ငါးလိပ်ကျောက်ထောင်းကြော်၊ ကုလားပဲနှပ်၊ ကင်မွန်းချဉ်ရွက်ဟင်းချို

အသားစိမ်းငါးစိမ်းတွေစားရတာများနေလို့ ဒီတစ်ပတ်တော့ လက်ဆောင်ရထားတဲ့ ငါးလိပ် ကျောက် ခြောက်ကိုပဲ ငရုတ်သီးစပ်စပ်လေးနဲ့ ထောင်းကြော်လေးလုပ်မယ်။ အရံဟင်းကိုတော့ ကုလားပဲလေးအချို နှပ်မယ်။ အရည်သောက်ကိုတော့ မယ်တော်မားသားစားချင်နေတဲ့ ကင်ပွန်းချဉ်ရွက်လေးဟင်းချိုချက်မယ်။ ဒီတစ်ခါကတော့ အိမ်မှာရှိတာတွေများနေတော့ မယ်တော်မားသားဈေးမှာ ကင်မွန်းချဉ် ရွက်သွား ၀ယ်နေ တုန်း လုပ်စရာရှိတာကို ကြိုလုပ်ထားလိုက်မယ်။

ငါးလိပ်ကျောက်ထောင်းကြော်

အရင်ဆုံးငါးလိပ်ကျောက်ကို ပြုတ်မယ်။ သူကအညှီနည်းနည်းများတဲ့အတွက် ပြုတ်တဲ့အခါမှာ ကြက်သွန်ဖြူနဲ့ ဂျင်းကိုဓါးပြားရိုက်ထည့်လိုက်မယ်။ ဒါဆိုရင်အညှီ တော်တော်သက်သာသွားတာပေါ့။ ငါးလိပ်ကျောကနူးပြီဆိုရင် ခဏအအေးခံထားလိုက်မယ်။ ပြီးရင် ကြက်သွန်ဖြူကို မညက် တညက်ထောင်း ထား ဂျင်းနဲ့ငရုတ်သီးခွဲခြမ်းကိုလည်း သပ်သပ်ထောင်းထား။ ငါးလိပ်ကျောက်ပြုတ်ထားတာကိုလည်း မွလာတဲ့အထိ ထောင်းထားလိုက်မယ်။ အရင်ဆုံးမညက်တညက်ထောင်းထားတဲ့ ကြက်သွန်ဖြူကို ရွှေဝါရောင်လေးရတဲ့အထိ ကြော်ပြီးပြန်ဆယ်ထား၊ ကြက်သွန်ဖြူကြော်နံ့လေးမွှေးနေတဲ့ဆီထဲကို ရောထောင်းထားတဲ့ငရုတ်သီးခွဲခြမ်းနဲ့ ဂျင်းအရောကို နနွင်းမှုန့်နည်းနည်းစီ ထည့်သတ်မယ်။

ငရတ်သီးစိမ်းနံ့ပျောက်ပြီး ဂျင်းနံ့လေးလည်းထွက်ပြီး မွှေးလာပြီဆိုမှ ထောင်းထားတဲ့ငါးလိပ်ကျောက်ကို ထည့်ပြီးမီးလျှော့လျှော့လေးနဲ့ ရေကုန်ပြီးမွလာတဲ့အထိ ကြော်လိုက်မယ်။ အပေါ့အငန်အတွက်ကတော့ ဆားနဲ့ကြက်သားမှုန့် ကြိုက်ရာထည့်ပေါ့နော်။ ဒါဆိုရင်တော့ မွမွလေးဖြစ်နေတဲ့ ငါးလိပ်ကျောက်ထောင်းကြော်စပ်စပ်မွမွလေးတစ်ပွဲရပြီပေ့ါ။

ကုလားပဲနှပ်

ကုလားပဲနှပ်ဖို့အတွက်ကတော့ ကုလားပဲလေးတွေကို ခဲသလဲလေးရွေး ရေစင်စင်ဆေးပြီးရေ စစ်ထား၊ ကြက်သွန်နီကိုမထူမပါးလှီးထား။ ဂျင်းနဲ့ကြက်သွန်ဖြူကိုလည်း မညက်တညက်လေးထောင်းထား။ အရင်ဆုံး ကြက်သွန်နီမထူမပါးလှီးထားတာကို ကျက်အောင်ကြော်ပြီး ပြန်ဆယ်ထား။ ကြက်သွန်နီ ကြော်ထားတဲ့ဆီထဲကို ထောင်းထားတဲ့ ကြက်သွန်ဖြူနဲ့ဂျင်းအရင်ထည့်ဆီသတ် နနွင်းမှုန့်လေးပါ နည်းနည်းထည့်။ စိမ်းနံ့ပျောက်လို့ မွှေးလာပြီဆိုမှ ရေစင်စင်ရေစစ်ထားတဲ့ကုလားပဲကို ထည့်ပြီး နာနာလေးလုံးပေး ပြီးမှရေနည်းနည်းချင်းထည့်ပြီး နူးလာတဲ့အထိနှပ်ချက်လေးချက်လိုက်ရုံပေါ့။ ပဲလေးနူးခါနီးပြီဆိုရင် ကြော်ထားတဲ့ကြက်သွန်နီလေးပါထည့်။ ဒါမှပဲလည်းနူး ကြက်သွန်နီကလည်းနူးပြီး အိအိလေးနဲ့ပိုချိုတာပေါ့နော်။

ကင်ပွန်းချဉ်ရွက်ဟင်းချို

မယ်တော်မားသားပြန်ရောက်တော့ ဟင်းနှစ်မျိုးလည်း အဆင်သင့်ဖြစ်နေပြီဆိုတော့ ၀ယ်လာတဲ့ ကင်ပွန်း ချဉ်ရွက်လေးက ရင့်တဲ့ရွက်ကြမ်းလေးတွေဖယ် ကိုယ်သုံးမှာလေးတွေကိုခြွေပြီး ရေစင်စင်ဆေး ရေစစ် ထား။ ကြက်သွန်နီတစ်ဥလောက်ကိုလည်း မထူမပါးလှီးထား ဟင်းခပ်လုပ်မယ့်ပုဇွန်လေး လေးငါးကောင်ကို အခွံခွာပြီးလက်နဲ့ မညက်တညက်လေးချေထား။ အရင်ဆုံး ကြက်သွန်နီမထူမပါးလှီးထားတာကို နနွင်းမှုန့် လေးနည်းနည်းထည့်ပြီး ကျက်ရုံလေးဆီသတ် လက်နဲ့မညက်တညက်လေးချေထားတဲ့ ပုဇွန်လေးပါထည့်။ ပုဇွန်ငံပြာရည်လေးလည်း တစ်ခါတည်းထည့်လိုက်ရင် သောက်တဲ့အခါ အနံ့ပျောက်သွားတာပေါ့။

ပြီးမှ ခြွေပြီး ရေစစ်ထားတဲ့ကင်ပွန်းချဉ်ရွက်လေးထည့်လုံး ရေသင့်တော်ရုံထည့်ပြီး ဆူလာအောင်တည် ဆူလာလို့ အချဉ်လေးထွက်လာပြီး ကိုယ်လိုချင်တဲ့ အပေ့ါအငံအဆင်ပြေပြီဆိုရင်တော့ ငါးလိပ်ကျောက် ခြောက်ထောင်း ကြော်စပ်လေးရယ် ကုလားပဲနှပ်ချိုဆိမ့်လေးရယ်နဲ့ တွဲစားဖို့အရမ်းလိုက်တဲ့ ကင်ပွန်းရွက် ချိုချဉ်ချဉ်လေး တစ်ခွက်ရပြီပေါ့ဗျာ။ ဒီတစ်ပတ်တော့ဒီလောက်ပဲ ချက်ကြတာပေါ့ဆွေမျိုးတို့ရာ။ နောက်တစ်ပတ်မှ နောက်တစ် မျိုးချက်ဖို့ ပြန်ဆုံကြတာပေါ့။ အားလုံးအဆင်ပြေကြပါစေ။

Royal

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape