…မြတ်နိုးချစ်.....ဆောင်းရူပါခင်










ကိုယ်စိတ်ကူးထားတာကိုရဖို့အတွက် ကိုယ်ကိုယ်တိုင်အများကြီးကြိုးစားရမယ်ဆိုတာကိုတော့ခံယူထားပါတယ်…
မြတ်နိုးချစ်

Miss Cosmopolitan 2017 သွားပြိုင်ဖို့ရှိပါတယ်…
မြတ်နိုးချစ် အခုလက်ရှိလုပ်နေတာက စက်တင်ဘာ ၁ရက်နေ့မှာ မလေးရှားနိုင်ငံပူထရာဂျာယာမြို့မှာ Miss Cosmopolitan သွားပြိုင်ဖို့ရှိပါတယ်။ အဲပွဲအတွက်လိုအပ်တာလေးတွေကိုပြင်ဆင်နေပါတယ်။ တခြားအနုပညာလှုပ်ရှားမှုကတော့ ဒီရက်ပိုင်းအတွင်းမှာ ဓာတ်ပုံရိုက်တာလေးတွေလက်ခံထားပါတယ်။ အခုလောလောဆယ်တော့ ပြိုင်ပွဲအတွက်ကိုပဲဦးစားပေးပြီးလုပ်ဖြစ်နေပါတယ်။

ဆယ်တန်းဖြေပြီးတော့ အရင်ဆုံး Dancer အရင်လုပ်တယ်…
မြတ်နိုးချစ်အနုပညာလောကထဲကိုဝင်လာတာက ၂၀၁၆ ခုနှစ်ကပါ။ ဆယ်တန်းဖြေပြီးတော့ အရင်ဆုံး Dancer  အရင်လုပ်တယ်။ Dancer ကို ၅လ ၆လလောက် လုပ်ဖြစ်ပါတယ်။ အဲဒီကနေတစ်ဆင့်တီချယ်တင်မိုးလွင်ဆီမှာ Personal Gtooming ဆိုတဲ့ သင်တန်းလေးတက်ဖြစ်ပါတယ်။ အဲဒီအချိန်ကစပြီး အခုထိမော်ဒယ်လည်းလုပ်တယ်။ ပြိုင်ပွဲတွေလည်းပြိုင်တယ်။ စ၀င်လာတာကတော့ ၂၀၁၆ ၁၀ လပိုင်းလောက်က။

ကိုယ်စိတ်ကူးထားတာကိုရဖို့အတွက် ကိုယ်ကိုယ်တိုင်အများကြီးကြိုးစားရမယ်ဆိုတာကိုတော့ခံယူထားပါတယ်…
စိတ်ကူးထဲကအနုပညာနဲ့ အခုလက်တွေ့အနုပညာထပ်တူကျသလားဆိုတော့ စိတ်ကူးဆိုတာက တွေးတာအကြီးကြီးတွေပေါ့။ ဘာဖြစ်လို့လည်းဆိုတော့ စိတ်ကူးယဉ်ရင် ပိုက်ဆံမကုန်ဘူး။ လူမပင်ပန်းဘူးဆိုတဲ့အတိုင်း စိတ်ကူးယဉ်တာကတော့ အကြီးကြီးတွေအများကြီးပေါ့။ အခုကထပ်တူကျလားဆိုတော့ မကျသေးဘူး။ အများကြီးလိုသေးတယ်။ ဒါပေမဲ့ ကိုယ်စိတ်ကူးထားတာကိုရဖို့အတွက်ကို ကိုယ်ကိုယ်တိုင်အများကြီးကြိုးစားရမယ်ဆိုတာကိုတော့ ခံယူထားပါတယ်။ အခုကစပြီးတော့ စိတ်ကူးထဲကအတိုင်းဖြစ်ဖို့အတွက် ကြိုးစားနေပါပြီ။ မဖြစ်ဖြစ်အောင်လုပ်မယ်ဆိုပြီးတော့လည်းတွေးထားပါတယ်။ 

Miss လား Model လားဆိုတော့ ပြောရမယ်ဆိုရင်တော့ နှစ်ခုစလုံးပဲပေါ့နော်…
မြတ်နိုးချစ်က Miss လား Model လားဆိုတော့ ပြောရမယ်ဆိုရင်တော့ နှစ်ခုစလုံးပဲပေါ့နော်။ အရင်ပြီးခဲ့တဲ့လတုန်းကလည်း Face of Myanmar မှာလည်း မြန်မာနိုင်ငံကိုယ်စားပြု Miss တစ်ယောက်အနေနဲ့ဝင်ပြိုင်ခဲ့ပြီးပြီ။ အခုလည်း စက်တင်ဘာ ၁ ရက်နေ့မှာ နိုင်ငံကိုယ်စားပြု Model တစ်ယောက်အနေနဲ့သွားပြိုင်ရမယ်ဆိုတော့ Model ရော Miss ရောက မြတ်နိုးချစ်အတွက်ဘ၀ပေါ့နော်။ Fashion Show တွေလျှောက်ရမယ်ဆိုရင်လည်း Model ဆိုရင်လည်း Miss တစ်ယောက်အနေနဲ့လျှောက်ရမယ်။ Miss ဆိုရင်လည်း Miss တစ်ယောက်ပုံစံနဲ့လျှောက်ရမယ်။ မြတ်နိုးချစ်ကတော့ နှစ်ခုစလုံးကိုအားသာတယ်။ ဘယ်ဟာဖြစ်ချင်တာလည်းဆိုတာထက် နှစ်ခုစလုံးက မြတ်နိုးချစ်အတွက်အရမ်းအရေးကြီးတယ်။ နောက်ပြီးတော့ ဘယ်လောက်ထိလုပ်သွားမှာလည်းဆိုတော့ အသက် ၃၀လောက်အထိ။

အနုပညာရှင်အတွက်အရေးကြီးဆုံးကဘာလဲဆိုရင် တခြားသူတွေအတွက်ကတော့မသိဘူး။ မြတ်နိုးချစ်အတွက်ကတော့ ပရိသတ်တွေအားပေးမှုကအရေးကြီးတယ်လို့ထင်ပါတယ်။ ပရိသတ်အားပေးမှ အနုပညာရှင်တစ်ယောက်က ရပ်တည်လို့ရမယ်ထင်ပါတယ်။ နောက်ပြီးတော့ ပရိသတ်တွေက အနုပညာရှင်တစ်ယောက်ရဲ့ ဖန်တီးရှင်လို့လည်းပြောလို့ရတယ်လေ။ အဲဒီအတွက်ကြောင့် အရေးကြီးဆုံးက မြတ်နိုးချစ်ကပရိသတ်တွေလို့ထင်ပါတယ်။

အနုပညာဝမ်းစာအတွက်ဘာတွေလေ့လာဖြစ်လဲဆိုတော့ မြတ်နိုးချစ်က Model နဲ့ Miss တစ်ယောက်လုပ်နေတာဖြစ်တဲ့အတွက် Modelling နဲ့ပတ်သက်တာတွေ အရေးကြီးဆုံး Modelling မှာ Catwalk ကပေါ့။ Catwalk ဘယ်လိုလျှောက်ရမယ်။ နိုင်ငံတကာ Fashion Show တွေ တော်တော်များများကိုကြည့်ဖြစ်တယ်။ ပြီးတော့ Miss လည်းဖြစ်နေတဲ့အတွက်ကြောင့်မို့လို့ Miss တစ်ယောက်က ဘယ်လိုပြုမူနေထိုင်ရမလဲ၊ ဘယ်လိုစကားပြောဆိုရမလဲ အစပေါ့နော်။ Modelling နဲ့ပတ်သက်တဲ့ဟာတွေရယ်၊ Miss နဲ့ပတ်သက်တဲ့ဟာတွေရယ်ကို အဓိကထားပြီးလေ့လာဖြစ်ပါတယ်။  

မြတ်နိုးချစ်အတွက်အားကျအတုယူရတဲ့ idol ဆိုရင် ပြည်တွင်းမှာဆိုရင် Mother of Models မိခင်ကြီး မြတ်နိုးချစ်တို့ရဲ့ဆရာမ Model တင်မိုးလွင်ကို အရမ်းအားကျတယ်…
မြတ်နိုးချစ်အတွက်အားကျအတုယူရတဲ့ idol ဆိုရင်တော့ ပြည်တွင်းမှာဆိုရင် Mother of Models မိခင်ကြီး မြတ်နိုးချစ်တို့ရဲ့ဆရာမ Model တင်မိုးလွင်ကို အရမ်းအားကျတယ်။ သူကအခုထိကို နုပျိုလန်းဆန်းပြီးတော့ သူတတ်သမျှပညာတွေကို generation တွေအတွက်ဝေမျှပေးတယ်။ အရမ်းအားကျရတယ်။ သူနာမည်ကိုလည်းသူထိန်းနိုင်တယ်။ အဲလိုမျိုးဆိုတော့ ပြည်တွင်းမှာဆိုရင် တီချယ့်ကိုအရမ်းအားကျပါတယ်။ အရမ်းလည်းလေးစားရတယ်ပေါ့နော်။ အဲဒါကြောင့်လည်း တီချယ့်ဆီမှာ Personal Grooming ကိုတက်ဖြစ်သွားတာ။ ဟိုးငယ်ငယ်လေးကတည်းက အရမ်းကိုကြိုက်ခဲ့ရပြီး အရမ်းလေးစားခဲ့ရတဲ့တီချယ်ကြီးပါ။ 

ပြည်ပမှာဘယ်သူ့ကိုအားကျလဲဆိုတော့ ပြည်ပမှာတော့ အားကျရတဲ့သူတွေအများကြီးပဲပေါ့နော်။ ဒါပေမဲ့ အဲဒီအထဲကမှ တစ်ယောက်ကိုရွေးပါဆိုရင် Miss Cosmopolitan World 2017 လုပ်မယ့် Malaysia က Miss Malaysia လည်းဖြစ်တယ်။ Miss Amelia Liew ကိုအရမ်းအားကျပါတယ်။ ဘာဖြစ်လို့သူ့ကိုအားကျလဲဆိုတော့  သူကသူ့ကိုယ်တိုင်လည်း နိုင်ငံ့ဂုဏ်ဆောင် Miss Malaysia တစ်ယောက်ဖြစ်တယ်။ အခုထိလည်းသူက Miss Cosmopolitan World 2017 ကို အုပ်ချုပ်ပြီးတော့ သူ Miss တွေမွေးထုတ်ပေးနေတယ်။ အိမ်ထောင်ရှိတယ်။ ကလေးနှစ်ယောက်ရှိတယ်။ ဒါပေမဲ့ သူကMiss တစ်ယောက်ဖြစ်တဲ့အပြင် မြတ်နိုးချစ်အားကျရတဲ့အချက်က အခုအချိန်အိမ်ထောင်ပြုပြီးတဲ့အထိတိုင်အောင် အောင်မြင်ထိန်းထားနိုင်လို့ပါပဲ။ 

မေ့မရတဲ့အမှတ်တရဆိုရင် အဲဒီလိုမျိုးတော့ မြတ်နိုးချစ်မှာမရှိဘူး…
မေ့မရတဲ့အမှတ်တရဆိုရင် အဲဒီလိုမျိုးတော့ မြတနိုးချစ်မှာမရှိဘူး။ ၀မ်းနည်းရတဲ့အမှတ်တရတော့မရှိဘူး။ အကုန်လုံးက ပျော်ပျော်ရွှင်ရွှင်ပဲ။ ဒီအလုပ်ကိုမြတ်နိုးချစ်ကြိုးစားလုပ်ခဲ့တယ်။ စိတ်အားတက်ကြွစွာနဲ့ပဲလုပ်ခဲ့တယ်။ တခြားဘာမှ ခေါင်းထဲမရှိဘူး။ အလုပ်လုပ်နေရရင်ကိုကျေနပ်နေတာပေါ့နော်။ ၀မ်းနည်းစရာကတော့ အခုလောလောဆယ်မရှိပါဘူး။

အနုပညာရှင်ဆိုတာစံပြဖြစ်နေရမယ်။ သာမန်လူတွေအတွက် သူတို့ Life သူတို့ Type က သိသာပြီးထင်ရှားတယ်…
ဆောင်းရူပါခင်
လက်ရှိတော့ ဆောင်း Maxi thai ရေမွှေးနဲ့ rool on ဒီနှစ်ကြော်ငြာအတွက်ပြင်ဆင်နေပါတယ်။
တီချယ်တင်မိုးလွင် Talents and Models မှာ တက်ရင်းနဲ့ အနုပညာလောကထဲစ၀င်တာပေါ့နော်။
ဆောင်း ၉တန်းလောက်မှာ maxi thai roll on နဲ့ ရေမွှေးအတွက်ကမ်းလှမ်းခံခဲရတယ်…
ဆောင်း ၉ တန်းလောက်မှာ maxi thai roll on နဲ့ ရေမွှေးအတွက်ကမ်းလှမ်းခံခဲ့ရတယ်။ အခုဆို ပင်တိုင် model လုပ်လာတာ ၃ နှစ်ရှိပါပြီ။ တခြားတော့ agency နဲ့ show တွေပွဲတွေ၊ ကြော်ငြာတွေလုပ်ဖြစ်ပါတယ်။
အခု business management တက်နေတော့ပညာရေးကိုဦးစားပေးလုပ်ဖြစ်နေတော့ ပြိုင်ပွဲတစ်ခါမှဝင်မပြိုင်ဖြစ်ခဲ့ပါဘူး။ model အလုပ်ကိုတော့ဝါသနာပါလွန်းလို့ လုပ်ဖြစ်တာပါ။
ဆောင်းက agency နဲ့ပဲတွဲလုပ်ဖြစ်တယ်လေ။ အားလုံး မိသားစုလိုပဲဖြစ်နေတော့ အခက်အခဲမရှိပါဘူး။
ကိုယ်ချစ်တဲ့ model အလုပ်ကိုလုပ်နေရတာနဲ့ပျော်တယ်…
စိတ်ကူးနဲ့လက်တွေ့ထပ်တူကျပါတယ်။ ရိုးရိုးရှင်းရှင်းလေးပဲတွေးတယ်။ ကိုယ်ချစ်တဲ့ model အလုပ်ကိုလုပ်နေရတာနဲ့ပျော်တယ်။ ဖြစ်ချင်တဲ့ပုံစံဆိုတာထက် ဆောင်း လုပ်ခွင့်ရတဲ့အလုပ်မှာအကောင်းဆုံးကြိုးစားတဲ့သူတစ်ယောက်ဖြစ်အောင်လုပ်တယ်။
ပညာရေးကိုလည်းကြိုးစားရင်းလုပ်နိုင်သလောက်ကိုယ်ချစ်တဲ့ model အလုပ်ကိုလုပ်သွားမှာပါ။
ဘ၀မှာပညာရေး အလုပ်အသက်မွေးဝမ်းကျောင်း အားလုံးမှာဘက်ညီတဲ့လူတစ်ယောက်ဖြစ်ချင်ပါတယ်။
တစ်ယောက်နဲ့တစ်ယောက်တော့ ခံယူချက်မတူနိုင်ဘူးပေါ့နော်။ ဆောင်းအတွက်တော့ ကိုယ်ကျင့်သိက္ခာလို့မြင်ပါတယ်။ အနုပညာရှင်ဆိုတာစံပြဖြစ်နေရမယ်။ သာမန်လူတွေအတွက် သူတို့ life သူတို့ Type ကသိသာပြီးထင်ရှားတယ်။ အဲဒီအတွက် ကိုယ်ကျင့်သိက္ခာကအရေးကြီးတယ်လို့ထင်ပါတယ်။ အောင်မြင်မှုနဲ့ ကိုယ်ကျင့်သိက္ခာဆိုတာ ခွဲထားလို့မရပါဘူး။
စာအုပ်တွေဖတ်တာပေါ့နော်။ အနုပညာတင်မဟုတ်ဘူး။ စာအုပ်တွေက လူတစ်ယောက်ရဲ့စိတ်ခံယူချက်တွေကို ပြောင်းလဲနိုင်လောက်အောင်တန်ဖိုးရှ်ိပါတယ်။
ငယ်ငယ်တည်းကကိုယ်လေးစားရတဲ့သူဆိုရင် ဆရာမတင်မိုးလွင်ပေါ့နော်။ သိက္ခာပိုင်းရော ကိုယ်ကျင့်တရားရော အရမ်းလေးစားရတဲ့သူပါ။
Emma watson ကိုအားကျတယ်…
ပြည်ပဆိုရင် အနုပညာလုပ်နေရင်း ပညာရေးကိုပါအရမ်းတော်တဲ့ Emma Watson ကိုအားကျတယ်။ လူငယ်တစ်ယောက်အနေနဲ့ အခုထိလည်းအားကျတယ်။
ကိုယ်ကိုယ်တိုင်ရဲ့ထက်သန်တဲ့စိတ်ကြောင့်ပဲ။ Modelling ကိုချစ်လို့ပါ…
တကယ်တော့ ဆောင်းဘ၀မှာ အနုပညာနဲ့ပတ်သတ်ရင် တွန်းအားအဖြစ်ဆုံးအရာက တခြားအရာတွေမဟုတ်ဘူး။ ဆောင်းကိုယ်တိုင်ပါပဲ ကိုယ်ကိုယ်တိုင်ရဲ့ထက်သန်တဲ့စိတ်ကြောင့်ပဲ။ Modelling ကိုချစ်လို့ပါ။
ကိုယ့်ဝါသနာနဲ့ ထပ်တူကျတော့ဘယ်နေရာဘယ်ရှုထောင့်ပဲ လုပ်ရလုပ်ရ ကိုယ့်အတွက် အပျော်ဆုံးအချိန်တွေပဲ…
ရယ်မောခဲ့ရတာတော့ အလုပ်လုပ်နေရရင်လို့ပဲဆိုရမယ်ထင်တယ်။ ကိုယ့်ဝါသနာနဲ့ ထပ်တူကျတော့ ဘယ်နေရာ ဘယ်ရှုထောင့်ပဲအလုပ်လုပ်ရ ကိုယ့်အတွက်အပျော်ဆုံးအချိန်တွေပဲ။
  

Share on Google Plus

0 comments:

Post a Comment