ခရီးသွားခြင်းကိုနှစ်သက်ပြီးတော့ မကြာခဏ ခရီးထွက်ဖြစ်ပါတယ်ရှင့်..............နေသီရိထွန်း












စိတ်ညစ်နေတဲ့အခါပဲဖြစ်ဖြစ် ၀မ်းနည်းနေတဲ့အခါပဲဖြစ်ဖြစ်ပေါ့နော်။ ကိုယ်ရောက်နေကျ သွားနေကျမဟုတ် တဲ့နေရာအသစ်အဆန်းကိုမြင်ပြီးလေကောင်းလေသန့်လေးတွေရှူရှိုက်တဲ့အခါ စိတ်ညစ် စရာလေးတွေပြေပျောက်ပြီးတော့ ကိုယ်အရင်ကတွေးလို့မရတဲ့ အတွေးအခေါ် သစ်တွေအမြင်အသစ်လေးတွေရလာမယ်။ ဗဟုသုတတွေရလာမယ်။ အဲဒီအတွက်ကြောင့်မို့လို့ စိတ်ကြည်လင်လန်းဆန်းမယ်လို့ထင်တယ်။ သီရိလည်း အဲဒါကြောင့် ခရီးသွားခြင်းကိုနှစ်သက်ပြီးတော့ မကြာခဏ ခရီးထွက်ဖြစ်ပါတယ်ရှင့်။

ပြည်တွင်းသွားဖူးတဲ့ခရီးစဉ်တွေကတော့ အခုလက်ရှိလုပ်နေတဲ့ ဆရာနောင်နောင် Sun Flower ကနေပြီးဖိတ်ခေါ်တဲ့ ငြိမ်းချမ်းရေးဂီတပွဲတော်နဲ့ပေါင်းပြီးတော့ ပရဟိတပေါင်းလုပ်တယ်။ လုပ်တော့ အရင်ခရီးသွားတာနဲ့မတူဘူး။ အရင်ကခရီးသွားရင်လည်ပတ်ပြီးတော့ပြန်လာတယ်။ အခုကျတော့ ခရီးလည်းသွားရတယ်။ လိုအပ်နေတဲ့လူတွေကို သီရီတို့ဘက်က ငွေကြေးပဲဖြစ်ဖြစ် သီရိတို့တတ်နိုင်တဲ့ လုပ်အားပဲဖြစ်ဖြစ် ပရဟိတလည်းလုပ်ရလို့ပိုပြီးတော့ပျော်ရွှင်မိတယ်။ ကိုယ်လုပ်ပေးလိုက်လို့ တစ်ယောက်ယောက်က တစ်နေရာရာမှာ အဆင်ပြေသွားမယ်ဆိုရင် သီရိပိုပြီးတော့ပျော်ရွှင်ရတယ်။ အဲဒါကြောင့်မို့လို့ အမှတ်တရအနေနဲ့ပြောရရင် အခုခရီးလည်းသွားရတယ်။ ပရဟိတလည်းလုပ်ရတယ်။ ငြိမ်းချမ်းရေးဂီတပွဲတော်နဲ့သွားရလို့ သီရိအတွက်အမှတ်တရလည်းဖြစ်ပါတယ်။ 

ပြည်ပခရီးစဉ်အမှတ်တရဆိုရင်တော့ အခုအရမ်းကိုဟော့ဖြစ်နေတဲ့ ကိုရီးယားနိုင်ငံပေါ့နော်။ ကိုရီးယားနိုင်ငံမရောက်ဖူးတဲ့အခါကျတော့ သီရိကိုရီးယားနိုင်ငံကိုအရမ်းသွားချင်တယ်။ ပြီးတော့ သူတို့ဝတ်စုံလေးတွေလည်းအရမ်းဝတ်ချင်တယ်။ သူတို့စားတဲ့အစားအသောက်တွေသူတို့လူမျိုးတွေနဲ့လည်း အရမ်းတွေ့ချင်တယ်။ အဲဒါကြောင့်မလို့သီရီကိုရီးယားကိုသွားဖြစ်ခဲ့တယ်။ 

တကယ့်တကယ်သီရိတို့ကိုရီးယားကိုသွားတော့ ဘယ်လိုပြောရမလဲ။ ကိုယ်သွားချင်တဲ့နိုင်ငံကိုသွားရတော့ အရမ်းပျော်တယ်။ ပျော်ပြီးတော့ အစားအသောက်ကျတော့ သီရိတို့ထင်သလောက်သီရိတို့ပါးစပ်နဲ့မတွေ့ဘူး။ သူတို့အစားအစာကနည်းနည်းပေါ့တယ်။ ပထမစစရောက်တုန်းကဆို သီရိက ကင်ချီအရမ်းကြိုက်တော့ ကင်ချီအရမ်းစားတယ်။ အရမ်းစားပြီးတော့ နောက်ပိုင်းကျတော့မစားနိုင်တော့ဘူး။ အရမ်းအီသွားတယ်။
ပြိုင်ပွဲအနေနဲ့ပြောရင်တော့ ပြီးခဲ့တဲ့ ၂၀၁၆ က Miss South East Asia သွားပြိုင်ခဲ့တယ်။ အဲဒီပြိုင်ပွဲကတော့ အရင်ခရီးသွားတာနဲ့မတူဘူး။ ဘာဖြစ်လို့လဲဆိုတော့ အရင်ကတော့လွတ်လွတ်လပ်လပ်နဲ့ မမြင်ဖူးတဲ့နေရာ မစားဖူးတဲ့အစားအစာ ကိုယ်တွေ့နေကျလူတွေရဲ့ လူနေမှုစရိုက်မဟုတ်ဘဲနဲ့သွားရတာပေါ့နော်။ 

အခုကျတော့ သွားတယ်ဆိုပေမယ့် ကိုယ့်စိတ်ထဲမှာပြိုင်ပွဲအတွက်ပဲစိတ်ကရှိနေတော့ နည်းနည်းပျော်လည်းပျော်တယ်။ ကြောက်လည်းကြောက်တယ်ပေါ့နော်။ ပြိုင်ပွဲမှာဆုမရမှာတို့ဘာတို့ အဲလိုဆိုတော့ အရမ်းကို အမှတ်တရလေးဖြစ်ခဲ့တယ်။ ပြီးရင်သူတို့ကအင်္ဂလိပ်စကားလည်း အရမ်းမပြောဘူး။ သူတို့နိုင်ငံသားစကားကိုလည်း သီရိကသိပ်နားမလည်ဘူးပေါ့နော်။ အဲဒီလိုဆိုတော့ Body Language နဲ့ပြောရတယ်။ အဲဒါလေးတွေကတော့ သီရိအတွက်အမှတ်တရလေးတွေပါ။
ပထမက အင်ဒိုသွားရမယ်ဆိုတော့ အင်ဒိုကိုအရမ်းကြောက်တာပေါ့နော်။ 

ကိုယ်သွားနေကျနေရာလည်းမဟုတ်ဘူး။ အဲဒီနိုင်ငံတွေနဲ့လည်းသိပ်မတည့်ဘူးပေါ့နော်။ အဲဒါကြောင့်မို့လို့ သွားရတော့အရမ်းကြောက်တယ်။ နောက်ပိုင်းကျတော့ သူတို့လည်းအရမ်းကောင်းပါတယ်။ အရမ်းဖော်ရွေတယ်ပေါ့နော်။ ပြိုင်ပွဲပြိုင်တုန်းကလည်း အဲဒီကလူတော်တော်များများကလည်းချစ်တယ်။ မြန်မာဆိုရင်လည်းအားပေးတော့ အမှတ်တရလည်းဖြစ်ခဲ့ပါတယ်။ အစားအသောက်နဲ့ကျတော့ သူတို့ကလည်းအစပ်စားတယ်။ သီရိကလည်းအစပ်ကြိုက်တော့ အဆင်ပြေပါတယ်။
ခရီးသွားရင်တော့ ကိုယ်ဝတ်မယ့်အ၀တ်အစားတွေရယ်၊ ကိုယ်သုံးမယ့်အသုံးအဆောင်တွေရယ်၊ ယူဖြစ်တယ်။ ဒါပေမဲ့ အဓိကမပါ မဖြစ်ယူဖြစ်တာကတော့ ဘုရားစာအုပ်ပါ။ အန္တရာယ်မဖြစ်အောင် တစ်ခုခုစိုးရိမ်မှုမဖြစ်အောင် အဖေ အမေကလည်းအမြဲဘုရားတရားလုပ်ဖို့သတိပေးတယ်။ ဗုဒ္ဓဘာသာဝင်တစ်ယောက်ဖြစ်တော့ ဘုရားစာအုပ်လေးယူဖြစ်တယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment