ဖိလစ်ပိုင်နိုင်ငံရဲ့ နံပါတ်တစ်မင်းသမီး ရုပ်ရှင်ထုတ်လုပ်သူ မော်ဒယ်ဖက်ရှင်ဒီဇိုင်နာ အိန်ဂျယ်









ဒီတစ်ပတ် Audience Choice ကဏ္ဍလေးအတွက်ကိုတော့ ဖိလစ်ပိုင်နိုင်ငံထိပ်တန်းမင်းသမီးဖြစ်တဲ့ အိန်ဂျယ်လော့ဘင်နဲ့မိတ်ဆက်ပေးလိုက်ပါတယ်။ နာမည်အရင်းကတော့ အန်ဂျလီကာကွန်မန်နာ(စ်)ပါ။ အိန်ဂျယ်က ဖိလစ်ပိုင်နိုင်ငံရဲ့ နံပါတ်(၁)မင်းသမီးဖြစ်ရုံမက ရုပ်ရှင်ထုတ်လုပ်သူ မော်ဒယ်ဖက်ရှင်ဒီဇိုင်နာ လည်းဖြစ်ပါတယ်။ 

ငယ်ဘ၀
လန်ဒန်က Central Saint Martins College of Arts and Design ကနေဖက်ရှင်ဒီဇိုင်းပညာနဲ့ပတ်သက်ပြီး လေ့လာခဲ့ပြီးနောက် ရှော့ပင်းစင်တာတစ်ခုမှာ သူမကိုအနုပညာအလုပ်လုပ်ဖို့ကမ်းလှမ်းခံခဲ့ရပါတယ်။ ABSCBN’s Star Circle Batch မှာ ပါဝင်ယှဉ်ပြိုင်ခဲ့ပါတယ်။ ဒါပေမဲ့ နောက်ပိုင်းမှာ GMA Artist Center နဲ့ စာချုပ်ချုပ်ပြီးနောက် Click ရုပ်သံဇာတ်လမ်းတွဲ ဒုတိယပိုင်းမှာပါဝင်ခွင့်ရလာခဲ့ပါတယ်။ 

Mulawin ဇာတ်လမ်းတွဲမှာသရုပ်ဆောင်ပြီးနောက်မှာတော့ ကြည့်ရှုသူနှုန်းမြင့်မားလာခဲ့ပြီး အိန်ဂျယ်လော့ ဘင်နဲ့ ပရိသတ်တွေရဲ့အသိအမှတ်ပြုခြင်းခံလာရပါတယ်။ Mulawin ရဲ့ အောင်မြင်မှုနဲ့အတူ ဆက်ပြီး သရုပ်ဆောင်ခဲ့တဲ့ဇာတ်လမ်းတွဲတွေမှာ ကြည့်ရှုသူနှုန်းဟာ အမြင့်ဆုံးနေရာကနေရပ်တည်ခဲ့ပါတယ်။ ရုပ်သံဇာတ်လမ်းတွဲတွေနဲ့ အနုပညာလောကထဲဝင်လာပြီးနောက်မှာတော့ အိန်ဂျယ်လို့ပရိသတ်တွေက သတိမထားမိခင်က ရိုက်ကူးခဲ့တဲ့ Ping Lacson Supercop ၊ Mano Po2 စတဲ့ဇာတ်ကားတွေက တဖန်ပြန်ပြီးနာမည်ရလာပါတယ်။ 

အိန်ဂျယ်ဆိုပြီး ဖိလစ်ပိုင်မှာနာမည်ကြီးရခြင်းအကြောင်းကတော့ သူမရဲ့အလှအပကလည်း တစ်ခုအပါအ၀င်ဖြစ်ပါတယ်။ ဖက်ရှင်ဒီဇိုင်နာတစ်ယောက်လည်းဖြစ်၊ မော်ဒယ်လည်းဖြစ်တဲ့ အိန်ဂျယ်ရဲ့အလှအပရေးရာလေးတွေကို အနည်းငယ်တင်ဆက်ပေးလိုက်ပါတယ်။ 

မိတ်ကပ်ပြင်ဆင်တဲ့အခါ
အိန်ဂျယ်က ပွဲလမ်းသဘင်တွေတက်တဲ့အခါမှာ Avon ရဲ့ Precious Shell eye makeup ကိုသုံးပါတယ်တဲ့။ သူအကြိုက်ဆုံးအရောင်တွေကတော့ အရောင်နုလေးတွေ၊ မီးခိုးရောင်တွေကိုကြိုက်ပါတယ်တဲ့။
မျက်ဝန်းကို သဘာဝကျကျခြယ်ပြီးနောက်မှာတော့ နှုတ်ခမ်းကိုတော့ အနီရောင်ခပ်ရဲရဲလေးဆိုးရတာသဘောကျသူပါ။ တစ်နေကုန်မိတ်ကပ်ကိုတာရှည်ခံဖို့အတွက် Avon ရဲ့ Neutral – toned oil control press powder ကိုသုံးပါတယ်ဆိုပြီး သူ့ရဲ့မိတ်ကပ်ပြင်ဆင်ပုံကိုပြောပြခဲ့ပါတယ်။

သာမန်နေ့ရက်တွေမှာ
ရှူတင်တင်မရှိတဲ့သာမန်အပြင်သွားတဲ့နေ့တွေမှာဆိုရင် အသားအရေကို သဘာဝအတိုင်းတောက်ပနေစေဖို့အတွက် Avon ရဲ့ BB Cream ကို သုံးပါတယ်တဲ့။ 

တစ်ကိုယ်ရည်သန့်ရှင်းမှု
ကိုယ့်ကိုယ်ကိုယ်ယုံကြည်မှုရှိနေစေဖို့ အခြေခံကတော့ ခန္ဓာကိုယ်သန့်ရှင်းရေးကို စနစ်တကျထိန်းသိမ်းတတ်ဖို့ပါဘဲ။ ညအိပ်ရာမ၀င်ခင်မှာ သေချာသန့်ရှင်းရေးလုပ်ပါတယ်ဆိုပြီး အိန်ဂျယ်ကပြောသွားခဲ့ပါတယ်။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment