ဘ၀မှာအခုချိန်ပြန်တွေးရင် မမေ့နိုင်တဲ့အမှတ်တရတွေပါ… ခင်ဝင့်ဝါ









ကိုယ့်မုန့်ဖိုးနဲ့ကိုယ်ကျောင်းတက်ခဲ့ရပြီး သင်တန်းတွေတက်ခဲ့ရတော့ လမ်းတွေအဝေးကြီးလျှောက် ဘတ်စ်ကားတိုးစီးပြီး ဘ၀ကိုရုန်းကန်ခဲ့ရတဲ့အချိန်တွေက ဘ၀မှာအခုချိန်ပြန်တွေးရင် မမေ့နိုင်တဲ့အမှတ်တရတွေပါ…

ခင်ဝင့်ဝါ

ဒါရိုက်တာကျော်ဇောလင်း (အတွေးပုံရိပ်) ရိုက်ကူးတဲ့ ဖက်ရှင်ဇာတ်ကားအထူးပြသပွဲမှာ အဓိကသရုပ်ဆောင်ခင်ဝင့်ဝါနဲ့တွေ့ဆုံခိုက် သူရဲ့အနုပညာလှုပ်ရှားမှုနဲ့ ဖက်ရှင်ဇာတ်ကားအကြောင်း၊ အနုပညာနဲ့ဖက်ရှင်၊ ဘ၀မှာမမေ့နိုင်တဲ့ အမှတ်တရတွေကိုမေးမြန်းသမျှကတော့…

ဖက်ရှင်ဇာတ်ကားမှာကိုယ့်ရဲ့သရုပ်ဆောင်မှုအပေါ်…
ဖက်ရှင်ဇာတ်ကားကိုပြန်ကြည့်တဲ့အခါမှာအားရကျေနပ်မှုတော့မရှိပါဘူး။ ကိုယ့်ကိုယ်ကိုယ်လိုအပ်ချက်တွေရှိနေသေးတယ်လို့မြင်တယ်။ ဒီဇာတ်ကားမှာ သရုပ်ဆောင်မှုနဲ့ပတ်သက်ပြီး သိပ်တော့အားရကျေနပ်မှုမရှိပါဘူး။ ကိုယ်ပြန်ရိုက်ချင်တဲ့အခန်းလေးတွေနဲ့ရှိခဲ့ပါတယ်။ ဘယ်လိုပဲဖြစ်ဖြစ်ပါ ဒီဇာတ်ကားကြီးရုံတင်ပြသတဲ့အခါ လာရောက်အားပေးကြပါလို့ ညီမရဲ့အားနည်းချက်တွေကိုဝေဖန်ထောက်ပြပေးကြပါလို့ပြောချင်ပါတယ်။ 

ဖက်ရှင်ဇာတ်ကားမှာ ဖက်ရှင်ပိုင်းပြင်ဆင်မှုအပေါ်…
ဒီဇာတ်ကားမှာ ဖက်ရှင်ပိုင်းနဲ့ပတ်သက်ရင်ညီမကတော့သာမန်လူငယ်ပုံစံဖက်ရှင်လေးတွေပဲဝတ်ဖြစ်ပါတယ်။ ဒီဇာတ်ကားထဲကမော်ဒယ်တစ်ယောက်ဆိုတော့ မော်ဒယ်ပုံစံဖက်ရှင်လေးတွေကိုဦးစားပေးဝတ်ဖြစ်ပါတယ်။ ဖက်ရှင်ပိုင်းနဲ့ပတ်သက်ပြီး ဖရီးစတိုင်းလ်ပေါ့ပေါ့ပါးပါးဖက်ရှင်လေးတွေပဲဦးစားပေးဝတ်ဖြစ်ပါတယ်။ 

လက်ရှိအနုပညာလှုပ်ရှားမှုအပေါ်…
လက်ရှိအနုပညာလှုပ်ရှားမှုအနေနဲ့ကတော့ ကြော်ငြာတွေရိုက်နေတယ်။ ဗီဒီယိုရိုက်တာတော့ခုဏနားထားတယ်။ ဒီလထဲမှာပဲပြင်ဦးလွင်မှာ ရုပ်ရှင်ကားကြီးရိုက်ဖို့ရှိပါတယ်။ မင်းသားကတော့ ကိုဟိန်းဝေယံရယ် မကေရယ် ညီမရယ် ဒါရိုက်တာကတော့ ဦးကျော်ဇောလင်းပါ။ အဲဒါပြီးရင်တော့ ဇာတ်လမ်းစီးရီးတွဲရိုက်ဖို့ရှိသလို ရုပ်ရှင်ကားကြီးတွေရိုက်ဖို့ရှိပါတယ်။ 

ဘ၀မှာမမေ့နိုင်တဲ့အမှတ်တရ
ညီမဘ၀မှာမှတ်မှတ်ရရကတော့ ဒီမော်ဒယ်သင်တန်းတက်ရတာ အရမ်းပင်ပန်းတယ်။ အခုမှသာ ကျော့ကျော့လေးနေရတော့ မပင်ပန်းဘူးထင်ရတာ။ ကိုယ့်မုန့်ဖိုးနဲ့ကိုယ်ကျောင်းတက်ခဲ့ရပြီး သင်တန်းတွေတက်ခဲ့ရတော့ လမ်းတွေအဝေးကြီးလျှောက် ဘတ်စ်ကားတိုးစီးပြီး ဘ၀ကိုရုန်းကန်ခဲ့ရတဲ့အချိန်တွေက ဘ၀မှာအခုချိန်ပြန်တွေးရင် မမေ့နိုင်တဲ့အမှတ်တရတွေပါ။ အဲဒီလိုအခက်အခဲတွေကြားကရုန်းကန်ပြီး အနုပညာလောကမှာနေရာလေးတစ်ခုရလာခဲ့လို့ ဒီနေရာလေးကို ညီမအရမ်းတန်းဖိုးထားပါတယ်။

ဇာတ်ကားရိုက်ကူးမှုအပေါ်…
ဇာတ်ကားရိုက်ကူးမှုအပိုင်းနဲ့ပတ်သက်ပြီး ဇာတ်လမ်းတွေကိုနည်းနည်းတော့စိစစ်ရွေးချယ်ရိုက်ပါတယ်။ ပေးလာတဲ့ဇာတ်အပေါ်မှာ ကိုယ်လုပ်နိုင်မလုပ်နိုင်သေချာစဉ်းစားပြီးဆုံးဖြတ်တယ်။ မလုပ်ဖူးသေးတဲ့ ဇာတ်ကောင်ကာရိုက်တာအဆန်းတွေကို ကြိုးစားလုပ်တယ်။ ကိုယ်နဲ့လိုက်ဖက်မှုရှိတဲ့ကာရိုက်တာတွေကိုပဲ ရိုက်ဖြစ်တာများပါတယ်။ ရလာတဲ့ကာရိုက်တာအတွက်လည်း မရိုက်ခင်ကတည်းကကြိုတင်ပြင်ဆင်မှုတွေလုပ်ပါတယ်။

ဖက်ရှင်အပေါ်…
ဖက်ရှင်ဆိုတာကတော့ အနုပညာရှင်မှာမဟုတ်ပါဘူး။ လူတိုင်းအတွက်အရေးကြီးပါတယ်။ အနုပညာသမားတွေအတွက်တော့ ပရိသတ်တွေအတွက်ဖက်ရှင်ကပိုအရေးကြီးတာပေါ့။ ပရိသတ်တွေအတွက်ဖက်ရှင်ဒီဇိုင်းလှလှလေးတွေဝတ်ပြရသလို ဇာတ်ကောင်ကာရိုက်တာနဲ့လိုက်ဖက်မယ့်ဖက်ရှင်တွေကိုဝတ်ဆင်ရပါတယ်။ အနုပညာသမားတွေအတွက်ဖက်ရှင်က ပံ့ပိုးမှုအများကြီးပေးပါတယ်။ ညီမကတော့ပေါ့ပေါ့ပါးပါးနဲ့ ဖရီးစတိုင်လ်ဖက်ရှင်လေးတွေကိုပိုသဘောကျဝတ်ဖြစ်ပါတယ်။ 

သရုပ်ဆောင်ပညာအပေါ်…
သရုပ်ဆောင်မှုနဲ့ပတ်သက်ပြီးတော့ ညီမကတော့လေ့လာနေဆဲပါပဲ။ ကိုယ့်မသိတဲ့သရုပ်ဆောင်ပညာပိုင်းတွေကိုလေ့လာနေပါတယ်။ ဇာတ်ကားရိုက်ကူးမှုတွေမှာ သရုပ်ဆောင်မှုအိုက်တင်ပိုင်းကို အထူးဂရုစိုက်လုပ်ပါတယ်။ အထူးသဖြင့် ဇာတ်ကားတစ်ကားရိုက်ကူးတော့မယ်ဆိုရင် ဇာတ်ကောင်ကာရိုက်တာအတွက်လိုအပ်တာတွေကို ကြိုတင်ပြင်ဆင်မှုတွေလုပ်ပါတယ်။ ကြိုတင်ပြင်ဆင်မှုကောင်းကောင်းလုပ်မှရိုက်ကွင်းပေါ်မှာပိုအဆင်ပြေတာပါ။ 

ဖက်ရှင်ဇာတ်ကားအပေါ်…
ဒီဖက်ရှင်ဇာတ်ကားမှာ နိုင်ငံကျော်အဆိုတော်ဦးသိန်းတန်တို့ဇနှီးမောင်နှံတို့နဲ့အတူ ကိုဇေရဲထက် နဲ့ညီမတို့ကြိုးစားထားပါတယ်။ ဒီဇာတ်ကားလေးကိုလာရောက်ကြည့်ရှုပြီး ညီမသရုပ်ဆောင်မှု လိုအပ်ချက်တွေဝေဖန်ထောက်ပြပေးကြပါလို့ ပရိသတ်တွေကိုပြောချင်ပါတယ်။ ညီမအနုပညာအလုပ်တွေကို ပိုကြိုးစားလုပ်နေပါတယ် အားပေးကြပါလို့ပြောချင်ပါတယ်။

ပုညဗိုလ်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment