မင်္ဂလာအခမ်းအနား အချိန်မီကျင်းပနိုင်ဖို့အတွက် အကူအညီပေးနိုင်မယ့် Wedding Planner











သီတင်းဝါလကင်းလွတ်တဲ့အခါသမယမှာ လက်ထပ်ထိမ်းမြားကြဖို့ရည်ရွယ်ထားကြတဲ့ မင်္ဂလာမောင်နှံတွေအတွက် အလွန်အသုံးဝင်စေမယ့် မိုဘိုင်းဖုန်း Apps လေးတစ်ခုနဲ့ မိတ်ဆက်ပေးပါရစေ။ 

ဒီ Apps လေးကတော့ မင်္ဂလာဆောင်ဖို့အတွက်ပြင်ဆင်နေရတဲ့ သတို့သားနဲ့ သတို့သမီးတို့အတွက် မင်္ဂလာအခမ်းအနားကို တိတိကျကျ လိုလေသေးမရှိ အချိန်မီကျင်းပနိုင်ဖို့အတွက် အကူအညီပေးနိုင်မယ့် Wedding Planner ဆိုတဲ့ Apps လေးပဲဖြစ်ပါတယ်။ ဒီ Apps လေးဟာ အခုလိုအများဆုံး မင်္ဂလာဆောင်လေ့ရှိကြတဲ့ ရာသီရယ်မှမဟုတ်ဘဲ ဘယ်အချိန်ပဲဆောင်ဆောင်၊ ကိုယ်နဲ့ကိုက်ညီမယ့် ကြိုတင်ပြင်ဆင်ထားရမယ့်အချက်အလက်တွေအကုန်လုံးကို တစ်နေရာတည်းမှာ စုစည်းသိမ်းဆည်း ထားနိုင်တာကြောင့် မင်္ဂလာဆောင်ရက် ဒါမှမဟုတ် အချိန်တစ်ခုကို တိတိကျကျသတ်မှတ်ပြီးတာနဲ့ ဒီ Apps မှာလိုအပ်တဲ့အချက်အလက်တွေ စတင်ထည့်သွင်းကာ အသုံးပြုနိုင်မှာဖြစ်ပါတယ်။ 

အထူးသဖြင့် Apps ထဲမှာ စတင်လုပ်ဆောင်ရမယ့်အချက်တွေ အချိန်တွေကိုသတ်မှတ်ဖို့အတွက် To-Dos, အချိန်အခါကိုက်ကြိုတင်ချိတ်ဆက်ရမယ့် အစီအစဉ်တွေအတွက် Schedule, မင်္ဂလာပွဲကျင်းပဖို့အတွက် လိုအပ်တဲ့ပစ္စည်းတွေ၊ နေရာတွေ၊ ၀န်ဆောင်မှုတွေကို ကိုယ်နဲ့ကိုက်ညီလိုအပ်မယ့်အရာတွေအတွက် ရွေးချယ်မှတ်သားထားနိုင်ဖို့ Checklist, အထူးသဖြင့် မင်္ဂလာပွဲကြီးတစ်ခုလုံးအတွက် အရေးကြီးဆုံး အပိုင်းဖြစ်တဲ့ ကုန်ကျစရိတ် ခန့်မှန်းတွက်ချက်ဖို့အတွက် Budget List နဲ့ နှစ်ဖက်မိဘအသိုင်းအ၀ိုင်းနဲ့ ဧည့်ပရိသတ်တွေရဲ့ အရေအတွက်နဲ့မဖြစ်မနေဖိတ်ရမယ့် လူပုဂ္ဂိုလ်တွေရဲ့ စာရင်းအတွက် Guest List  အစရှိတဲ့ အဓိကလုပ်ဆောင်ချက်တွေ အစုံအလင်ပါဝင်တာကိုတွေ့ရပါလိမ့်မယ်။ 

မင်္ဂလာပွဲကြီးတစ်ခုလုံး အောင်အောင်မြင်မြင်ဖြစ်မြောက်ဖို့အတွက် ကြားထဲမှာရသမျှအချိန်လေးတွေထဲကနေ စီစဉ်ရတဲ့သူများအဖို့ ဒီ Apps လေးကို အသုံးပြုပြီး ကြိုတင်စီမံခန့်ခွဲနိုင်တဲ့အတွက် တစ်ဖက်တစ်လမ်းကနေ အထောက်အကူပြုနိုင်ပါလိမ့်မယ်။ 

ဒီ Apps ကိုရယူဖို့အတွက် Google Play Store မှာ Wedding Planner လို့ ရိုက်ထည့်ပြီး ပေါ်လာတဲ့ Apps တွေထဲက Planningnote.com က အခမဲ့ရေးသားပေးထားတဲ့ Apps လေးကိုရွေးချယ်ပေးရမှာဖြစ်ပါတယ်။
မင်းသုနောင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape
Share on Google Plus

0 comments:

Post a Comment