အကြမ်းကာရိုက်တာကတော့ရိုက်နေကျ.....ထူးခြား

အကြမ်းကာရိုက်တာကတော့ရိုက်နေကျဖြစ်လို့သိပ်မခက်ခဲပေမယ့် အနုကာရိုက်တာကတော့ ကျွန်တော့်အတွက်ရိုက်ရတာနည်းနည်းဆန်းတယ်ပေါ့နော်…

ထူးခြား

ဒါရိုက်တာကျော်နှင်းဆီရိုက်ကူးတဲ့ ဒိုင်ယာယီအသစ်အချစ်ကဆိုက်ကို ဗီဒီယိုဇာတ်ကားရိုက်ကွင်းမှာ အဓိကသရုပ်ဆောင်ခေါင်းဆောင်မင်းသားထူးခြားနဲ့တွေ့ဆုံခိုက် သူရဲ့ပထမဆုံးခေါင်းဆောင် အဖြစ်ရိုက်ကူးမှုနဲ့အတူ လက်ရှိအနုပညာလှုပ်ရှားမှုတွေအကြောင်းများကတော့…

ပထမဆုံးခေါင်းဆောင်မင်းသား

ဒီဇာတ်ကားက ကျွန်တော်ပထမဆုံးခေါင်းဆောင်မင်းသားအဖြစ်ရိုက်ကူးတာပေါ့နော်။ ခေါင်းဆောင် မင်းသားအဖြစ်ရိုက်ပြီဆိုတော့ ဇာတ်ကားတွေမှာအရင်ရိုက်ခဲ့ဖူးတဲ့ ဇာတ်ကားတွေထက် ပိုတာဝန်ကြီး တာပေါ့နော်။ ပိုပြီးတော့ကြိုးစားရပါတယ်။ မကြိုးစားလို့လဲမရဘူးလေ၊ ကျွန်တော့်ကြိုးစားမှု အားလျော့လိုက် တာနဲ့ ကျွန်တော့်ထုတ်လုပ်သူလည်း၊ ဆုံးရှုံးမှုတွေများသွားမယ်။ ဒီအတွက်ကျွန်တော် အရင်ကထက် အနုပညာအလုပ်တွေပိုကြိုးစားသွားမှာပါ။

ပရိသတ်ဆန္ဒက…

ပရိသတ်တွေက ကျွန်တော့်ကိုခေါင်းဆောင်မင်းသားဖြစ်စေချင်တာကို အရမ်းဝမ်းသာပါတယ်။ အဲဒီလို ပရိသတ်တွေဖြစ်စေချင်တဲ့ အများဆန္ဒတွေကြောင့်ပဲ။ ကျွန်တော်အခုလိုခေါင်းဆောင်မင်းသားအဖြစ် ရိုက်ခွင့်ရတယ်လို့ထင်ပါတယ်။ ကျွန်တော်အခုဆောင်းနှင်းရည်ထုတ်လုပ်ရေးတိုက်နဲ့ ဇာတ်ကား ၁၀ကား စာချုပ်ထားပါတယ်။ အနုပညာလောကမှာ နေရာတစ်ခုဆိုတာ အခုဖြစ်စေချင်တိုင်းဖြစ်လာ တာမဟုတ် ဘူးပေါ့နော်။ ကျွန်တော့်ကြိုးစားလာခဲ့ရတယ်။ အခုပရိသတ်တွေရဲ့ အားပေးမှုနဲ့ဖြစ်ချိန်တန် လို့ဖြစ်လာတယ်လို့ ကျွန်တော်မြင်ပါတယ်။ ကျွန်တော့်ဘက်ကလည်း အများကြီးကြိုးစားသွားမှာပါ။

ဇာတ်ကောင်မရွေးပါဘူး…

ကျွန်တော်အခုအနုပညာလောကထဲမှာ ဒုတိယအကြိမ်ပြန်ဝင်လာပြီး ဇာတ်ကားတွေပြန်ရိုက်တာ သုံးနှစ်ကျော်လေးနှစ်လောက်ရှိပြီပေါ့နော်။ အခက်အခဲကတော့ ကျွန်တော်ကဇာတ်ကောင် ကာရိုက်တာ မရွေးပဲ ဂျီးသိပ်မများတာပေါ့နော်။ အနုပညာအလုပ်ကိုဝါသနာပါတော့ ဇာတ်ကားတွေမှာ တစ်ခန်းရ ရနှစ်ခန်းရရ ၀င်ရိုက်လိုက်တာပါပဲ။ ပြန်ရိုက်တဲ့အချိန်မှာ ကျွန်တော်နေရာတိုင်းကိုရိုက်ပေးတယ်။ အဲဒီကနေ ဇာတ်ပို့နေရာရိုက်တာများလာတော့ အခုလိုခေါင်းဆောင်အဖြစ်ရိုက်ခွင့်ရခဲ့ပါတယ်။ ဒါကလည်း ပရိသတ်တွေရဲ့အားပေးမှုကြောင့်ဖြစ်လာတာပါ။ ပရိသတ်အားပေးမှုလက်ခံမှုမရှိဘဲ အနုပညာအလုပ်တွေလုပ်လို့မရပါဘူး။ အခုလိုခေါင်းဆောင်ရိုက်ခွင့်ရတယ်ဆိုတာလည်း ပရိသတ်တွေရဲ့ ကျေးဇူးမကင်းပါဘူး။

ပထမအကြိမ်

ကျွန်တော်ဒီလောကထဲက ပထမအကြိမ်ထွက်သွားတုန်းကလည်း စိတ်ဓာတ်ကျတာတွေနဲ့အတူ လူမူရေး ကိစ္စလေးတွေလည်းရှိတာကြောင့် ဆက်မလုပ်ဖြစ်တော့ဘဲ ပရိသတ်တွေနဲ့ အချိန်တော်တော်ကြာ အဆက်သွယ်ပျက်သွားခဲ့တာပါ။ အခြားအခက်အခဲလေးတွေရှိတော့ ကျွန်တော်ခြောက်နှစ်ကျော်လောက် အနုပညာလောကမှာအနားယူခဲ့ပါတယ်။

အခက်အခဲဆိုတာ…

အခုခေါင်းဆောင်အဖြစ်ရိုက်ကူးပေမယ့်လည်း အခက်အခဲကတော့ရှိပါတယ်။ တချို့အခန်းတွေ သုံးလေး ခါပြန်ရိုက်ရတာတွေရှိပါတယ်။ အကြမ်းကာရိုက်တာကတော့ရိုက်နေကျဖြစ်လို့သိပ်မခက်ခဲပေမယ့် အနုကာရိုက် တာကတော့ ကျွန်တော့်အတွက်ရိုက်ရတာနည်းနည်းဆန်းတယ်ပေါ့နော်။ ကျွန်တော်နောက်ရိုက်မယ့်ဇာတ်ကားတွေကိုလည်း ကာရိုက်တာဇာတ်ကောင်တွေ မတူအောင်တစ်ကားပြီးတစ်ကားကြိုးစားသွားမှာပါ။

ပြင်းပြင်းထန်ထန်ဝေဖန်ပါ…

ဒီဇာတ်ကားနဲ့ပတ်သက်ပြီး ကျွန်တော်ပြောချင်တာကတော့ ဒါကပထမဆုံးခေါင်းဆောင်ရိုက်တဲ့ ဇာတ်ကားပေါ့နော်။ ကျွန်တော့်ဇာတ်ကားတွေမှာ ဘယ်ဇာတ်ကားပဲအရင်ထွက်ထွက် ပရိသတ်တွေအနေနဲ့ပြင်းပြင်းထန်ထန်ဝေဖန်ပေးကြပါလို့ တောင်းဆိုချင်ပါတယ်။ ကျွန်တော်ဇာတ်ကားတွေမှာ ဘယ်အခန်းကတော့မကောင်းဘူး။ ဘယ်အခန်းကတော့ကောင်းတယ်။ မကောင်းရင်မကောင်းဘူး ကောင်းရင်ကောင်းတယ်ပေါ့။ မကောင်းရင် ကျွန်တော်ပြုပြင်သွားမယ်။ ကျွန်တော့်ဇာတ်ကားတွေမှာလိုအပ်ချက်တွေကိုပြင်းပြင်းထန်ထန်ဝေဖန်ပေးကြပါ။ ကျွန်တော်စိတ်မဆိုးဘူးလို့ပြောချင်ပါတယ်။

OG -2 မှာ နာမည်မပါတဲ့ကိစ္စက ကျွန်တော်အနုပညာသမားတစ်ယောက်အနေနဲ့ကြည့်ရင်းကြည့်ရင်းတော်တော်ခံစားရလို့ပြောမိလိုက်တာပါ…

OG -2 မှာ နာမည်မပါတဲ့ကိစ္စကတော့ ကျွန်တော်အနုပညာသမားတစ်ယောက်အနေနဲ့ကြည့်ရင်းကြည့်ရင်းတော်တော်ခံစားရလို့ ပြောမိလိုက်တာပါ။ ဒါမဖြစ်သင့်ဘူးပေါ့နော်။ ကျွန်တော်အခြားဇာတ်ကားတွေမှာတောင် တစ်ခန်းရိုက်ရိုက်နှစ်ခန်းရိုက်ရိုက်အနုပညာနာမည်လေးတော့ထိုးပေးကြတာပဲပေါ့နော်။ မဖြစ်သင့်ဘူးထင်လို့ပြောလိုက်မိတာပါ။ အခုကတော့အေးဆေးပါ။ ကျွန်တော်စိတ်ထဲမှာ ဘာမှမဖြစ်တော့ပါဘူး။

ကျွန်တော်ကဇာတ်ပို့ကလာတာ…

ကျွန်တော်က ဇာတ်ပို့ကလာတာဆိုတော့ အဲဒီနေရာကိုတန်းဖိုးထားပါတယ်။ အခုခေါင်းဆောင်ရိုက်နေရတယ်ဆိုတာလည်း ဇာတ်ပို့ကနေတက်လာရတာပါ။ ဇာတ်ပို့ဘ၀ကိုကျေနပ်ပါတယ်။

ပုညဗိုလ်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်