ဆွဲဆောင်မှုရှိခြင်းမရှိခြင်းက အသက်အရွယ်နဲ့မသက်ဆိုင်ပါဘူး…ဘီပါရှာဘာဘူ








ဒီတစ်ပတ်ရဲ့ Audience’s Choice ကဏ္ဍလေးအတွက်တော့ ဘောလီးဝုဒ်မင်းသမီး ဘီပါရှာဘာဘူ အကြောင်းရွေးချယ်ထားပါတယ်။ သူကတော့ အိန္ဒိယသည်းထိပ်ရင်ဖိုနဲ့ လူသတ်ကားတွေမှာကျော်ကြား တဲ့မင်းသမီးတစ်လက်ပါ။ ဘောလိဝုဒ်ရဲ့လိင်ဆွဲဆောင်နိုင်တဲ့ မင်းသမီးတစ်ယောက်အနေနဲ့လည်း သတ်မှတ်ခြင်းခံရသူပါ။ သူ့ရဲ့သရုပ်ဆောင်စွမ်းရည်ဟာဆိုရင် အိန္ဒိယနိုင်ငံရဲ့ အနုပညာကြေး အမြင့်မားဆုံးမင်းသမီးတွေထဲကတစ်ယောက်အဖြစ် မီဒီယာတွေကသတ်မှတ်ထားကြပါတယ်။ 

ပထမဆုံး ဖက်ရှင်မော်ဒယ်လောကမှာအောင်မြင်လာပြီးနောက်မှာ သူကသည်းထိပ်ရင်ဖိုဇာတ်ကား Ajnabee ဇာတ်ကားမှာ ဇာတ်ပို့မင်းသမီးအနေနဲ့ပါဝင်သရုပ်ဆောင်ခဲ့ပါတယ်။ ဒီဇာတ်ကားနဲ့ပဲ Filmfare Award မှာ Best Female Debut  ဆုရရှိခဲ့ပါတယ်။ ပရလောကအကြောင်းရိုက်ကူးထားတဲ့ Raaz ဇာတ်ကားမှာတော့ ခေါင်းဆောင်မင်းသမီးအနေနဲ့ပါဝင်ခဲ့ပြီး Best Actress ဆုလျာထားခြင်းခံခဲ့ရပါတယ်။ No entry, Phir Hera, Dhoom 2 စတာတွေကလည်း ဘာဆူရဲ့ထိပ်တန်းဇာတ်ကားတွေပါပဲ။ Apaharam, Corporate စတဲ့ဇာတ်ကားတွေကတော့ မီဒီယာတွေကတောင်ချီးကျူးထားတဲ့ဇာတ်ကားတွေပါ။

ခင်ဗျားကို ဘောလိဝုဒ်ရဲ့ကြောက်စရာမင်းသမီးလို့ခေါ်ကြတဲ့အပေါ်ခံစားချက်
ကျွန်မပျော်ပါတယ်။ ဘယ်သူမှ ဒီလိုနာမည်မျိုးမရဖူးကြဘူးလေ။

လိင်ဆွဲဆောင်မှုသင်္ကေတဆိုတဲ့ စကားလုံးအပေါ်ရော
အသက်အရွယ်နဲ့ဆွဲဆောင်မှုရှိခြင်းမရှိခြင်းကမဆိုင်ပါဘူး။ အသက်ကြီးပေမယ့် အခုအချိန်အထိ ဆွဲဆောင်မှုရှိတဲ့လူတွေကိုကျွန်မသိတယ်။ အဲဒီတော့ အသက်အရွယ်ကကျွန်မအတွက်ပြဿနာမရှိဘူး။ 

ခင်ဗျားအချစ်ရေးနဲ့ပတ်သက်ပြီးပြောပြပေးပါဦး။
ကျွန်မကကိုယ့်ကိုယ်ကိုယ်ချစ်တယ်။ ကိုယ့်လိုအပ်ချက်တွေကိုအမြဲရှာဖွေနေတယ်။ ဒါနဲ့ပဲ ကျွန်မရှင်သန်နေတာပါ။ လူတွေကကျွန်မကို အလုပ်မလုပ်တာရယ် လုပ်တာရယ်၊ ခရီးထွက်တာရယ်၊ မီဒီယာမျက်နှာပေါ်ကနေပေါ်လိုက်ပျောက်လိုက်ဖြစ်နေတာနဲ့ပတ်သက်ပြီး မေးကြတယ်။ ကျွန်မက ကိုယ့်ကိုယ်ပိုင်ဘ၀ကိုပျော်ရွှင်နေရုံပါပဲ။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment