ကိုယ်ဝါသနာပါတဲ့ အနုပညာအလုပ်ကိုပဲပိုလုပ်ချင်ခဲ့တယ်… ပိုင်ဖြိုးသု










အမှန်တိုင်းဝန်ခံရရင်တော့ ဆရာဝန်အလုပ်က အသက်မွေးဝမ်းကျောင်းအတွက် ပိုပြီးတော့အဆင်ပြေနိုင်တယပေါ့နော်… သုသုကကျတော့ ကိုယ်ဝါသနာပါတဲ့ အနုပညာအလုပ်ကိုပဲပိုလုပ်ချင်ခဲ့တယ်…

ပိုင်ဖြိုးသု
ဒါရိုက်တာအောင်ဇော်လင်းရိုက်ကူးတဲ့ ဂန္တ၀င်အငြိုးရုပ်ရှင်ဇာတ်ကားမှာ အဓိကသရုပ်ဆောင်အဖြစ် ပါဝင်ထားတဲ့ သရုပ်ဆောင်ပိုင်ဖြိုးသုနဲ့တွေ့ဆုံခိုက်သူရဲ့ အနုပညာခရီးလမ်းနဲ့ ဆရာဝန်နဲ့အနုပညာအလုပ် ကိုရွေးချယ်ခဲ့မှု၊ လက်ရှိအနုပညာအောင်မြင်မှုနဲ့ပတ်သက်ပြီးမေးမြန်းခဲ့သမျှကတော့…

သုသုရဲ့အနုပညာခရီးအစကိုပြောပြပေးနိုင်မလား…
၁၉၉၈ ခုနှစ်မှာ အမေဆိုတာတစ်ခါတုန်းကသမီးပါဆိုတဲ့ဇာတ်ကားမှာ ဦးဇော်ဦးနဲ့ အန်တီခင်စိုးပိုင် တို့ရဲ့ သမီးလေးနေရာက ကလေးသရုပ်ဆောင်အဖြစ်စလုပ်ခဲ့ပါတယ်။ သုကအခုအောင်မြင်တယ်လို့လည်း ကိုယ့်ကိုယ်ကိုယ်မသတ်မှတ်သေးဘူး။ ဘာလို့လဲဆိုတော့  ပိုင်ဖြိုးသုလို့ပြောလိုက်ရင် မသိသေးတဲ့ ပရိသတ်တွေအများကြီးရှိသေးတော့ အခုချိန်အထိအသည်းအသန်ကြိုးစားရဆဲကာလပေါ့နော်။ 

အခုချိန်မှာအနုပညာအလုပ်တွေရဲ့ထူးခြားမှုကဘာရှိလဲ…
ထူးခြားလာတာကတော့ အနုပညာအလုပ်ကတော့ပိုလုပ်လာရတယ်ပေါ့နော်။ အရင်တုန်းကထက် အနုပညာအလုပ်တွေပိုလုပ်လာခဲ့ရတယ်။ ထုတ်လုပ်သူတွေက အရင်ကထက်နေရာပိုပေးလာကြတယ်။ အနုပညာအရလုပ်ကွက်လေးတွေပိုရလာခဲ့တယ်။ ဘာပဲဖြစ်ဖြစ် ပရိသတ်အများကြီးမသိတောင် အခုလို ပရိသတ်နည်းနည်းလေးသိလာဖို့အတွက် သူအချိန်တွေအများကြီးပေးပြီးကြိုးစားလာခဲ့ရတယ်။ ၉၈ မှာ ကလေးသရုပ်ဆောင်လုပ်တယ်။ ကလေးသရုပ်ဆောင်အဖြစ်နဲ့ဇာတ်ကားတွေကိုရိုက်ခဲ့တယ်။ ဒါပေမဲ့ ကျောင်းတစ်ဖက်နဲ့ဆိုတော့ ရုပ်ရှင်ရိုက်လိုက်မရိုက်လိုက်နဲ့နေပြီး ဆယ်တန်းရောက်တော့ ဇာတ်ကား ရိုက်ကူးမှုတွေရပ်လိုက်တယ်။ 

အနုပညာအလုပ်တွေရပ်လိုက်ပြီး ဘယ်အချိန်မှာပြန်လုပ်လဲ…
ဆေးကျောင်းစရောက်တော့လည်းရိုက်လိုက်မရိုက်လိုက်နဲ့ ဆရာအရင်းတွေဖြစ်တဲ့ ဒါရိုက်တာဦးမျိုးမင်း၊ ညိုမင်းလွင်တို့နဲ့ရိုက်ဖြစ်တယ်။ နောက်တော့လုံးဝနားပစ်လိုက်တယ်။ ဆေးကျောင်းတက်တော့ Final Part-1 ရောက်တော့မှ သုသု စိုင်းစိုင်းကိုချစ်တယ်ဇာတ်ကားလေးနဲ့ ပြန်ဝင်ရောက်ခဲ့တယ်ပေါ့နော်။ အဲဒီဇာတ်ကားလေးက ပရိသတ်အကြိုက်တွေ့ပြီးထင်တာထက်ပိုအောင်မြင်ခဲ့တယ်။ အဲဒီနောက် ပိုင်းမှာတော့ ဇာတ်ကားတွေဆက်ရိုက်ခွင့်ရဖို့ကြိုးစားတယ်။ ကိုယ်ကတော့ အနုပညာပိုးအရမ်းကြီးတယ်။ ဒီအလုပ်ကိုအရမ်းဝါသနာပါတော့ ဆက်လုပ်နိုင်ဖို့မဖြစ်ဖြစ်အောင်ဆေးကျောင်း စာတစ်ဖက်နဲ့ကြိုးစားခဲ့ပါတယ်။ အဲဒီအချိန်မှာ ခက်ခက်ခဲခဲသရုပ်ဆောင်ရတဲ့ကာရိုက်တာတွေ သရုပ်ဆောင်ချင်ခဲ့တယ်။ ဒါပေမဲ့ အခွင့်ရေးတွေသိပ်မရခဲ့ဘူး။ 

အနုပညာပျိုးခင်းနဲ့စတင်ဖြစ်ခဲ့ပုံကိုလည်းပြောပါဦး…
အနုပညာပျိုးခင်း-၂ ကနေ ရွေးချယ်ခံလိုက်ရတဲ့နောက်မှာတော့ အနုပညာအလုပ်တွေပိုလုပ်ခွင့်ရခဲ့တယ်။ ပျိုးခင်းကဆရာတွေရဲ့လက်တွဲခေါ်ယူမှုနဲ့ ဗီဒီယိုဇာတ်ကားလေးတွေပိုရိုက်လာရတယ်။ အဲဒီလိုဗီဒီယိုဇာတ်ကားလေးတွေရိုက်ကောင်းနေတဲ့အချိန်မှာပဲ ဗီဒီယိုဈေးကွက်က မမျှော်လင့်ပဲအကျဘက်ရောက်သွားတော့ အနုပညာအလုပ်တွေဆက်လုပ်ဖို့ခက်သွားတယ်။ ပျိုးခင်းနှစ်လည်း စအရွေးခံရပြီး ဗီဒီယိုဈေးကွက်ကျတယ်ဆိုတော့ အဲဒီတုန်းကစိတ်ဓာတ်အရမ်းကျခဲ့ရတယ်။

ဆရာဝန်အလုပ်နဲ့အနုပညာအလုပ်ကိုရွေးချယ်ရခက်ခဲ့တာမျိုးရှိလား…
အမှန်တိုင်းဝန်ခံရရင်တော့ ဆရာဝန်အလုပ်က အသက်မွေးဝမ်းကျောင်းအတွက်ပိုပြီးတော့ အဆင်ပြေနိုင်တယ်ပေါ့နော်။ လူကြီးတွေကတော့ ဆရာဝန်အလုပ်ကဘ၀အာမခံချက်ရှိတယ်လို့ပြောရမလား အဲဒါ့ကြောင့် လူကြီးတွေကတော့ ဆရာဝန်အလုပ်ကိုပဲ ကြိုးစားစေချင်တယ်။ သုသုကကျတော့ ကိုယ်ဝါသနာပါတဲ့ အနုပညာအလုပ်ကိုပဲပိုလုပ်ချင်ခဲ့တယ်။ သုသုဘ၀မှာ အလိုချင်ဆုံးပီတိတစ်ခုက ကင်မရာရှေ့ရောက်တာနဲ့ သုသုလုပ်လိုက်တဲ့အိုက်တင်သရုပ်ဆောင်မှုတွေကို ဒါရိုက်တာပဲဖြစ်ဖြစ် စက်အဖွဲ့တွေကပဲဖြစ်ဖြစ် ချီးကျူးခံရရင် သုသုအရမ်းပျော်တယ်။ အဲဒီပိတိကိုဘာနဲ့မှမလဲနိုင်ဘူး။ 

ပရိသတ်တွေကို သုသုရဲ့အနုပညာအလုပ်နဲ့ပတ်သက်ပြီးဘာပြောချင်လဲ…
အခုလိုအနုပညာအလုပ်တွေရှေ့ဆက်နိုင်တယ်ဆိုတာလည်း သုသုရဲ့လူနည်းစုပရိသတ်တွေရဲ့ အားပေးမှုတွေကြောင့်သာ အခုလိုရှေ့ဆက်နိုင်ခဲ့တာပါ။ အခုဆို အနုပညာအလုပ်တွေနဲ့ပတ်သက်ပြီး သုသုရိုက်ချင်တဲ့ဇာတ်ကားတွေကိုလည်း မေမေကသုသုစိတ်တိုင်းကျထုတ်လုပ်ပြီးရိုက်ပေးတယ်။ အမေကလည်းအားပေးတယ်။ ဆရာဝန်အလုပ်ကိုစွန့်ပြီး အနုပညာအလုပ်ကိုရွေးချယ်ခဲ့တာကတော့ အနုပညာဝါသနာကြောင့်နဲ့ပရိသတ်တွေရဲကအားပေးမှုက အနုပညာအလုပ်ကိုပဲရွေးချယ်ဖို့ တွန်းအားဖြစ်စေခဲ့ပါတယ်။ အနုပညာအလုပ်တွေကိုလည်း အခုထက်ပိုကြိုးစားသွားမှာပါ။

ပုညဗိုလ်

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment