ဘယ်ဖက်ရှင်အမှတ်တံဆိပ်တွေက နာမည်အကြီးဆုံးလဲ









ဖက်ရှင်နဲ့ပတ်သက်လာရင် နာမည်အကြီးဆုံးက အီတလီပါ။ ကမ္ဘာ့နာမည်ကြီးဖက်ရှင်အမှတ်တံဆိပ်တွေကလည်း အီတလီနိုင်ငံမှာရှိတာများပါတယ်။ ဒါကလွန်ခဲ့တဲ့နှစ်ပေါင်းများစွာကတည်းက အခုချိန်အထိပါပဲ။ အီတလီရဲ့ ဘယ်ဖက်ရှင်အမှတ်တံဆိပ်တွေက နာမည်အကြီးဆုံးလည်းဆိုတာ လေ့လာကြည့်ရအောင်။

Versace
Versace ကို ဂျီနာနီဗစ်တာချီ က ၁၉၇၈ခုနှစ်မှာတည်ထောင်ခဲ့ပါတယ်။ Elizabeth Horley ဆိုတဲ့ဝတ်စုံဝတ်ပြီးနောက်မှာတော့ Versace ကို တစ်ကမ္ဘာလုံးအနှံ့အသိအမှတ်ပြုလာကြပါပြီ။ ၂၀၀၀ ပြည့်နှစ် Grammy ဆုပေးပွဲမှာလည်း ဂျန်နီဖာလိုပက်စ်က Versace silk chiffton ကို ၀တ်ဆင်ခဲ့ပါသေးတယ်။ အခုဆိုရင် Versaca က တစ်ကမ္ဘာလုံးအနှံ့အမျိုးသမီးတွေရဲ့ ခန္ဓာကိုယ်အထက်မှာနေရာယူထားကြပါပြီ။

Fendi
Fendi က ရောမမြိူ့က ငှက်မွေး၊ သားရေဆိုင်လေးတစ်ခုပါ။ ၁၉၂၅မှာ အိုရာနိုနဲ့ ဆဲဒ်လ်ပင်ဒီတို့က တည်ထောင်ခဲ့ပြီး အခုဆိုရင် တစ်ကမ္ဘာလုံးလူသိများနေတဲ့အမှတ် တံဆိပ်တစ်ခုဖြစ်လို့နေပါပြီ။ ယနေ့အချိန်အထိ Fendi က သားရေကုန်ကြမ်းနဲ့ ငှက်မွေးတွေထုတ်လုပ်နေဆဲပါ။ မျက်မှန်၊ဖက်ရှင်အသုံးအဆောင်ပစ္စည်းတွေကိုဖြန့်ချီနေတာ အခုဆိုရင် တစ်ကမ္ဘာလုံးအနှံ့ဆိုင်ပေါင်း ၂၀၀ ကျော်နေပါပြီ။

Biagiotti
လော်ရာက Biagiotti Fashion House ကိုတည်ထောင်ပြီး အခုဆိုရင်အီတလီရဲ့ ထိပ်တန်းဖက်ရှင်ဒီဇိုင်းတွေထဲကတစ်ခုဖြစ်လို့နေပါပြီ။ ပထမကတော့ လော်ရာက ဗိသုကာပညာရှင်တစ်ဦးဖြစ်ချင်ခဲ့တာပါ။ ဒါပေမဲ့ မိသားစုရဲ့အ၀တ်အစားစီးပွားရေးမှာပါဝင်ကူညီရင်းကနေ ဖက်ရှင်ဒီဇိုင်းနာမှာ စိတ်ဝင်စားလာပါတယ်။Loura Biagiotti ရဲ့ရေမွှေးတစ်မျိုးဖြစ်တဲ့ Aqua di Roma ကဆိုရင် ကမ္ဘာ့ထိပ်တန်းအလှကုန်တစ်ခုဖြစ်လို့နေပါပြီ။

Valention
ဗယ်လက်တီနိုဂရာဗာနီရဲ့ ဖက်ရှင်စိတ်ဝင်စားမှုက ငယ်ရွယ်စဉ်ဘ၀မှာကတည်းကစတင်ခဲ့ပါတယ်။ ကံကောင်းစွာနဲ့ပဲ သူ့အဖေနဲ့အမေရဲ့ ကူညီထောက်ပင့်ပေးမှုကြောင့် သူစိတ်ဝင်စားရာဖက်ရှင်ပညာကို ပါရီမှာ သင်ယူခွင့်ရခဲ့ပါတယ်။ ၂၀၀၇ ခုနှစ်မှာ ဗယ်လက်တီနိုက အနားယူသွားခဲ့ပေမယ့် သူ့ရဲ့ဖက်ရှင်အမှတ်တံဆိပ်ကတော့ လက်ရှိအချိန်အထိ နာမည်ကြီးလူကြိုက်များဆဲဖြစ်ပါတယ်။ 

Prada
မာရီယို ပရာဒါနဲ့ သူ့အမေ ဗာဘီနိုတို့က ၁၉၁၃ခုနှစ်မှာ ပရာဒါကို သားရေကုန်ပစ္စည်းဆိုင်လေးအနေနဲ့သာတည်ထောင်ခဲ့တာပါ။ ဒါပေမဲ့ မာရီယိုရဲ့သမီး မီကာပရာဒါ က မာရီယိုဆုံးပြီးနောက်မှာ ဒီစီးပွားရေးမှာဝင်လုပ်လာပြီး Prada ဟာအမျီုးသမီးတွေရဲ့အသည်းစွဲအမှတ်တံဆိပ်တစ်ခု ဖြစ်လာပါတော့တယ်။

Dolce & Gabbana
ဒီဇိုင်နာစတက်ဖန်နိုနဲ့ ဒိုမီနစ်ကိုဒို့လ်စ်က ၁၉၈၅ခုနှစ်မှာ Dolce & Gabbana ကိုတည်ထောင်ဖို့အတွက် ပူးပေါင်းခဲ့ပါတယ်။ သူတို့ရဲ့ပူးပေါင်းမှုဟာဆိုရင် လက်ရှိဖက်ရှင်ရေစီးကြောင်းမှာ နာမည်ကြီးအမှတ်တံဆိပ်တစ်ခုဖြစ်တဲ့ D & G ကို ဖြစ်စေခဲ့ပါတယ်။ 

Armani
Giorgoi Armani က အီတလီဖက်ရှင်လောကရဲ့ဒဏ္ဍာရီတစ်ခုလို့ တင်စားရလောက်အောင် ကမ္ဘာနဲ့အနှံ့အရှိန်အဟုန်နဲ့ နာမည်ကြီးလာတာပါ။ ၁၉၇၅ခုနှစ်မှာ စတင်တည်ထောင်ခဲ့ပြီး ဟောလိဝုဒ်အနုပညာရှင်တွေစိတ်ကြိုက်တွေ့စေခဲ့တာက ဖက်ရှင်လောကမှာနေရာတစ်ခုရလာစေပါတယ်။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment