အော်တိုစက်ပစ္စည်းတွေအကြောင်း ဘယ်လိုလေ့လာမလဲ









တိုးတက်လာတဲ့ခေတ်နဲ့ လိုက်လျောညီထွေဖြစ်အောင် လူတိုင်းက စဉ်ဆက်မပြတ် လေ့လာမှုတွေ ပြုလုပ်နေကြပါတယ်။ ဒီအထဲကမှ ကားနဲ့ပတ်သက်တဲ့နယ်ပယ်မှာလည်း အဆင့်မြင့်လာတဲ့ နည်းပညာတွေ ကို အမီလိုက်နိုင်ဖို့ မကင်းနစ်တွေအပြင် လူတိုင်းကလိုက်ပါကြိုးစားနေရတာပါ။ တကယ်တော့လည်း ကားစက် ပစ္စည်းတွေနဲ့ပတ်သက်ပြီး လေ့လာလိုက်စားတာဟာ အချည်းနှီးဖြစ်သွားမယ့် အလုပ်တစ်ခုတော့ မဟုတ်ပါဘူး။ စက်ပစ္စည်းတွေအကြောင်း လေ့လာတာဟာ နည်းလမ်းပေါင်းစုံနဲ့ လူကိုတိုးတက်လာစေမှာ အသေအချာပဲ ဖြစ်ပါတယ်။ တကယ်လို့ ကိုယ်ကသာမကင်းနစ်တစ်ယောက် ဖြစ်ဖို့ရွေးချယ်ခဲ့ပြီဆိုရင် ကိုယ့်ကို အကောင်းဆုံး ပညာပေးနိုင်မယ့်သင်ယူမှုအားလုံးကို ပြုလုပ်ရတော့မှာပါ။ ကားဝပ်ရှော့တွေမှာ ကိုယ်တိုင်ပညာသွားယူတာ တွေအပြင် တစ်ကိုယ်ရေသင်ယူမှုတွေနဲ့လည်း ကားမကင်းနစ်တစ်ယောက် ဖြစ်လာနိုင်ပါတယ်။ ဒါကြောင့် ကိုယ်တိုင်မကင်းနစ်တစ်ယောက်ဖြစ်လာဖို့ ပြင်ဆင်နေသူတွေအနေနဲ့ ဒီလိုအခြေအနေကို ရောက်လာအောင် ဘယ်လိုပြင်ဆင်သင့်တယ်ဆိုတာ အကြံပြုပါရစေ။

အဆင့် (၁)

ပထမဆုံးလုပ်ရမှာကတော့ ကိုယ့်ရဲ့အသိပညာရေချိန်ကို မြှင့်မယ်ဆိုတဲ့ ဆုံးဖြတ်ချက်ကို ခိုင်မာအောင် တည်ဆောက်ဖို့ပဲ ဖြစ်ပါတယ်။ အော်တိုစက်ပစ္စည်းတွေနဲ့ ပတ်သက်တဲ့မကင်းနစ်တစ်ယောက်ဖြစ်ဖို့ ဆုံးဖြတ် လိုက်ပြီဆိုတာနဲ့ ကားပြင်ဆရာတစ်ယောက်မှာရှိသင့်တဲ့ အရည်အသွေး တစ်စထက်တစ်စ မြင့်တက်လာဖို့ ဖြည့်ဆည်းရတော့မှာပါ။ ဒါကြောင့် ဒီနေရာမှာ ဆုံးဖြတ်ချက်ကအရေးကြီးတယ်လို့ ပြောခဲ့တာဖြစ်ပါတယ်။ ဒီလို ခိုင်မာတဲ့ဆုံးဖြတ်ချက်ကို အခြေခံခြင်းအားဖြင့် နည်းလမ်းတွေ၊ လမ်းညွှန်မှုတွေ ရှာတွေ့လာမှာဖြစ်သလို ထိုက် သင့်တဲ့တိုးတက်မှုတွေရှိလာလိမ့်မယ်ဆိုတာ အံ့အားသင့်စရာကောင်းလောက်အောင် တွေ့လာရမှာပါ။ ကားပြင် မယ့် မကင်းနစ်တစ်ယောက်အနေနဲ့ ကားစက်ပစ္စည်းတွေကို ချိန်ညှိဖို့၊ ပြန်လည်ပြုပြင်ဖို့၊ စစ်ဆေးမှုတွေပြုလုပ်ဖို့ စတာတွေနဲ့ ပတ်သက်လို့ လုံလောက်တဲ့ဗဟုသုတရှိဖို့ ပထမဆုံးလိုအပ်မှာဖြစ်ပါတယ်။

အဆင့် (၂)
နိုင်ငံတကာမှာတော့ အော်တိုမကင်းနစ်တစ်ယောက်ဖြစ်လာဖို့ ပညာတွေမသင်ယူခင် အရင်ဆုံး အထက်တန်းကျောင်းပညာရေး ဆုံးခန်းတိုင်သင်ထားဖို့ လိုအပ်တယ်လို့ဆိုပါတယ်။ အထက်တန်းကျောင်း ဒစ်ပ လိုမာဟာ စက်ပစ္စည်းပိုင်းတွေနဲ့ပတ်သက်တဲ့ အသက်မွေးဝမ်းကြောင်းပညာကို ရွေးချယ်ရာမှာ ခိုင်မာကောင်း မွန်တဲ့ ဖောင်ဒေးရှင်းတစ်ခုအနေနဲ့ ပါဝင်နေတာကြောင့် အထက်တန်းကျောင်းပညာရေးကို ဆုံးခန်းတိုင်အောင် အရင်ပြုလုပ်ထားသင့်တယ်လို့ တချို့က အကြံပြုကြတာပဲဖြစ်ပါတယ်။ အကြောင်းကတော့ အထက်တန်း ကျောင်းမှာ သင်ကြားခွင့်ရခဲ့တဲ့ သင်္ချာပညာရပ်ဆိုင်တဲ့အရာတွေ၊ သိပ္ပံဘာသာရပ်နဲ့ အင်္ဂလိပ်စာဟာ စက်ပစ္စည်း တွေနဲ့ဆိုင်လို့ အလုပ်လုပ်တဲ့နေရာမှာ အများကြီးအထောက်အပံ့ပေးနိုင်မှာမို့ပါပဲ။ ဒါကြောင့် တချို့က မကင်းနစ် ကောင်းတစ်ယောက်ဖြစ်လာဖို့ အထက်တန်းပညာကိုအရင်ပြီးဆုံးအောင် သင်ကြားသင့်တယ်လို့ တိုက်တွန်း ကြတာဆိုရင် မမှားပါဘူး။

အဆင့် (၃)
အော်တိုကားတွေကို ကိုင်တွယ်ဖို့ကြံရွယ်ထားသူတစ်ယောက်အနေနဲ့ နောက်တစ်ခုလုပ်သင့်တာက တော့ ပရိုဂရမ်ရေးဆွဲတတ်အောင် ဆည်းပူးထားဖို့ လိုအပ်တာပဲဖြစ်ပါတယ်။ ဒီလိုပညာရပ်ကို ပုဂ္ဂလိက ကျောင်းတချို့နဲ့ အချို့ကောလိပ်တွေမှာ သင်ကြားနိုင်မှာဖြစ်သလို အချို့ကားရောင်းသူတွေနဲ့ ကားထုတ်လုပ်သူ တွေကလည်း သင်တန်းပေးလေ့ရှိပါတယ်။ ဒီနေရာမှာ တချို့ကျောင်းတွေဆိုရင် သင်တန်းပြီးဆုံးကြောင်း ထောက်ခံချက်တောင် ပေးလေ့ရှိကြတာပါ။

အဆင့် (၄)
နောက်တစ်ချက်ကတော့ ကိုယ်နဲ့လက်တစ်ကမ်းအကွာမှာ ရှိနေတဲ့ မကင်းနစ်နဲ့ပတ်သက်တဲ့ အစီ အစဉ်တွေ၊ အလုပ်ရုံဆွေးနွေးပွဲတွေကို မပျက်မကွက်တက်ရောက်နိုင်ဖို့ လိုအပ်နေမှာအသေအချာပါပဲ။ ဒီလို ပွဲတွေဟာ တတ်သိတဲ့ပညာရှင်တွေက ကြီးမှုးကျင်းပတာဖြစ်တာကြောင့် တန်ဖိုးဖြတ်မရတဲ့အတွေ့အကြုံ ကောင်းတွေ တစ်ထိုင်တည်းရနိုင်သလို လူအများနဲ့တွေ့ဆုံနိုင်ခွင့်ကိုပါ ပူးတွဲရရှိမှာဖြစ်တာကြောင့် မကင်းနစ် ကောင်းတစ်ယောက်ဖြစ်လာအောင် ဆည်းပူးနိုင်မယ့် သတင်းအချက်အလက်ကောင်းတွေကိုပါ ရရှိလာစေ မှာပါ။ ဒါကြောင့် ပညာယူလိုသူတစ်ယောက်အနေနဲ့ မျက်စိကိုဖွင့်၊ နားကိုစွင့်ရင်း အမြဲတမ်း အသင့်ဖြစ်နေဖို့ လည်း လိုအပ်မှာဖြစ်ပါတယ်။

အဆင့် (၅)
နောက်ဆုံးတစ်ချက်နဲ့ လက်တွေ့အကျဆုံး အကြံပြုချင်တာကတော့ ကားမကင်းနစ်တစ်ယောက်အ နားမှာ လက်ထောက်အဖြစ်နဲ့ ပညာဆည်းပူးဖို့ပဲဖြစ်ပါတယ်။ ကားမကင်းနစ်တစ်ယောက်အနေနဲ့ အလုပ် လုပ်ခွင့်ပေးမယ့် ကုမ္ပဏီတစ်ခုကို ရှာဖွေပါ။ ပြီးရင် လက်ထောက်အဖြစ် ပညာသင်ယူခွင့်နိုင်၊ မရနိုင် မေးမြန်း စုံစမ်းရမှာဖြစ်ပါတယ်။ အခွင့်အရေးရလာခဲ့မယ်ဆိုရင်တော့ လက်ထောက်မကင်းနစ် တစ်ယောက်အနေနဲ့ အကောင်းဆုံး ပညာသင်ယူနိုင်သလို အဲဒီနေရာမှာပဲ ကိုယ့်ပုံရိပ်ကို အကောင်းဆုံး တည်ဆောက်နိုင်မှာ အသေအချာပါပဲ။ အဲဒီလို အခွင့်အရေးမျိုးရလာရင် ကိုယ့်အနေနဲ့ထပ်ဆောင်းလုပ်စရာဆိုလို့ အင်တာနက် စာမျက်နှာတွေပေါ်က နောက်ဆုံးနည်းပညာတွေကို တစ်နိုင်တစ်ပိုင်လေ့လာဖို့လောက်ပဲ ရှိတော့မှာ အသေ အချာပါ။

အာကာထက်ဝေ

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape
Share on Google Plus

0 comments:

Post a Comment