ဖက်ရှင်လည်းကျချင် ငွေကြေးအကုန်အကျလည်းသက်သာစေချင်တယ်ဆိုရင်…











ရာသီတစ်ခုကုန်ဆုံးခါနီးတိုင်း နောက်ထပ်ရာသီမှာ ဘာဝတ်ရမယ်ဆိုပြီး အ၀တ်အစားဘီရိုတွေကို စိုးရိမ်ပူပန်စိတ်အပြည့်နဲ့ကြည့်ကြည့်နေရတာ မိန်းကလေးတွေရဲ့သဘာဝပါ။ ရှိပြီးသားအ၀တ်တွေကိုလည်း မ၀တ်ချင်တော့လို့ စွန့်ပစ်ဖို့ကမဖြစ်နိုင်၊ နောက်ရာသီအတွက်အသစ်တွေချည်းပဲဝယ်ဝတ်ဖို့ကလည်း မဖြစ်နိုင်…။ အဲဒီတော့ ၀ယ်ပြီးမှလည်းနောင်တမရဖို့ ဖက်ရှင်ကျကျလည်းဝတ်ရဖို့ ကိုယ့်ဘီရိုလေးကို ဘယ်လိုဖန်တီးကြမလဲ…။

ဘာတွေရှိပြီးသားလဲစစ်ဆေးပါ
ပထမဆုံးဈေးဝယ်ထွက်ပြီး ငွေတစ်ကျပ်တစ်ပြားမှမဖြုန်းတီးခင် ကိုယ့်မှာရှိပြီးသားအ၀တ်အစားတွေကို စာရင်းစစ်ထားကြည့်ပါ။ ဂျင်း၊ ဂျာကင်၊ စကတ်၊ ပွဲတက်ဝတ်စုံတွေအားလုံးထုတ်ပြီးစာရင်းလုပ်ပါ။ ဘယ် အင်္ကျီနဲ့ ဘယ်ဘောင်းဘီကို တွဲဖက်ဝတ်လို့ရမယ်ဆိုတာမျိုးစစ်ဆေးကြည့်ပါ။ 

စာရင်းလုပ်ပါ
ပထမဆုံးဘီရိုကိုရှင်းလင်းထားပြီးတာနဲ့ ကိုယ်လိုအပ်တဲ့အ၀တ်အစားတွေကို စာရင်းလုပ်ပါ။ ကိုယ် ဘယ်လောက်ငွေကြေးသုံးဖြုန်းမယ်ဆိုတာဆုံးဖြတ်ပါ။ အဲဒီအတွက် ဈေးဝယ်ထွက်တဲ့အခါ ကိုယ့်ငွေကြေးကိုသတ်မှတ်ထားတဲ့အတွက် အပိုမကုန်သလို လိုအပ်တာတွေကိုပဲရစေမှာပါ။ 

 အားရက်မှာဈေးဝယ်ထွက်ပါ
ကိုယ်လိုအပ်တဲ့အ၀တ်အစားတွေဝယ်ဖို့ ဈေးဝယ်ထွက်မယ်ဆိုရင် အားလပ်ရက်တွေမှာဈေးဝယ်ထွက်တာအကောင်းဆုံးပါ။ ဈေးဝယ်ထွက်ဖို့အချိန်ပေးတဲ့အတွက် အလုပ်လုပ်ရှုပ်သက်သာစေပြီး ဈေးအနှံ့ရှာဖွေဖို့အချိန်ရစေပါလိမ့်မယ်။ ပိတ်ရက်တွေမှာလျော့ဈေးနဲ့ရောင်းတာတွေလည်းများတဲ့အတွက် ဈေးဝယ်ရတာပိုပြီးအဆင်ပြေပါစေလိမ့်မယ်။ 

ဆိုင်ရဲ့အတွင်းဆုံးအထိရှာဖွေပါ
အ၀တ်အစားအရောင်းဆိုင်တစ်ခုထဲဝင်သွားမယ်ဆိုရင် ပထမဆုံးတွေ့ရမှာက နောက်ဆုံးပေါ်အ၀တ်အစားနဲ့ အသုံးအဆောင်တွေပါ။ ဆိုင်တွေရဲ့အတွင်းဆုံးအထိဝင်သွားမယ်ဆိုရင်တော့ ဆိုင်ကမရောင်းရတဲ့အ၀တ်အစားတချို့ကိုရှာတွေ့ပါလိမ့်မယ်။ 

တိုင်ပင်ပါ
နောက်ထပ်ကိုယ့်ဘီရိုကိုရှင်းလင်းဖို့နည်းလမ်းကောင်းကတော့ ကိုယ်နဲ့စိတ်တူကိုယ်တူသူငယ်ချင်းနဲ့တိုင်ပင်ပါ။ ကိုယ်မလိုချင်တဲ့ပစ္စည်းက တစ်ခါတစ်ရံသူများအတွက်အသုံးလိုတဲ့ပစ္စည်းလေးတစ်ခုဖြစ်သွားနိုင်ပါတယ်။ အဲဒီတော့ သူငယ်ချင်းတွေနဲ့တိုင်ပင်ပါ။ 

အသေးစိတ်ကိုရှာဖွေပါ
လိုချင်တဲ့အ၀တ်အစားအသုံးအဆောင်တွေဟာ ဈေးဝယ်စင်တာကဆိုင်ကြီးတွေမှာပဲရှိတယ်လို့မထင်လိုက်ပါနဲ့။ ကိုယ့်ပတ်ဝန်းကျင်က စတိုးဆိုင်လေးတွေမှာလည်း ဈေးနှုန်းသက်သက်သာသာအရည်အသွေးကောင်းတာလေးတွေရှိနေနိုင်ပါတယ်။
အဲဒါကြောင့် စတိုးဆိုင်လေးတွေကိုလည်း စစ်ပေါက်ပေါက်ရှာဖို့မမေ့ပါနဲ့။ 

ရာသီကုန်အ၀တ်အစားတွေဝယ်ပါ
နွေရာသီအတွက် ဆောင်းရာသီ Discount အ၀တ်အစားတွေ၊ မိုးရာသီအတွက် ဆောင်းရာသီ Discount အ၀တ်အစားတွေ ရာသီတစ်ခုချင်းအလိုက်အ၀တ်အစားတွေ ကြိုပြီးရှာဖွေဝယ်ယူတာကလည်း သူများတွေနဲ့ဆန့်ကျင်ဘက်ဖြစ်နေပြီး ဈေးသက်သာစေသလို ငွေကြေးလည်းချွေတာပြီးသားဖြစ်စေပါလိမ့်မယ်။ 

ကိုယ်ပိုင်အသုံးအဆောင်ဖန်တီးပါ
ကိုယ်လုံးဝမ၀တ်ချင်တော့တဲ့အ၀တ်အစားတွေကိုစွန့်ပစ်စရာမလိုပါဘူး။ အဲဒီအ၀တ်အစားတွေကို အသုံးချလို့ရတဲ့နည်းလမ်းကောင်းတွေရှိပါတယ်။ ကိုယ်မ၀တ်တော့တဲ့စကပ်တွေကို လည်စည်းပ၀ါဖြစ်စေ၊ ဂျင်းဘောင်းဘီကိုလွယ်အိပ်ဖြစ်စေ၊ ကိုယ်နှစ်သက်သလိုဒီဇိုင်းထွင်ပြီးဖန်တီးကြည့်ပါ။ ဒါကလည်း အဟောင်းကနေအသစ်ဖြစ်စေတဲ့နည်းလမ်းကောင်းတစ်ခုပါ။

Crystal
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment