ဘက်ထရီပြဿနာအဖြေရှာဖို့အတွက် Battery CM







Android စမတ်ဖုန်းနဲ့ပတ်သက်ရင် ဖုန်းတစ်လုံးမှာပါဝင်တဲ့ဘက်ထရီခံနိုင်ရည်အားဟာအရေးကြီး လှပါတယ်။ အဆင့်မြင့်စမတ်ဖုန်းပဲဖြစ်စေ၊ တန်ဖိုးနည်း budget စမတ်ဖုန်းပဲဖြစ်စေ ပါဝင်တဲ့ ဘက်ထရီ အားပေါ်မူတည်ပြီးကိုယ့်ရဲ့ တစ်နေ့တာအသုံးပြုမှုကိုချိန်ဆကြရပါတယ်။ ဒီနေရာမှာအသုံးပြုတဲ့ စမတ် ဖုန်းအမျိုးအစားအလိုက်ပါဝင်တဲ့ ဘက်ထရီရဲ့စွမ်းဆောင်ရည်နဲ့ ဖုန်းမှာအသုံးပြုထားတဲ့ Android OS, Apps အစရှိတဲ့ Software အသီးသီးတွေကြောင့် အသုံးပြုနိုင်မယ့် အချိန်ဟာကွာခြားသွားတတ်ကြပါ တယ်။ 

မူရင်း Android OS မှာတော့ ဘက်ထရီခံနိုင်ရည်အတွက် သီးခြားထိန်းချုပ်တဲ့စနစ်တွေမပါဝင်ပေမယ့် Samsung, HTC, Sony အစရှိတဲ့ စမတ်ဖုန်းထုတ်လုပ်သူအသီးသီးရဲ့ ကိုယ်ပိုင် UI တွေ၊ Setting တွေနဲ့ပေါင်းစပ်ဖြည့်တင်းလိုက်တဲ့အခါမှာတော့ ဖုန်းရဲ့ဘက်ထရီခံနိုင်ရည်အားကို လိုအပ်သလို ထိန်းချုပ် လာနိုင်ခဲ့ကြပြီဖြစ်ပါတယ်။ ဒါပေမဲ့ တစ်ခါတလေဒီလိုကိုယ်ပိုင် UI တွေကြောင့်ပဲ ဘက်ထရီ ခံနိုင်ရည် အားကို ပိုမိုကုန်ခမ်းစေတာမျိုးလည်း ဖြစ်စေတတ်ပါတယ်။ 

Amdroid OS ကိုယ်တိုင်က နောက်ပိုင်းမှာဖုန်းရဲ့စွမ်းဆောင်ရည်အတွက်multi-tasking ပိုင်းကိုအသားပေး လာပြီး ဖုန်းရဲ့နောက်ကွယ်မှာအလုပ်လုပ်စေတဲ့ Apps နဲ့ Service တွေရဲ့အရေအတွက်ဟာ ပိုမိုများပြား လာခဲ့ပါတယ်။ နောက်ထပ်အသုံးပြုသူတွေကိုယ်တိုင်ထည့်သွင်းတဲ့ Apps တွေနဲ့ ပေါင်းလိုက်တဲ့အခါ ဖုန်းရဲ့ဘက်ထရီအားဟာ လိုအပ်တာထက်ပိုမိုအကုန်မြန်သွားတတ်ပါတယ်။ ဒီအခြေအနေကို ထိန်းချုပ်ဖို့ သီးသန့် Apps လေးတစ်ခုဖြစ်တဲ့ CM Battery ကို ဖော်ပြပေးချင်ပါတယ်။

CM Battery Apps ဟာ Android ဖုန်းတွေမှာမရှိမဖြစ် Apps တစ်ခုအဖြစ် ရေပန်းစားအသုံးပြုနေကြတဲ့ Clean Master Apps လေးလိုပဲ Battery အတွက် ထိထိရောက်ရောက်အသုံးပြုနိုင်စေမယ့် Clean Master Battery Apps လေးပဲဖြစ်ပါတယ်။ အသုံးပြုဖို့ရိုးရှင်းလွယ်ကူသလို ဘက်ထရီခံနိုင်ရည်အား ပိုမိုတာရှည်စေ ဖို့အတွက် ထိရောက်စွာအသုံးချနိုင်ပါလိမ့်မယ်။ Apps ကိုဖွင့်လိုက်တာနဲ့ မလိုအပ်ဘဲနောက်ကွယ်မှာ Battery အသုံးပြုနေတဲ့ Apps တွေကိုအလိုအလျောက်ရှာဖွေဖော်ပြပေးမှာဖြစ်ပါတယ်။ 

အဲဒီလိုရှာဖွေပြီးတဲ့အခါ နောက်ကွယ်က Apps ဘယ်နှခုကဘယ်ထရီအပိုကုန်ခမ်းစေတယ်ဆိုတာ သိရှိစေနိုင်ပါလိမ့်မယ်။ CM Battery က ဘက်ထရီစွမ်းအားချွေတာဖို့ အတွက် အလိုအလျောက် ရှာဖွေပေး တဲ့ Apps တွေကို လက်တလော ကိုယ်အသုံးမပြုသေးဘူးဆိုရင်လည်း ဖော်ပြပေးထားတဲ့အတိုင်းပဲ ပိတ်ထားပေးနိုင်ပါတယ်။ ဒီလိုပိတ်ပေးလိုက်ရင် ဖုန်းရဲ့နောက်ကွယ်က Apps တွေအလုပ်လုပ်နေမှုဟာ သိသိသာသာကျဆင်းသွားပြီး ဘက်ထရီအားသိသိသာသာတိုးတက်လာပါလိမ့်မယ်။ ဒါပေမယ့် တချို့ Apps တွေဟာ ပိတ်လိုက်ပေမယ့် တကယ်မပိတ်ဘဲ restart ဖြစ်ကာ ပြန်လည်ပွင့်နေတတ်ပါတယ်။

ဒါဆိုရင်တော့ Advanced Saving Setting ကိုသုံးပြီး အသုံးမလိုသေးတဲ့နောက်ကွယ်က Apps တွေကို ပိတ်ပစ်နိုင်ပါတယ်။ Advanced Saving ကိုသုံးဖို့အတွက်တော့ အရင်ဆုံး Accessibility> Service ထဲက CM Battery ကို On ထားပေးရမှာဖြစ်ပါတယ်။ ဒီအတွက် ပေါ်လာတဲ့ Enable ကိုနှိပ်လိုက်ပါ။ ဒါဆိုရင် Apps တစ်ခုခုအသုံးပြုပြီးတဲ့အခါတိုင်း ပြန်ထွက်တဲ့အခါ ဒီ Apps ကို နောက်ကွယ်မှာပွင့်မနေအောင် ပိတ်ပစ်မလားဆိုတာမေးမှာဖြစ်ပါတယ်။

CM Battery ဟာ ဘက်ထရီအသုံးပြုမှုကိုလျှော့ချတာအပြင် ဖုန်းထဲမှာရှိတဲ့ မလိုအပ်တဲ့ဖိုင်တွေ၊ Apps တွေကအရံအဖြစ် သိမ်းဆည်းထားတဲ့ဖိုင်တွေ၊ တစ်ဝက်တစ်ပျက် crash ဖြစ်နေတဲ့ဖိုင်တွေကိုလည်း ရှင်းထုတ်ပေးနိုင်မှာဖြစ်ပါတယ်။ CM Battery ရဲ့ညာဘက်အပေါ်ထောင့်နားမှာရှိတဲ့ menu ကိုနှိပ်လိုက်ပြီး Clean up Junk ကိုနှိပ်လိုက်ပါ။ ဖုန်းထဲမှာရှိတဲ့ မလိုအပ်တဲ့ဖိုင်တွေကို Touch တစ်ချက်နှိပ်ပြီး အလွယ်တကူရှင်းထုတ်ပစ်နိုင်တဲ့အတွက် အလွန်အသုံးဝင်လှပါတယ်။

မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment