မင်းစီးနေတဲ့ဖိနပ်က မင်းအကြောင်းကိုပြောပြတယ်…











ယောက်ျားအများစုက မိန်းကလေးတွေဖိနပ်လှလှလေးတွေကို ချစ်မြတ်နိုးကြတာကို နားမလည်ကြပါဘူး။ ဒါပေမဲ့ မိန်းကလေးတစ်ယောက်ခြေထောက်မှာ ဘာဝတ်ထားတယ်ဆိုတာကိုတော့ အကဲခတ်တတ်ကြ ပါတယ်။ မိန်းကလေးတစ်ယောက်ရွေးချယ်ပြီးစီးတဲ့ဖိနပ်တစ်စုံက သူ့ရဲ့လက်ရှိစိတ်အခြေအနေ ကိုဖော်ပြနေတယ်ဆိုတာ လက်ခံနိုင်ပါ့မလား။ ကန်ဆက်စ်တက္ကသိုလ်ကနေ လေ့လာချက်တစ်ခုအရ လူတစ်ယောက်စီးထားတဲ့ဖိနပ်ကနေ သူ့အကြောင်းကိုလေ့လာနိုင်ပါတယ်တဲ့။ အဲဒီတော့ ကိုယ်စီးနေတဲ့ ဖိနပ်လေးတွေက ဘာအကြောင်းပြောနေသလဲဆိုတာကို လေ့လာကြည့်ကြရအောင်။

အရောင်တောက်တောက်လေးတွေ
တောက်ပတဲ့အရောင်လေးတွေက စိတ်ကိုတက်ကြွစေသလို ဒီအရောင်ဝတ်ထားတဲ့ မိန်းကလေးတွေ ကလည်း စိတ်လှုပ်ရှားမှုလွယ်တယ် ပျော်ရွှင်တတ်တယ်ဆိုတာ အံသြစရာမရှိပါဘူး။ အရောင်တောက်တောက် ဖိနပ်ဝတ်ထားတဲ့မိန်းကလေးတွေက ပျော်ရွှင်တတ်သလိုအလုပ် လည်းကြိုးစားကြပါတယ်။ 

ရှူးဖိနပ်ပါး
ဖိနပ်ပါးစီးထားတဲ့မိန်းကလေးတွေကတော့ လူတိုင်းနဲ့ပေါင်းသင်းရလွယ်ကူပြီး လူတကာနဲ့ လိုက်လျော ညီထွေ သူတွေပါ။ ပေါင်းသင်းဆက်ဆံရေးအလွန်ကောင်းသူတွေဖြစ်ကြပါတယ်။ ဖိနပ်ပါးစီးထားသူ မိန်းကလေးတွေက အပြောထက်အလုပ်ကိုပိုပြီးသဘောကျနှစ်ခြိုက်သူတွေလည်းဖြစ်ကြပါတယ်။ 

ဒေါက်ဖိနပ်
ဒေါက်ဖိနပ်လေးတွေကျအဓိပ္ပါယ်တစ်မျိုးတောင်ဖြစ်နေပြန်ပါတယ်။ တချို့မိန်းကလေးတွေအတွက်တော့ ဒေါက်ဖိနပ်လေးတွေက အင်အားကြီးမားမှုနဲ့ လွှမ်းမိုးနိုင်စွမ်းရှိမှုတို့ကိုဖော်ပြနေပါတယ်။ တချို့ မိန်းကလေးတွေအတွက်ကတော့ ဒေါက်ဖိနပ်လေးတွေက ဆွဲဆောင်မှုရဲ့သင်္ကေတ၊ ကျေနပ်ပျော်ရွှင်စေ မှုရဲ့သင်္ကေတဖြစ်နေပြန်ပါတယ်။ အဲဒါကြောင့် ဒေါက်ဖိနပ်စီးထားတဲ့မိန်းကလေးတွေကိုတော့ ပုံသေတွက်ထားလို့မရပြန်ပါဘူး။ 

ဖိနပ်ပါး
ရွှေရောင်၊ ငွေရောင်တောက်ပတဲ့ ဖိနပ်လေးတွေကတော့ လူတကာရဲ့စိတ်ဝင်စားမှုကိုရတဲ့ ပုံစံလေးတွေဖြစ်ပါတယ်။ ဒီလိုဖိနပ်စီးထားသူတွေကတော့ သူများရဲကစိတ်ဝင်စားမှုကိုလိုချင်နေပြီး မှီခိုလိုစိတ်ရှိသူတွေဖြစ်ကြပါတယ်။ 

ဒေါက်ဖိနပ်အနိမ့်
ဖိနပ်ပါးလေးတွေက ဉာဏ်ရည်ဉာဏ်သွေးရဲ့သင်္ကေတလို့ပြောတဲ့အခါ ဒေါက်ဖိနပ်အနိမ့်လေးတွေအတွက် အဓိပ္ပါယ်ဖွင့်စရာပေါ်လာပါပြီ။ ဒေါက်ဖိနပ်အနိမ့်လေးတွေကတော့ ကိုယ့်ကိုယ်ကိုယ်မလုံခြုံမှုရဲ့ သင်္ကေတတစ်ခုပါ။ ဒေါက်ဖိနပ်အမြင့်စီးထားတဲ့မိန်းကလေးတွေလို ဆွဲဆောင်မှုရှိရှိလှပချင်ပေမယ့် ကိုယ့်ကိုယ်ကိုယ်ယုံကြည့်မှုနည်းသေးတဲ့အခြေအနေကို ဖော်ပြနေတဲ့သင်္ကေတတစ်ခုဖြစ်ပါတယ်။

ထိပ်ဖွင့်ဒေါက်ဖိနပ်
ထိပ်ဖက်ခြေချောင်းလေးတွေကို ဖော်ပြနေတဲ့ဒေါက်မြင့်ဖိနပ်လေးတွေအတွက် အဓိပ္ပါယ်တစ်မျိုးရှိပါတယ်။ ဒီလိုဖိနပ်မျိုးဝတ်ဆင်ထားတဲ့မိန်းကလေးက ကိုယ့်ကိုယ်ကိုယ်ယုံကြည်မှုရှိပြီး ကိုယ့်ခန္ဓာကိုယ်အလှကိုဖော်ပြရဲတဲ့သတ္တိရှိတယ်ဆိုတဲ့ အဓိပ္ပါယ်သက်ရောက်ပါတယ်။ 

ဒီဇိုင်နာဖိနပ်
နာမည်ကြီးဒီဇိုင်နာတွေရဲ့ ဖိနပ်တွေ၊ Branded ဖိနပ်စီးတဲ့မိန်းလေးတွေအတွက် အဓိပ္ပါယ်ဖွင့်ဆိုချက်ရှိပါတယ်။ သူတို့တွေက သူတို့အလှအပ၊ ရုပ်ရည်အတွက်စိတ်ကိုနှစ်မြုပ်ထားဖို့အသင့်ပဲလို့ အဓိပ္ပါယ်သက်ရောက်ပါတယ်။ ဒီလိုဖိနပ်မျိုးကို လုပ်ငန်းခွင်စီးသွားရင်တော့ ဒါကအလုပ်ကိုတာဝန်ယူမှု၊ တာဝန်ခံမှုတွေအတွက် အဆင်သင့်ပဲလို့ စိန်ခေါ်နေတဲ့အဓိပ္ပါယ်ပါ။ 
Crystal

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment