အရေးပါလှတဲ့ Smart Phone ရဲ့ Connector နဲ့ Charger









အရင်ကဆိုရင် ကျွန်တော်တို့က ဖုန်းတွေကိုကွန်ပျူတာတွေနဲ့ချိတ်ဆက်ဖို့အတွက်နဲ့ အားသွင်းဖို့အတွက် ဆိုပြီးကြိုးနှစ်မျိုးခွဲပြီးထားရပေမယ့် အခုအခါမှာတော့ USB Cable တွေကနေပဲ အားသွင်းဖို့အတွက်ရော၊ Data အတွက်ပါ အသုံးပြုနေတာကစံသတ်မှတ်ချက်လိုဖြစ်လာပါတယ်။ တစ်ခုရှိတာက USB ကြိုးတိုင်းဟာ တူညီတဲ့စံသတ်မှတ်ချက်နဲ့တော့မဟုတ်ဘူး။ USB မှာကစံသတ်မှတ်ချက်အမျိုးမျိုးရှိပါတယ်။ USB 1.0၊ USB 2.0၊ USB 3.0၊ ဆိုပြီးတော့ စံတွေခွဲခြားသတ်မှတ်ထားပါတယ်။ နောက်တစ်ခါ USB စံအပြင်ကို USB ခေါင်းတွေမှာသုံးတဲ့ Type တွေထပ်ပြီးရှိသေးတယ်။ Type A ၊ B ၊ C ဆိုပြီးသုံးမျိုးကွဲပါတယ်။ နောက်တစ်ခါ Full size ၊ Mini ၊ Micro ဆိုပြီးတော့လည်း တစ်ခါခေါင်းရဲ့အရွယ်ကိုမူတည်ပြီးတော့ USB တွေမှယ ထပ်ပြားကွဲပြားသွားပါတယ်။ 

တစ်ခုရှိတာက USB တွေကို အခုလိုသုံးနိုင်လာတာရဲ့နောက်ကွယ်ကအားသာချက်ကအဆင့်ဆင့်မြင့်တဲ့ USB စံဟာ သူ့အောက်ကအဆင့်နိမ့်တဲ့ USB စံတွေနဲ့ကိုက်ညီမှုရှိနေတာပါ။ USB 2.0 ဆိုရင် USB 1.0 နဲ့ ကြိုးတွေကိုလာသုံးလို့ရတယ်။ Data သွားတဲ့ Speed အနှေးအမြန်ပဲကွာသွားလိမ့်မယ်။ သုံးတာက သုံးလို့ရတယ်။ UDB တွေဟာကမ္ဘာနဲ့တစ်ဝန်းမှာစံရယ်လို့ဖြစ်လာပြီးတဲ့နောက်မှာ အသုံးပြုတဲ့ သူတွေအနေနဲ့လည်း ပိုပိုပြီးအသုံးများလာပါတယ်။ သူ့ရဲ့အသုံးကလည်းပိုပိုပြီးတွင်ကျယ်လာတယ်။ အခု USB Type C မှာဆိုရင် ကျွန်တော်တို့ Dara နဲ့ Power တင်မက ပဲ၊ Display ကိုပါသယ်ပေးနိုင်ပါပြီ။ 

နောက်ထူးခြားတာတစ်ခုက USB port တွေမှာ Sleep-and-Charge ဆိုတဲ့ Technology ရှိပါတယ်။ ဒီနည်းပညာသုံးထားတဲ့ Port တွေမှာဆိုရင် ကွန်ပျူတာကြီးကို Shutdown လုပ်ထားပေမယ့် USB ကတော့ Power ပေးပြီးအားသွင်းလို့ရနေတုန်းပါပဲ။အရေးကြီးတဲ့အချက်တစ်ခုဖြစ်တဲ့ တကယ်လို့များကိုယ့်ဖုန်း မှာပါတဲ့ Charger ထက်ပိုပြီးအားကောင်းတဲ့၊ ပိုပြီးလျှပ်စစ်ဓာတ်အားထုတ်ပေးနိုင်တဲ့ Charger မျိုးနဲ့အား သွင်းမိရင် ဖုန်းတွေထပြီးမီးလောင်နိုင်သလား၊ ပေါက်ကွဲလာနိုင်သလားဆိုတဲ့မေးခွန်းပါ။ တစ်ခါ တလေတော့လည်းဖြစ်တတ်ပါတယ်။ iPad ရှိတယ်။ iPhone ရှိတယ်ပေါ့ဗျာ။ ဆိုတော့ တစ်ခါတလေတော့လည်း iPad က အားသွင်းတဲ့ Charger ခေါင်းမှာပဲ iPhone ကိုသွားပြီးအားသွင်း လိုက်တာမျိုးလုပ်မိတတ်တယ်။ iPad Charger က 2100mA တောင်ရှိပြီးတော့ iPhone Charger က 900mA ပဲရှိတယ်။ ၂ဆကျော်ကွာတယ်။ အဲဒီလို iPad Charger မှာ iPhone ကိုသွားအားသွင်းရင် iPhone ပျက်သွားမလားပေါ့။

သီအိုရီအရအတိုချုံးဖြေရရင် မပျက်ပါဘူး။ USB Device မှန်ရင် ဘယ် USB Cable ကိုမဆိုသုံးပြီးဘယ် USB Port မှာမဆိုအားသွင်းနိုင်ပါတယ်။ ၂၀၀၇ ခုနှစ်တုန်း က ပြဌာန်းလိုက်တဲ့ စံသတ်မှတ်ချက်ထဲမှာ သာမန်ထက်အားပိုကောင်းတဲ့လိုင်းကနေလာတဲ့ လျှပ်စစ်ဓါတ်ကိုသုံးပြီး ဘက်ထရီတွေကို မြန်မြန် အားပြည့်အောင်လုပ်ပေးတဲ့နည်းပညာကိုထည့်ပေးပြီးသားပါ။ ဒါကြောင့် iPhone ကို iPad adaptor နဲ့အားသွင်းရင် ဖုန်းမပျက်စီးတဲ့အပြင်အားမြန်မြန်တောင်မှပြည့်ပါသေးတယ်။ 

ဒါပေမဲ့ ဒီစနစ်မှာကအားနည်းချက်ရှိပါတယ်။ အဲဒါကဘက်ထရီတွေရဲ့သက်တမ်းပါ။ ဘယ်ဘတ်ထရီမဆို စက်ရုံကထုတ်လိုက်ပြီဆိုတာနဲ့ စပြီးတော့ပျက်ဆီးလာတယ်။ တကယ်လို့ကိုယ့်ဖုန်းက သုံးတာနှစ်ကြာ လာနေပြီ။ ပြောချင်တာက ၂နှစ်ကျော်လာပြီဆိုရင် အဲဒီလိုမျိုး mA မြင့်မြင့်နဲ့ အမြန်တွန်းပြီး အားသွင်းတဲ့ စနစ်က ဘက်ထရီကိုဝန်ပိစေပြီးတော့ ဘက်ထရီပူလာပြီးပေါက်ကွဲနိုင်ပါတယ်။ အဲဒီတော့ ဒီအတွက် အဖြေကိုပြောပါဆိုရင် ဘက်ထရီအသစ်၊ ဖုန်းအသစ်တွေမှာဆိုရင် ဒီလိုမျိုး mA မြင့်မြင့်နဲ့အားသွင်းတာက အားမြန်မြန်ပြည့်စေတဲ့အကျိုးရလဒ်ကိုရစေပေမယ့်၊ ဖုန်းအဟောင်းတွေ၊ သက်တမ်းရင့်နေတဲ့ ဘက်ထရီတွေမှာဆိုရင်တော့ အန္တရာယ်ရှိတယ်လို့ပြောရပါမယ်။ 

ဒီလောက်ဆိုရင် ကျွန်တော်တို့ဖုန်းတစ်လုံးဝယ်တဲ့အခါ တပါတည်းပါလာတဲ့ USB Cable နဲ့ Charger အကြောင်းအနည်းငယ်ပိုပြီးသတိထားမိလာနိုင်မှာဖြစ်ပါတယ်။
မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
 

Share on Google Plus

0 comments:

Post a Comment