တီထွင်ဆန်းသစ်တယ်ဆိုတာ တစ်ချိန်ကခေတ်တစ်ခုကိုပြန်လည်ပုံဖော်ထားကြတာပါ












ဖက်ရှင်နဲ့ပတ်သက်လာရင် ဘယ်အရာမှအသစ်ဖြစ်တည်လာတယ်ဆိုတာမရှိပါဘူး။ တီထွင်ဆန်းသစ်တယ်ဆိုတာလည်း တစ်ချိန်ကခေတ်တစ်ခုကို ပြန်လည်ပုံဖော်ထားကြတာပါ။ ဥပမာပြောရရင် တောက်ပတဲ့အရောင်တွေ ခေတ်စားပြီးရင် အရောင်ဖျော့၊ အရောင်ဖျော့ကနေ အဖြူအနက်ခေတ်ကိုပြန်ပြီးရောက်သွားကြတာချည်းပါ။ ဘာလို့လဲဆိုတော့ အတိတ်ကလည်းလူတစ်ဦးတစ်ယောက်၊ လူတစ်စုကိုလွှမ်းမိုးတာပဲလေ …။ ဒီတစ်ပတ်ရဲ့ဖက်ရှင်ကဏ္ဍလေးမှာတော့ တစ်ချိန်ကဟောလိဝုဒ်မှာလွှမ်းမိုးထားခဲ့တဲ့ ယခုအချိန်ထိတောင်လွှမ်းမိုးချုပ်ကိုင်ထားနိုင်စွမ်းရှိတဲ့ ဖက်ရှင်ဘုရင်မတွေကိုတင်ဆက်ပေးလိုက်ပါတယ်။

အော်ဒရီဟီဘန်
အော်ဒရီဟာ ၂၀ရာစု style icon တွေထဲကနာမည်ကြီးတစ်ယောက်ပါ။ ဘာလို့နာမည်ကြီးသလဲဆိုရင်တော့ ရှိုးကျကျဝတ်ဆင်တတ်ပြီး လှပကျော့ရှင်းတဲ့အသွင်ကြောင့်နာမည်ကြီးပါတယ်။ The Breakfast at Tiffany’s ရုပ်ရှင်ကြယ်ပွင့်အော်ဒရီဟာ ရုပ်ရှင်ထက်သူမရဲ့ဝတ်ပုံစားပုံတွေကြောင့်နာမည်ကြီးပါတယ်။ သူပါဝင်သရုပ်ဆောင်ထားတဲ့ Roman Holiday မှာဆိုရင် သူရဲ့ဝတ်စားဆင်ယင်မှုကြောင့် ဒီဇာတ်ကားတစ်ကားလုံးကဖက်ရှင်တွေဟာလူသိများပါတယ်။ အော်ဒရီအမြဲနာမည်ကြီးလေ့ရှိတာကတော့ ရိုးရှင်းတဲ့အရောင်၊ ဂန္တ၀င်ဆန်ဆန်နက်ရောင်ဝတ်စုံတွေကို ရိုးရှင်းစွာဝတ်ဆင်တတ်တာကြောင့် ပိုပြီးလူသိများအသိအမှတ်ပြုခံရပါတယ်။

အဲလစ်စဘက်တေလာ
မာရီလင်မွန်ရိုးလိုမျိုးနာမည်ကြီးသူတစ်ယောက်ရှိပါတယ်။ သူကတော့အနက်ရောင်ဆံကေသာလှိုင်းတွန့်၊ လိင်ဆွဲဆောင်မှုအပြည့်ပိုင်ဆိုင်ထားတဲ့ အဲလစ်စဘက်တေလာပါ။ ဆွဲဆောင်ညှို့ယူနိုင်စွမ်းရှိတဲ့အပြုံး၊ အနက်ရောင်တောက်ပတဲ့ဆံကေသာပိုင်ရှင်၊ အနီရောင်တောက်တောက်နှုတ်ခမ်းဆိုးဆေးကို အမြဲသုံးစွဲလေ့ရှိတဲ့ တေလာဟာ အီဂျစ်ဖက်ရှင်ဘုရင်မကလီယိုပါထရာနေရာကနေသရုပ်ဆောင်ခွင့်ရခဲ့သူပါ။ ရိုးရှင်းလှတဲ့ဝတ်စုံကိုလှပကျော့ရှင်းတဲ့လည်တိုင်ပေါ်လွင်အောင်ဝတ်ဆင်မှုက တေလာရဲ့သင်္ကေတတစ်ခုပါပဲ။ ကျက်သရေရှိလှတဲ့ အလှကိုပိုင်ဆိုင်ဖို့ ပန်းပွင့်ပန်းခက်၊ ငှက်မွှေး၊ သားရေတွေကိုမျှတအောင်ဝတ်ဆင်တတ်တာကြောင့်လည်း တေလာဟာလူကြိုက်များထင်ရှားလှပါတယ်။

မာရီလင်မွန်ရိုး
ယနေ့ခေတ်အမျိုးသမီးတွေ အကိုးကားဆုံးကတော့ မာရီလင်မွန်ရိုးပါ။ ခက်ခဲကြမ်းတမ်းတဲ့ဘ၀ကိုပိုင်ဆိုင်ခဲ့ရပေမယ့် လိင်ဆွဲဆောင်မှုရှိတဲ့အသွင်အပြင်နဲ့ ပရိသတ်ကိုညှို့ယူဖမ်းစားနိုင်ခဲ့ပါတယ်။ မွန်ရိုးဟာ ဟောလိဝုဒ်ရဲ့ပထမဆုံးရွှေရောင်ဆံကေသာပိုင်ရှင်ဖြစ်သလို သူမရဲ့ဖက်ရှင်ဟန်ပန်တွေကလည်း ယနေ့အထိ လွှမ်းမိုးအားကောင်းနေဆဲပါ။ ပြည့်စုံလှပတဲ့ခန္ဓာကိုယ်ကောက်ကြောင်းကိုပိုင်ဆိုင်တာနဲ့အညီ သူမခန္ဓာကိုယ်အလှပေါ်လွင်စေတဲ့ ၀တ်စုံအကျပ်၊ ပန်ဘဲလ်စကပ်စတာတွေကြောင့် ဖက်ရှင်ရှေ့ဆောင်တစ်ဦးအနေနဲ့သတ်မှတ်ခံထားရဆဲဖြစ်ပါတယ်။

မာလင်နိုင်တရစ်ခ်ျ
ရုပ်ရှင်ဇာတ်လမ်းအကြည့်နည်းသူဆိုရင်တော့ မာလင်ကိုကြားဖူးချင်မှကြားဖူးပါလိမ့်မယ်။ Shanghai Express ဇာတ်ကားရဲ့နာမည်ကြီးမင်းသမီးတစ်လက်ပါ။ မာလင်ကလည်း သူ့ရဲ့သရုပ်ဆောင်စွမ်းရည်ထက် ဖက်ရှင်အမြင်ကြောင့် နာမည်ကြီးထင်ရှားသူပါ။ အထူးသဖြင့်တော့ သူရဲ့မျက်ခုံးနဲ့မျက်တောင်က လူတကာကိုစွဲလမ်းသွားလောက်စေတဲ့အထိ ညှို့အားပြင်းလှပါတယ်။

မေးဝက်စ်
မာရီလင်မွန်ရိုးမတိုင်ခင် ဟောလိဝုဒ်မှာမေးဝက်စ်ဆိုတာရှိခဲ့ပါတယ်။ သူကလည်း ရွှေရောင်ဆံကေသာပိုင်ရှင်တစ်ယောက်ပါပဲ။ ကျက်သရေရှိပြီး တောက်ပထက်မြက်တဲ့ဉာဏ်ပညာပိုင်ဆိုင်တဲ့ဝက်စ်ဟာ ယောက်ျားတို့ရဲ့အိပ်မက်ဘုရင်မဖြစ်ခဲ့သလို အမျိုးသမီးတိုင်းရဲ့ဖက်ရှင်ဘုရင်မလည်းဖြစ်ခဲ့ပါတယ်။ ရှည်လျားလှပတဲ့ခြေတံပိုင်ဆိုင်သူပီပီ အ၀တ်အစားကိုလည်း ကောက်ကြောင်းပေါ်လွင်လှအောင်ဝတ်ဆင်တတ်တဲ့အတွက် ဟောလိဝုဒ်ရဲ့ဖက်ရှင်ဘုရင်မတစ်ဆူအဖြစ်ရပ်တည်နေဆဲဖြစ်ပါတယ်။

လူးဝစ်ဘရွက်ခ်
ဝက်စ်၊ မွန်ရိုး၊ တေလာတို့ဆိုရင် ဟောလိဝုဒ်ကမှတ်မိကြပေမယ့် ဘရွက်ခ်ကိုတော့မေ့လျော့နေကြပါတယ်။ ဒါပေမဲ့ ဖက်ရှင်စိတ်ဝင်စားသူကိုမေးကြည့်ရင်တော့သိကြမှာပါ။ ထူးခြားချက်တစ်ခုက ဘရွက်ခ်က ဓာတ်ပုံရိုက်ရင်ပြုံးလေ့မရှိပါဘူး။ ဆံပင်တိုတို ရိုးသားတဲ့အသွင်က ဘရွက်ခ်ကိုဖက်ရှင်လောကမှာ နာမည်ကြီးစေခဲ့ပါတယ်။

ကိုကိုးရှန်နယ်
ဖက်ရှင်နဲ့ပတ်သက်လာရင် အမျိုးသမီးတွေမေးလေ့ရှိတာက 'သက်သောင့်သက်သာဖြစ်ချင်တာလား'၊ 'လှပကျော့ရှင်းချင်တာလား'စတဲ့မေးခွန်းပါ။ ဒါပေမဲ့ ကိုကိုးရှန်နယ်ကတော့ တစ်ပြိုင်တည်းမှာ နှစ်ခုစလုံးဖြစ်နိုင်ကြောင်းသက်သေပြသွားခဲ့ပါတယ်။ ဒီလိုနှစ်မျိုးကိုတစ်ပြိုင်တည်းပေါင်းစပ်ဖန်တီးနိုင်တဲ့အတွက်လည်း သူဟာဖက်ရှင်လောကရဲ့ရှေ့ဆောင်တစ်ယောက်ဖြစ်ခဲ့ပါတယ်။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment