းတာက မျက်နှာကိုတံမြက်စည်းလှည်းနေတာ မဟုတ်ပါဘူး။ Blender သုံးပြီး မိတ်ကပ် လိမ်းတဲ့အခါ မျက်နှာပြင်ပေါ်မှာ ပွတ်ဆွဲနေတာထက် ခပ်ဖွဖွ လေးပွတ်ပေးတဲ့ နည်းလမ်းနဲ့သာ သုံးပေးပါ။

အရမ်းမဖိနဲ့
ခပ်ဖွဖွလေး ကိုင်တွယ်လေ မိတ်ကပ်သားညီညာပြီးပါးပါးလေးနဲ့ လှလေဆိုတာသတိပြုပါ။

ဂရုတစိုက်ကိုင်တွယ်
Beauty Blender က အလွန်နူးညံ့ပြီး ပျက်စီးလွယ်တဲ့ မိတ်ကပ်လိမ်းကိရိယာပါ။ ရေဆွတ်ပြီး များသွားရင် ခပ်ဖွဖွလေးသာပြန်ညှစ်ပါ။ အရမ်းကြီးမဖိလိုက်ပါနဲ့။ ပျက်စီးဖို့လွယ်ကူပါတယ်။

သေချာသန့်ရှင်းပါ
တခြား Cosmetic ပစ္စည်းသုံးအကူကိရိယာတွေလိုပဲ ဘက်တီးရီးယားတွေတွယ်ကပ်နိုင်တဲ့ အတွက် သေချာသန့်ရှင်းရေးလုပ်ဖို့ လိုပါတယ်။ ရေခပ်နွေးနွေးလေးထဲမှာ အနံ့အသက်ကင်းစင်တဲ့ ဆပ်ပြာနဲ့ စိမ်ထားပြီး ခပ်ဖွဖွလေးသန့်ရှင်းရေးလုပ်ပေးပါ။ လျှော်ဖွတ်ပြီးတဲ့အခါ ရေသုတ်ဝတ်လေးနဲ့ ရေစုပ်စေပြီး သေချာခြောက်သွေ့အောင် ထားပေးပါ။

မကြာခဏလဲလှယ်ပါ
ကိုယ်မိတ်ကပ်လိမ်းရတဲ့ အရေအတွက်အပေါ်မူတည်ပြီး Blender ကို မကြာခဏလဲလှယ်ပေးပါ။ ပွန်းပဲ့ စုတ်ပြဲသွားတဲ့ Blender က မိတ်ကပ်လိမ်းရတာ အဆင်မပြေသလို ဘက်တီးရီးယားတွေကလည်း တွယ်ကပ် နိုင်ချေများပါတယ်။

စွယ်စုံအသုံးဝင်တယ်

Blender ကို ဖောင်ဒေးရှင်းအတွက်ပဲ အသုံးပြုနိုင်တယ် မထင်ပါနဲ့။ ပါးနီ (blush) တင်တဲ့အခါ၊ SPE လိုးရှင်းတွေလိမ်းတဲ့အခါ ပေါင်ဒါခပ်ပါးပါးလေးသုံးချင်တဲ့အခါ Blender ကို အလွယ်တကူအသုံးပြုနိုင်ပါတယ်။
ဝဿန်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape





Share on Google Plus

0 comments:

Post a Comment