Christmas, New Year လို ညမျိုးမှာအလှဆုံးဖြစ်နေဖို့




သိပ်မကြာခင်မှာ Christmas, New Year ရောက်တော့မယ်။ အဲဒီပွဲတွေမှာဝတ်စားဖို့ အလှအပ ပြင်ဆင်ဖို့နဲ့ အခုကတည်းကကြိုတင်ပြင်ဆင်ထားကြပြီ။ Christmas, New Year လိုပွဲမျိုးမှာတော့ ညဘက်ကို အစွမ်းကုန်ပြင်ဆင်ကြတာပေါ့။ မိတ်ကပ်ပြင်တာတော့မှန်ပါရဲ့။ ဘယ်လိုပြင်ကြမလဲ။ ကိုယ်ပြင်ဆင်ချင်တဲ့ နည်းလမ်းတွေက တကယ်ရောမှန်ကန်ရဲ့လား။ အဲဒီတော့ Christmas, New Year လို ညမျိုးမှာအလှဆုံး ဖြစ်နေဖို့ မိတ်ကပ်ပြင်ဆင်ပုံလေးတွေလေ့လာ ကြည့်ကြရအောင်။

ဘာကိုသတိထားမလဲ
ညဘက်ပွဲနေပွဲထိုင်မှာကတော့ မျက်လုံးနဲ့နှုတ်ခမ်းကို အဓိကထား ပြင်ဆင်ကြတာများပါတယ်။ ဒါပေမဲ့ မျက်လုံး၊ နှုတ်ခမ်းနှစ်ခုစလုံး အလွန်အကျွံမခြယ်သမိဖို့ သတိထားပါ။ မျက်လုံးကိုအရောင်စုံနဲ့ခပ်ထူထူလေး ခြယ်မယ်စိတ်ကူးထားရင် နှုတ်ခမ်းကိုအရောင်ခပ်ပါးပါးလေးခြယ်ပါ။ နှုတ်ခမ်းကိုအရောင် တောက်တောက် ဆိုးမယ်ဆိုရင် မျက်လုံးကို Eye Liner ခပ်ပါးပါးလေးသာ အသုံးပြုဖို့သတိပြုပါ။

နှုတ်ခမ်းဆိုးဆေး
ညနေဘက်ပေါ့ပေါ့ပါးပါး လွတ်လွတ်လပ်လပ်သူငယ်ချင်းတွေနဲ့ လျှောက်လည်မယ်။ လက်ကိုင်အိတ် ကိုလည်းမယူဘူး။ ဒါပေမဲ့ ကိုယ်ဆိုးထားတဲ့ နှုတ်ခမ်းဆိုးဆေးလည်း စားသောက်တာနဲ့ ပျက်မှာစိုးတယ်။ အဲဒီအတွက်စိတ်မပူပါနဲ့။ lip glass ဘူးသေးသေးလေးကို ဘောင်းဘီအိတ်ထဲလိုမျိုးသာ ထည့်ထားလိုက်ပါ။ လိုအပ်တဲ့အချိန် ထုတ်ဆိုးလို့ရတာပေါ့။

အဆီပြန်တဲ့အသားအရေအတွက်
ညဘက်အပြင်ထွက်တဲ့အခါ အဆီပြန်လွန်းတဲ့အသားအရေကြောင့် မိတ်ကပ်ကွက်မှာစိတ်မပူပါနဲ့။ ပေါင်ဒါဘူး၊ Twaway ဘူးပါလာလို့ အဆီတွေပြန်ပြီးမိတ်ကပ်တွေ ကွက်မှာစိတ်ပူနေပါလား။ အဲဒီအတွက် အိမ်သာသုံးတစ်ရှုးစက္ကူကိုသာ သုံးလိုက်ပါ။ အိမ်သာသုံးတစ်ရှုးစက္ကူကိုအဆီပြန်တဲ့နေရာမှာ ပွတ်ပေးလိုက်ရုံနဲ့ အဆီပြန်ခြင်းကင်းပြီး မိတ်ကပ်ကွက်ခြင်းကို ကင်းစင်စေပါလိမ့်မယ်။

မျက်ဝန်းဘယ်လိုခြယ်မလဲ

Christmas, New Year လိုညမျိုးမှာတော့ သာမန်နေ့တွေထက်ထူးခြားနေဖို့ လိုပါတယ်။ မျက်လုံးကို ကြောင်မျက်လုံး ပုံစံခြယ်သပါ။ ကြောင်မျက်လုံး ပုံသဏ္ဍာန်ခြယ်သဖို့အတွက် Eye Liner အရည်ကိုသုံးပေးပါ။ Eye Liner အရည်ကပုံဖော်ရလွယ်ကူပါတယ်။ တကယ်လို့ကြောင်မျက်ဝန်းပုံစံခြယ်ရတာ အခက်တွေ့နေရင် မျက်ဝန်းအပြင်ထောင့်ကို ကတ်ထူစက္ကူပြားနဲ့ ၄၅ စောင်းထားပြီး Eye Liner ကိုခြယ်သနိုင်ပါတယ်။

မိတ်ကပ်ဘယ်လိုလိမ်းမလဲ

ညဘက်တွေမှာမျက်ဝန်းကို အဓိကထားပြီးခြယ်သပါ။ မီးခိုးရောင်မျက်ဝန်းလေးကို အနက်ရောင် Eye Liner နဲ့တွဲစပ်ခြယ်ပါ။ မီးခိုးရောင် မျက်ဝန်းလေးနဲ့ အလိုက်ဖက်ဆုံးကတော့ အရောင်နုနှုတ်ခမ်းသားလေးပါပဲ။ မျက်လုံးအတွက် အရောင်ရွေးချယ်တဲ့အခါ ခရမ်းရောင်၊ အစိမ်းရောင်၊ ရွှေရောင်၊ ပန်းရောင်တို့လို အရောင်ခပ်တောက်တောက်လေးတွေ ရွေးချယ်နိုင်ပါတယ်။

နှုတ်ခမ်းသားလေးတွေအတွက်
သတိထားပြင်ဆင်ရမယ့်အရာတွေထဲမှာ နှုတ်ခမ်းသားလေးတွေလည်းပါဝင်ပါတယ်။ စားသောက်တဲ့ အခါ အရောင်ပျက်သွားလို့ စိတ်မပူပါနဲ့။ နှုတ်ခမ်းဆိုးဆေးအတောင့်လေးကိုသာ သုံးပေးပါ။ Lip Liner Lip gloss တို့ထက် နှုတ်ခမ်းဆိုးဆေးအတောင့်ကိုသာ ရွေးချယ်သုံးစွဲပါ။

ခန္ဓာကိုယ်ကလည်းအရေးကြီးတယ်

မျက်နှာတစ်ခုတည်းပြင်ဆင်ရုံနဲ့ မပြီးသေးပါဘူး။ Christmal, New Year လိုညမျိုးမှာ အတိုအပျက် လေးတွေဝတ်ဆင်ကြမှာ သေချာပါတယ်။ အဲဒါကြောင့် ခန္ဓာကိုယ်ကိုတောက်ပနေစေမယ့် ခရစ္စတယ်အမှုန့် လေးတွေပါတဲ့ Body Lotion လိုမျိုးသုံးပေးပါ။

ဝဿန်



---------------------------------------------
ကျန်းမာလန်းဖြာစေဖို့ ကျန်းသုခ Health Guide ကို ဖတ်ကြပါစို့။




Share on Google Plus

0 comments:

Post a Comment