အရေးတကြီးခေါ်ဆိုရမယ့်အစီအစဉ်တွေချမှတ်ထားနိုင်တဲ့ Call Planner







 ကျွန်တော်တို့ဟာတစ်ခါတရံ အရေးတကြီးဖုန်းခေါ်ဆိုမှုတွေပြုလုပ်ရမယ့်အခါမျိုးမှာ မေ့နေတတ်တာ မျိုးမကြာခဏကြုံဖူးကြပါလိမ့်မယ်။ အလုပ်ရှုပ်နေလို့ပဲဖြစ်ဖြစ်၊ ဂိမ်းဆော့နေရင်း အချိန်ကုန်မှန်းမသိ ကုန်သွားလို့ပဲဖြစ်ဖြစ်၊ စိတ်ရှုပ်နေတဲ့အခါမျိုးမှာပဲဖြစ်ဖြစ်၊ မဖြစ်မနေပြောဆိုရမယ့် ဖုန်းခေါ်ဆိုမှုတွေ ကိုသတိမေ့သွားတတ်ကြပါတယ်။ ဒီလိုအပ်ချက်ကိုပြင်ဆင်ဖို့အတွက် သင့်ရဲ့စမတ်ဖုန်းဟာ Android 4.0 နဲ့အထက်ရှိနေမယ်ဆိုရင် ယခုဖော်ပြပေးမယ့် Call Planner ဆိုတဲ့ Apps လေးကိုအသုံးပြုပြီး အရေးတကြီးခေါ်ဆိုရမယ့်အစီအစဉ်တွေကို ချမှတ်ထားနိုင်မှာဖြစ်ပါတယ်။ 

ဥပမာ အရင်းနှီးဆုံးသူငယ်ချင်းတစ်ယောက်ရဲ့မွေးနေ့မှာ အမှတ်တရစကားပြောဆိုဖို့ ဖုန်းဆက်ဖို့မေ့ သွားတာမျိုးမဖြစ်အောင် ကြိုတင်စီစဉ်ထားနိုင်သလို အရေးကြီးပုဂ္ဂိုလ်တွေအတွက် သတိပေးစကား အချိန်မီပြောကြားနိုင်တာမျိုးပြုလုပ်ထားနိုင်ပါလိမ့်မယ်။ 

ပထမဆုံး Google Play Srore မှာ Call Planner ဆိုပြီး ရိုက်ထည့်ပြီးထည့်သွင်းလိုက်ပါ။ Apps ကိုဖွင့်လိုက်ရင်အရင်ဆုံးမြင်တွေ့ရမှာက ဗလာဖြစ်နေတဲ့ Home Screen ပါပဲ။ ဘာကြောင့်လဲဆိုတော့ သူ့ထဲမှာ ကိုယ်အသုံးပြုဖို့ဘာအစီအစဉ်မှ ထည့်သွင်းထားခြင်းမရှိသေးတဲ့အတွက်ဖြစ်ပါတယ်။ အပေါ်ဆုံးက Call Planner ဆိုတဲ့ Title Bar နေရာမှာ (+)ပုံစံနဲ့သတိပေးချက် ထည့်သွင်းနိုင်မယ့်နေ ရာနှစ်ခုရှိပါတယ်။ ပထမတစ်ခုက To do list ဖြစ်ပြီး ကျန်တဲ့တစ်ခုကတော့ Call Plinner ဖြစ်ပါတယ်။ 

Call Planner ထည့်သွင်းဖို့အတွက် ဒုတိယ(+)လေးကိုနှိပ်ပါ။ ခုဆိုရင် Contact Nameနဲ့ Phone Number ကိုရွေးချယ်ပေးရမှာဖြစ်ပါတယ်။ ရှိပြီးသားဆိုရင်အဆင်သင့်ရွေးချယ်လိုက်ရုံပါပဲ။ ပြီးရင်ကိုယ် သတိပေးစေ ချင်တဲ့အချိန်အတိအကျကိုရွေးချယ်ပေးရပါမယ်။ ရွေးချယ်လိုက်တဲ့အချိန်ကာလအလိုက် ဘယ်လို သတိပေးစေချင်တာလဲဆိုတာထပ်မံသတ်မှတ်ပေးနိုင်ပါတယ်။ နေ့စဉ်လား၊ အပတ်စဉ်လား စသဖြင့် ရွေးချယ်ကာသတ်မှတ်ပေးရမှာဖြစ်ပါတယ်။ အားလုံးရွေးချယ်ပြီးခဲ့ရင် အပေါ်ဆုံးက Done ကိုနှိပ်ပါမယ်။ 

Title bar ရဲ့ ညာဘက်ထောင့်စွန်းနားမှာ Menu button လေးရှိပါတယ်။ အဲဒီကနေတစ်ဆင့် Setting ထဲဝင်ကာ အသေးစိတ်အချက်အလက်တွေကို ထပ်မံပြင်ဆင်နိုင်ပါသေးတယ်။ ဒီနေရာမှာ Notification အဖြစ်ဖော်ပြမယ့်အသံကို ပြင်ဆင်နိုင်သလို ဘယ်လိုပုံစံနဲ့ဖော်ပြမယ်ဆိုတာလည်း ပြောင်းလဲနိုင်မှာဖြစ် ပါတယ်။ 

APP ရဲ့ ဘယ်ဘက်အနားသတ်နေရာကိုဖိဆွဲလိုက်ရင် Call Planner တစ်ခုလုံးရဲ့ အသေးစိတ်အလုပ်လုပ်ပုံကို တစ်နေရာတည်းကနေ ကြည့်ရှုစီမံခန့်ခွဲနိုင်တဲ့ Menu ထပ်ပေါ်လာတာကိုတွေ့ရမှာဖြစ်ပါတယ်။ အဲဒီကနေ ဘာတွေပြီးသွားပြီ၊ ဘာတွေကျန်သေးတယ် အစရှိသဖြင့်ကြည့်ရှုနိုင်သလို လက်ရှိမှာဘယ်လို Call Plan တွေထည့်သွင်းထားသလဲဆိုတာလည်း ကြည့်ရှုနိုင်မှာဖြစ်ပါတယ်။  

မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape 
Share on Google Plus

0 comments:

Post a Comment