ကြက်သားချဉ်စော်ကားသီးချက်၊ ပဲကတ္တီပါပြုတ်ကြော်၊ အာလူးဟင်းခါး။








ဒီတစ်ပါတ်တော့ ချဉ်စော်ကားသီးလေးတွေ့တာနဲ့ဝယ်ထားဖြစ်တာကို ကြက်သားလေးနဲ့ နှပ်ချက်လေး ချက်မယ်။ အရံဟင်းနှစ်မျိုးကိုတော့ မယ်တော်မားသားအကြိုက် ပဲကတ္တီပါပြုတ်လေး ကိုပြန်ကြော်မယ်။ အရည် သောက်ကိုတော့ အိမ်မှာရှိတဲ့အာလူးလေးပဲ ဟင်းခါးချက်လိုက်တော့ မယ်စိတ်ကူးတယ်။ မယ်တော်မားသားဈေး သွားနေတုန်း ထုံးစံအတိုင်းအိမ်မှာရှိတဲ့ အာလူးဟင်းခါး အရင်ချက်ကြတာပေါ့နော်။ 

အာလူးဟင်းခါး
အာလူးလေးအခွံခွာ အတုံးသေးသေးလေးတွေလှီးထား၊ ငရုတ်ကောင်းနဲ့ကြက်သွန်ဖြူကို ထောင်းထား တာလေးတွေကို တစ်ခါတည်းထည့် အပေါ့အငံအတွက် ပုဇွန်ငံပြာရည်လေးနဲ့ ကြက်သားမှုန့်လေးပါထည့်ပြီး ရင်ရပါပြီ။ အာလူးလေးနူးတာနဲ့ အရသာစိတ်ကြိုက်ရပြီဆိုရင် အာလူးဟင်းခါးပူပူမွှေးမွှေးတစ်ခွက် အဆင် ပြေပြီပေါ့နော်။ 

ကြက်သားချဉ်စော်ကားသီးချက်
မယ်တော်မားသား ဈေးကပြန်လာတာနဲ့ ပါလာတဲ့ကြက်သားလေးတွေကို ရေသေချာဆေး၊ အနေတော် လေးတွေတုံးပြီး ပဲငံပြာရည်အကြည် ခရုဆီ သကြားလေးနည်းနည်းထည့်နယ်ပြီး ခနနှပ်ထားလိုက်မယ်။ ချဉ်စပ် လေးချက်မှာဆိုတော့ ငရုတ်သီးစိမ်းလေးတွေကိုလည်း အညှာခြွေဓါးပြားလေးရိုက်ထား၊ အနံ့လေးပိုမွှေးအောင် ထည့်မယ့်နံနံပင်လေးတွေကိုလည်း ရေသေချာဆေး အနေတော်လေးတွေလှီးထား၊ ချဉ်စော်ကားသီးကိုလည်း အခွံလေးခွာထားပေါ့နော်။ ချဉ်စော်ကားသီးကတော့ အများကြီးထည့်စရာမလိုပါဘူး။ သူကအချဉ်စူးတယ်လေ။ အရင်ဆုံး ကြက်သွန်ဖြူဓါးပြားရိုက်စဉ်းထားတာကို ဆီသတ်၊ စိမ်းနံ့ပျောက်လို့ မွှေးလာပြီဆိုရင် နှပ်ထားတဲ့ကြက် သားလေးထည့်ပြီး နာနာလေးလုံးပေး ပြီးရင်ရေထည့်ပြီးနူးအောင်တည်။ ကြက်သားနူးခါနီးပြီဆိုမှ ချဉ်စော်ကား သီးလေးထည့် ချဉ်စော်ကားသီးက အချဉ်လေးထွက်လာပြီဆိုမှ ဓါးပြားရိုက်ထားတဲငရုတ်သီးစိမ်းလေးထည့် အရသာမြည်းကြည့်လို့ ချိုချဉ်စပ်လေးဖြစ်ပြီ စိတ်ကြိုက်လည်းရပြီဆိုမှ မွှေးသွားအောင်အသင့်ပြင်ထားတဲ့ နံနံပင် လေးအုပ်လိုက်ပေါ့နော်။ သြော်… မေ့နေတာလေးတစ်ခုရှိလို့ ကြက်သားကိုတော့ ဗမာကြက်သားလေးနဲ့ ပဲချက်တာပိုကောင်းတယ်။ 

ပဲကတ္တီပါပြုတ်ကြော်
မယ်တော်မားသားအကြိုက် ပဲကတ္တီပါပြုတ်လေးတွေကြော်ဖို့ကတော့ လွယ်ပါတယ်။ ကြက်သွန်နီ မထူမပါးလှီးထားတာကို အရင်ကြော်ပြီးရင်ခနဆယ်ထား၊ ကြက်သွန်နီကြော်ထားတဲ့ ဆီထဲကိုပဲကတ္တီပါပြုတ် လေးပြန်ထည့်ကြော်တော့ ပိုမွှေးသွားတာပေါ့။ ပဲကတ္တီပါပြုတ်လေးက ကျက်ပြီးသားဆိုပေမယ့် မွှေးမွှေးလေး ဖြစ်တဲ့အထိတော့ စိတ်ရှည်ရှည်နဲ့ မီးလျော့လျော့လေးတော့ ကြော်ကျတာပေါ့။ အပေ့ါအငံအတွက်ကတော့ ဆားလေးသင့်ရုံထည့်ပြီးရင်ရပါပြီ။ ပြီးမှခုနကကြော်ပြီးဖယ်ထားတဲ့ ကြက်သွန်နီကြော်လေးအပေါ်ကနေ ဖြူးပေး လိုက်ရုံပါပဲ။ ဒီတစ်ပတ်တော့ ကြက်သားချဉ်စော်ကားသီးချက် ချဉ်စပ်မွှေးမွှေးလေးရယ် ပဲကတ္တီပါပြုတ် ကြော်ဆိမ့်သက်လေးရယ်၊ အာလူးဟင်းခါးပူပူလေးရယ်နဲ့ စားလို့ကောင်းမှာတော့ အသေချာပဲပေါ့ဆွေမျိုးတို့ရာ နောက်တစ်ပတ်မှ နောက်တစ်မျိုး ချက်ဖို့ပြန်ဆုံကြတာပေါ့နော်။ အားလုံးအဆင်ပြေပျော်ရွှင်ကြပါစေ။
Royal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment