အဝတ်အစားတွေရွေးရလွန်းလို့ စိတ်ညစ်မနေပါနဲ့…









အပြင်သွားခါနီးဝတ်စရာမရှိတာက မိန်းကလေးတွေအတွက်ပြဿနာတစ်ခုဖြစ်သလို အ၀တ်အစားတွေ များနေတာကလည်း ပြဿနာတစ်ခုပါ။ အဓိကကတော့ ရွေးစရာများလွန်းလို့ ဘာဝတ်ရမလဲ ဆိုတာမသိ တဲ့ပြဿနာပေါ့။ ဒါလေးလည်းဝတ်ချင်၊ ဟိုဟာလေးလည်းဝတ်ချင်။ ကိုယ့်အပြင်အဆင်နဲ့ ကလည်း မလိုက်ဖက်။ ရာသီဥတုနဲ့ကလည်းဆန့်ကျင်ဘက်။ ဒီလိုအခြေအနေမျိုးကမိန်းကလေးအတွက် ခေါင်းခဲ စရာအခြေအနေပါ။ ပြဿနာကိုဘယ်လိုဖြေရှင်းကြမလဲ…။

အားလုံးရှင်းထုတ်လိုက်ပါ…
ဒါလည်းဝတ်ချင်၊ ဟိုဟာလည်းဝတ်ချင်ဆိုရင်တော့ ကိုယ်ဝတ်ချင်တဲ့အ၀တ်အစားတွေအားလုံးကို ဗီရိုထဲကနေဆွဲထုတ်လိုက်ပါ။ နောက်ဆုံးဗီရိုထဲကအ၀တ်အစားတွေကုန်ချင်ကုန်သွားပါစေ။ နောက်ဆုံးဘာမှမကျန်တော့တဲ့အထိရွေးထုတ်ပစ်လိုက်ပါ။ အဲဒီတော့ စိတ်ထဲမရှင်းသွားဘူးလား။

ဘာတွေရှိသလဲစစ်ထား…
ကိုယ့်ကိုယ်ကိုယ်မေးခွန်းလေးတွေထုတ်ရမယ့်အချိန်ရောက်ပါပြီ။ ဒီအ၀တ်အစားက ကိုယ်နဲ့တော်သေး ရဲ့လား။ နောက်ဆုံးဘယ်တုန်းက၀တ်ခဲ့တာလဲ။ ဘယ်နှကြိမ်လောက်ဝတ်ဖူးသလဲ။ ဒါဘာလဲ။ နောက်ထပ် ၀တ်ရဦးမှာလား။ ဒါငါနဲ့ ကြည့်ကောင်းသေးရဲ့လား။ ဒါဟောင်းနွမ်းနေပြီလား။ ဒီလိုမေးခွန်းလေးတွေမေးပြီး ကိုယ့်ကိုယ်ကိုယ်ဆန်းစစ်ကြည့်ပါ။

ဝတ်ချင်တာတွေကိုစုစည်း…
ကိုယ်ရွေးချင်တာတွေကိုရွေးပြီးသွားရင်တော့ ဒီအ၀တ်အစားလေးတွေကို သီးသန့်ချိတ်ဆွဲထားလိုက်ပါ။
ဒါမှနောက်တစ်ကြိမ် ဒီအဖြစ်မျိုးကြုံလာရင် ကိုယ့်ဘက်ကရွေးရတာအချိန်ကုန်၊ လူပင်ပန်းသက်သာသွားစေမှာမဟုတ်ပါလား။

စွန့်ပစ်ထားတဲ့အ၀တ်တွေကိုစစ်ထား…
ကိုယ်မ၀တ်ဘဲဖယ်ထားလိုက်တဲ့အ၀တ်တွေက တကယ်ပဲမလိုအပ်တော့ဘူးလား။ အကြိမ်ကြိမ်ပြန်မေးကြည့် ပါ။ နောက်ဆုံးဒီအထဲက ကောင်းတာလေးတွေ မကောင်းတာလေးတွေ ထပ်ပြီးသီးသန့်ရွေးပါ။ အိမ်နေရင်းအ၀တ်အစားရယ်၊ ဟိုနားဒီနားသွားရင်ဝတ်ဖို့အ၀တ်အစားတွေရယ်ဆိုပြီးထွက်လာပါလိမ့်မယ်။

ရာသီအလိုက်ခွဲခြား…
ဘယ်အ၀တ်ကိုဘယ်အချိန်မှာဝတ်မယ်ဆိုပြီးခွဲခြားတာလည်း အချိန်ကုန်သက်သာမယ့် နည်းလမ်းတစ်ခုပါ။ ဒီလိုခွဲခြားလိုက်တဲ့အတွက် ၀တ်ဆင်တဲ့အခါ လူကိုသက်သောင့်သက်သာဖြစ်နေစေပါလိမ့်မယ်။

လှူပါ…
လုံးဝမလိုအပ်တော့တဲ့အ၀တ်အစားတွေကို လွှင့်ပစ်စရာမလိုပါဘူး။ လုံးဝမလိုတဲ့အ၀တ်အစားတွေထဲက ကောင်းတာလေးတွေရွေးထုတ်ပြီး သူများကိုပေးပစ်နိုင်ပါတယ်။

အိမ်မှာအသုံးချ…
လုံးဝမလိုအပ်တော့တဲ့အ၀တ်အစားတွေကိုလည်းလွှင့်ပစ်စရာမလိုပါဘူး။ အိမ်မှာ လက်နှီး၊ ကြမ်းသုတ်ဝတ်၊
လက်ကိုင်ပ၀ါအနေနဲ့အကျိုးရှိရှိအသုံးချနိုင်ပါသေးတယ်။ အဲဒီတော့အပြင်ကနေထပ်ပြီး ၀ယ်ဖို့မလိုတော့တဲ့ အတွက် အကုန်အကျလည်းပိုပြီးသက်သာသွားစေပါတယ်။ 

ဖိနပ်အတွက်အသုံးချ…
ပိုလျှံနေတဲ့အ၀တ်တွေကိုလည်း ဖိနပ်ထုပ်ဖို့အတွက်အသုံးပြုနိုင်ပါသေးတယ်။

အရောင်တွေခွဲထုတ်…
အ၀တ်အစားတွေကိုရှင်းထုတ်ဖို့နည်းလမ်ကောင်းတစ်ခုရှိပါသေးတယ်။အဲဒါကတော့ ကိုယ်နှစ်သက်တဲ့ အရောင်နု၊ အရောင်ရင့်လေးတွေကို အစဉ်လိုက်ခွဲထုတ်သွားဖို့ပါပဲ။ အဲဒီလိုခွဲထုတ်လိုက်တဲ့အတွက် အရောင်နု၊ အရင့်တွေရွေးချယ်ရတာပိုပြီးအဆင်ပြေအချိန်ကုန်သက်သာသွားစေပါလိမ့်မယ်။

Crystal


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment