မင်းသမီးလည်းဖြစ် အဆိုတော်၊ တေးရေးဆရာလည်းဖြစ်တဲ့ ဖေးဝန်










Audience’s Choice ကဏ္ဍလေးအတွက် ရွေးချယ်ထားသူက မင်းသမီးလည်းဖြစ် အဆိုတော်၊ တေးရေး ဆရာလည်းဖြစ်တဲ့ ဖေးဝန်ပါ။ အနုပညာသက်တမ်းအစောပိုင်းမှာတော့ အနုပညာနာမည်ကို ရှယ်လီဝန် ဆိုပြီးခေါ်ခဲ့ပါသေးတယ်။ ဘေကျင်းမှာမွေးဖွားခဲ့ပြီး British Hong Kong ကိုပြောင်းရွေ့ခဲ့ပါတယ်။ ၁၉၉၀ ၀န်းကျင်ကာလမှာ ကန်တိုဘာသာစကားနဲ့ Ballads တွေဝင်ရောက်ယှဉ်ပြိုင်ပြီးနောက်မှာတော့ ပရိသတ်တွေစတင်သတိထားမိလာပါတယ်။ 

၁၉၉၄ ကနေစပြီးတရုတ်ဘာသာနဲ့သီချင်းတွေသီဆိုလာရာမှာ ၂၀၀၀ ပြည့်နှစ်မှာတော့ Guiness World Records ကနေ Best Selling Canto-Pop Female အဖြစ်သတ်မှတ်ခံခဲ့ရပါတယ်။ ၂၀၀၅ ခုနှစ် ဒုတိယ အကြိမ် အိမ်ထောင်ပြုပြီးနောက်မှာတော့ အနုပညာလောကကနေခေတ္တအနားယူခဲ့ပါတယ်။ ဒါပေမဲ့ ၂၀၁၀ နှစ်လယ်မှာတော့ အနုပညာလောကထဲကိုတစ်ကြိမ်ပြန်ဝင်ရောက်လာပါတယ်။ 

တရုတ်ပြည်မကြီး၊ ထိုင်ဝမ်၊ ဟောင်ကောင်၊ စင်္ကာပူတို့မှာ အကြီးအကျယ်နာမည်ကျော်ကြားတဲ့ဖေးဝန်ဟာ ဂျပန်နိုင်ငံမှာလည်းတဖြည်းဖြည်းနာမည်ရလာပါတယ်။ အနောက်နိုင်ငံမှာတော့ Chung king Express နဲ့ 2046 ဇာတ်ကားတွေကြောင့်လူသိများပါတယ်။ Cocteau Twins တို့လို နိုင်ငံတကာအနုပညာရှင်တွေ နဲ့အနုပညာလုပ်ငန်းတွေကိုပူးပေါင်းဖန်တီးခဲ့ပြီး Eyes On Me သီချင်းကိုအင်္ဂလိပ်လိုသီဆိုခဲ့ပါတယ်။ ဖေးဝန်ရဲ့အဓိကနာမည်ကြီးတာကတော့ သူရဲ့အေးစက်စက်အသွင်အပြင်ပါ။ ဒါတင်မကပါဘူး။ တရုတ်ပြည်ရဲ့လိင်ဆွဲဆောင်မှုသင်္ကေတ၊ မိခင်၊ အောင်မြင်ကျော်ကြားသူတစ်ယောက်အနေနဲ့လည်း သတ်မှတ်ထားပါသေးတယ်။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment