Android စမတ်ဖုန်းတွေအတွက် Antivirous Apps တွေ ဘာကြောင့်လိုအပ်ပါသလဲ…








ဒီနေ့ခေတ်မှာက လူတွေမှာကိုယ့်ရဲ့ကိုယ်ရေးကိုယ်တာ Data တွေကိုသိမ်းဆည်းထားနိုင် တဲ့နေရာတွေ ပိုများလာတယ်။ အရင်ကတော့ ကိုယ့်ရုံးခန်း၊ ကိုယ့်အိမ်ရှေ့မှာခန့်ခန့်ကြီးထိုင်နေတဲ့ Dasktop ကွန်ပျူ တာကြီးမှာပဲသိမ်းထားတာ Virus ကိုက်တယ်ဆိုတာကလည်း ဖိုင်လေးတွေပျက်ကုန် တာလောက်ရှိတာ ရယ်။ ဒါပေမဲ့ Laptop ဆိုတာပေါ်လာတော့ Laptop ကြီးအလုံးလိုက်ပျောက်သွားတယ် ဆိုတာမျိုးဖြစ် လာတယ်။ ဒါပေမဲ့ ဒါကလည်း ပြသသနာတော့မရှိပါဘူး။ အခုစမတ်ဖုန်းတွေခေတ်ရောက်လာတော့ ပိုကြောက်ဖို့ကောင်းလာပါတယ်။ လုံခြုံရေးဟာလျော့ရိလျော့ရဲပဲကျန်တော့တယ်။ 

နည်းပညာအရမ်းတိုးတက်လာပေမယ့် ဒါကိုကာကွယ်မှုမှာတော့ ကျွန်တော်တို့ဟာ ဟိုး ၁၉၉၀ လောက်က နည်းပညာမျိုးတွေကိုပဲသုံးနေရတုန်းပါ။ Cloud Computing နဲ့ Mobile နည်းပညာတွေကိုပေါင်းစပ်လာတာ၊ ဘယ်အရာမဆို Virtual တွေ ဖြစ်လာတာတွေက အရင်ကလို သာမန် File လေးတွေပျက်ကုန်တဲ့ အဆင့် မဟုတ်ပဲ၊ ကျွန်တော်တို့ရဲ့ ကိုယ်ရေးအချက်အလက်တွေ၊ ငွေစာရင်း၊ မိသားစုဘ၀တွေ၊ လုပ်ငန်း ကိုင်ငန်းတွေကိုပါ ထိခိုက်လာစေတဲ့အထိဖြစ်သွားနိုင်ပါတယ်။ 

ဒါကိုကာကွယ်နိုင်ဖို့နယ်ပယ်ပေါင်းစုံကပညာရှင်တွေပေါင်းစပ်ပြီး အလုပ်လုပ်နေကြပါတယ်။ Web ပေါ်မှာလည်း ပညာရှင်တွေ နေ့မအားညမအားအလုပ်လုပ်နေကြသလို Desktop တွေ၊ Mobile တွေပေါ်က ပညာရှင်တွေကလည်း လုံခြုံရေးစည်းတွေကိုတင်းကျပ်နိုင်သမျှအတင်းကျပ်ဆုံးဖန်တီးနေပါတယ်။ ဒါပေမဲ့ Hacker တွေက အမြဲတမ်းခြေတစ်လှမ်းသာနေသလိုပါပဲ။ ဒါကြောင့်ကိုယ်လုံခြုံရေးကို ကိုယ်ဂရုစိုက်ရမှာပါ။ သတိဆိုတာ ပိုတယ်ရယ်လို့မရှိပါဘူး။ 

ကျွန်တော်တို့အနေနဲ့ ၁၉၉၀ ခုနှစ်တွေလောက်ကတည်းက PC ပေါ်က Antivirus Program တွေနဲ့ ရင်းနှီးခဲ့ကြပြီးသားပါ။ အခု နှစ်ပေါင်း ၂၀ ကြာလာပြီးတဲ့နောက်မှာ Mobile ခေတ်ကိုရောက်လာတော့ Mobile ပေါ်က Antivirus တွေရဲ့အနေအထားက ဘယ်လိုဆိုတာကို စိတ်ဝင်စားလာပါတယ်။ Mobile ခေတ်မှာ လူတိုင်းရဲ့အန္တရာယ်ဟာ အရင်လို ရုံးက၊ အိမ်က Desktop ကွန်ပျူတာကြီးထဲမှာ ကျန်နေခဲ့တာမဟုတ်ပဲ၊ ကိုယ့်အိတ်ကပ်ထဲကိုရောက်လာနေတာမို့ ပိုပြီးဂရုစိုက်ကြဖို့လိုမယ်လို့အကြံပေးချင်ပါတယ်။ 

Mobile ဆိုတာဟာ သာမန်ကွန်ပျူတာတွေထက် ပိုကြောက်ဖို့ကောင်းပါတယ်။ ကွန်ပျူတာတွေမှာက ကျွန်တော်တို့ရဲ့အွန်လိုင်းအချက်အလက်တွေဟာ ပုံမှန်အားဖြင့်ပြောရမယ်ဆိုရင် Web Browser ထဲမှာပဲရှိတာပါ။ Browser တွေကလည်း အများအားဖြင့် လုံခြုံရေးအချက်အလက်တွေကို စနစ်တကျသိမ်းထားပြီး ပြန်ဖျက်လိုက်ဖို့ကလည်း Click ၂ ချက်လောက်နှိပ်ရုံနဲ့ရပါတယ်။ ဒါပေမဲ့ Mobile က ကျွန်တော်တို့ရဲ့ ကိုယ်ရေးအချက်အလက်တွေ ဓာတ်ပုံနဲ့ဗီဒီယိုတွေအားလုံးဟာ Lock Screen လေးတစ်ခုရဲ့အနောက်မှာရှိနေတာပါ။ အရမ်းကိုအန္တရာယ်များတဲ့အခြေအနေပါပဲ။ 

နောက်သွားလေရာသယ်သွားတဲ့အတွက် ပျောက်သွားဖို့၊ ခိုးခံရဖို့အရမ်းလွယ်ပါတယ်။ နောက်တစ်ခါ ဒီ Mobile ခေတ်မှာ ကျွန်တော်တို့က အွန်လိုင်းကိုဖုန်းတွေ၊ Tablet တွေပေါ်ကနေ အသုံးပိုများလာတဲ့အတွက် တိုက်ခိုက်ခံရဖို့လည်း ပိုပြီးအခွင့်အလမ်းများလာပါတယ်။ ကျွန်တော်ရဲ့ငွေကြေးဆိုင်ရာအချက်အလက်တိုင်းက ဖုန်းထဲမှာတင်ရှိနေလို့ သာမန်အရင်လို File ပျောက်ရုံ၊ ပျက်ရုံ၊ ကွန်ပျူတာပျက်ရုံ၊ Window ပြန်တင်ရရုံအဆင့်မဟုတ်ပဲ ငွေကြေးနဲ့ကိုယ်ရေးကိုယ်တာတွေကိုပါ ဆုံးရှုံးနိုင်ဖို့အခွင့်အလမ်းအရမ်းများသွားပါလိမ့်မယ်။ 

Android သမားတွေအဖို့ကတော့ Android ရဲ့ လွတ်လပ်တဲ့အရသာကိုလည်းခံစားရသလို တစ်ဖက်ကလည်းအန္တရာယ်ရရှိနိုင်တာကို ကြိုတင်ကာကွယ်ထားရပါလိမ့်မယ်။
ကျွန်တော်တို့ Window မှာလိုပဲ Android ဟာလည်း လူသုံးများတဲ့ OS တစ်ခုဖြစ်လာတဲ့အတွက် တိုက်ခိုက်သူတွေမျက်စိကျတဲ့ ပလက်ဖောင်းတစ်ခုဖြစ်လာပါတယ်။ ဒါတွေကိုကာကွယ်ဖို့ Antivirus App တစ်ခုမဖြစ်မနေရှိထားရမှာပါ။ အထူးသဖြင့် အန္တရာယ်များတဲ့ Online Activities တွေကို မကြာခဏလုပ်တတ်သူတွေ ကိုယ့်ရဲ့ဘဏ္ဍာရေးအချက်အလက်တွေကို Mobile ပေါ်မှာ သိမ်းဆည်းထားသူတွေအနေနဲ့ ဒီအတိုင်းသော့မခတ်ပဲ၊ အိမ်တံခါးဟောင်းလောင်းဖွင့်ထားတာမျိုး မလုပ်သင့်ဘူးလို့ထင်ပါတယ်။ 

ပုံမှန်အားဖြင့်ဆိုရင် Android စမတ်ဖုန်းတွေမှာ လုံခြုံရေး Software တွေမလိုပါဘူး။ ဒါပေမဲ့ ကျွန်တော်တို့က root လုပ်တာတွေ၊ Android ရဲ့အချို့သော Security Feature တွေကို ပိတ်ပစ်တာတွေလုပ်ထားတဲ့အတွက် တစ်ဘက်မှာ ပြန်ဂရုစိုက်ဖို့လိုလာပါတယ်။ ဥပမာ Android Device တော်တော်များများဟာ unknown source တွေကနေ App သွင်းတာကိုလက်မခံပါဘူး။ ဒါပေမဲ့ကျွန်တော်တို့က Zapya တွေကနေ app တွေ ဒီအတိုင်းလွဲပြီးသွင်းနေကြတာပါပဲ။ unknow source ကနေသွင်းမယ်လို့လည်း Setting ထဲမှာဝင်ပြင်ထားကြတာပါပဲ။ 

Window  မှာလောက် Android ရဲ့ malware တွေက ပြဿနာမတက်နိုင်လောက်ဘူးဆိုဦးတော့ ခြိမ်းခြောက်မှုကရှိနေတုန်းပါ။ လက်ရှိမှာ AV-Test ဆိုတဲ့ Software testlab ဟာ သူတို့ရဲ့ database ထဲမှာ Android malware ပေါင်း ၁.၈သန်းလောက်ကိုသိမ်းဆည်းထားပါတယ်။ ပုံမှန်အားဖြင့် ဒီ malware တွေဟာ ကိုယ့်ရဲ့ဖုန်းထဲက Personal data တွေကိုကိုယ်မသိလိုက်ပဲ ခိုးယူနိုင်ဖို့ဖန်တီးထားတာပါ။
ကိုယ်က ကိုယ်သုံးတဲ့ App တွေ၊ Website တွေကို သတိထားပြီး ကိုင်တွယ်တယ်ဆိုဦးတော့ Antivirus app တွေမှာပါတဲ့ Anti theft feature တွေလိုတော့ စုံလင်အောင်မလုပ်နိုင်ပါဘူး။ နောက်တစ်ခုက ကိုယ့်ဖုန်းအခိုးခံရရင် အဝေးကနေလှမ်းပြီး data ဖျက်ပစ်နိုင်မယ့် feature မျိုးတွေလည်း ဒီ antivirus app တွေထဲမှာပါလာတတ်ပါတယ်။ တစ်ချို့ App တွေဆိုရင် ခိုးသွားတဲ့သူရဲ့ဓာတ်ပုံတွေ၊ ဗီဒီယိုတွေကိုပါ ကိုယ့်ဆီပြန်ပို့ပေးမယ့် Feature ကိုတောင်ထည့်ထားပေးပါတယ်။ ကိုယ့်ဖုန်းပျောက်သွားရင် ကောက်ရတဲ့သူကကိုယ့်ကိုပြန်ဆက်သွယ်နိုင်စေမယ့် Feature ကိုလည်းထည့်ထားပေးတတ်ကြပါတယ်။

မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment