အင်တာနက်မှာမြင်နေကြားနေရတာတွေနဲ့ လူတွေကိုလွယ်လွယ်ဆုံးဖြတ်တတ်ကြတယ်…ဟေဒင်











ဒီတစ်ပတ် Audience’s Choice  ကဏ္ဍလေးအတွက်ကတော့ ဟေဒင်ပန်နက်ထရီ  အကြောင်းရွေးချယ် ထားပါတယ်။ သူကတော့ အမေရိကန်သရုပ်ဆောင် အဆိုတော်၊ မော်ဒယ်တစ်ယောက်ပါ။ ပရိသတ် အကြိုက်များတဲ့ NBC ရုပ်သံစီးရီး Heroes ဇာတ်လမ်းတွဲထဲက Hayden Panettere က Cheerleader ကလဲရာအနေနဲ့သရုပ်ဆောင်ရင်း နာမည်ကြီးလူကြိုက်များလာခဲ့ပါတယ်။ 

အသက် (၁၁)လသားအရွယ်ကတည်းက One Life to Live Guiding Light စတဲ့ဇာတ်ကားတွေမှာ ကလေးသရုပ်ဆောင်အနေနဲ့ ပါဝင်သရုပ်ဆောင်ခဲ့ပါတယ်။ Scream 4, Amanda Knox: Murder on Trial In Italy စတဲ့ ဇာတ်ကားတွေကလည်း ဟေဒင်ရဲ့နာမည်ကြီးဇာတ်ကားတွေပါပဲ။ ၂၀၁၂-၁၃ မှာ သရုပ်ဆောင်တဲ့ Nashville ဇာတ်လမ်းတွဲမှာတော့ Golden Globe Award for Best Supporting Actress ဆု (၂)ကြိမ်တိုင်တိုင်လျာထားခြင်းခံခဲ့ရပါတယ်။ 

ဟေဒင်က Heroes ဇာတ်လမ်းတွဲမှာ သူနဲ့တွဲဖက်သရုပ်ဆောင်ခဲ့တဲ့ မင်းသားမီလိုအန်တိုနီနဲ့လည်း တွဲခုတ် ခဲ့ပါတယ်။ ဒါတင်မကပါဘူး။ ကမ္ဘာ့နာမည်ကြီးလက်ဝှေ့သမားတစ်ဦးဖြစ်တဲ့ ဝေါ်ဒီမာနဲ့လည်းတွဲခုတ်ခဲ့ပြီး ပြတ်စဲခဲ့ပါတယ်။ ဒါပေမဲ့ ပြန်လည်တွဲခုတ်နေတယ်ဆိုတဲ့သတင်းတွေထွက်လာပြီး ၂၀၁၃ မှာတော့ သူတို့စေ့စပ်ပွဲကို အတည်ပြုကြေငြာလိုက်ပါတယ်။ ၂၀၁၄ ခုနှစ်မှာတော့ ကာယာဆိုတဲ့ သမီးလေး တစ်ယောက်မွေးဖွားခဲ့ပါတယ်။ အခုလိုအသက်ငယ်ငယ်ရွယ်ရွယ်နဲ့ ရွှေကမ္ဘာလုံးဆု (၂) ကြိမ်တိုင်တိုင် လျာထားခံရတဲ့ဟေဒင်နဲ့ သူ့အကြောင်းအင်တာဗျူးဖြစ်ခဲ့ပုံကတော့ ...

ရှင်ကဂီတတွေနဲ့ရင်းနှီးတဲ့လူဆိုတော့ ဘယ်လိုဂီတအမျိုးအစားတွေကိုကြိုက်လဲ။
ကျွန်မငယ်ငယ်ကတည်းက Rap သီချင်းတွေကနေ ကန်းထရီးသီချင်းတွေအထိ နားထောင် ရင်းကြီးပြင်း လာတာ။ ကန်းထရီးသီချင်းတွေကတော့ ကျွန်မကိုငယ်ငယ်ကတည်းက လွှမ်းမိုးမှုရှိတယ်။ Pistol Annies’ တို့ Miranda Lambert တို့ကတော့ ကျွန်မတို့အကြိုက်ဆုံးအဆိုတော်တွေပဲ။ 

ရှင့်ကိုလူတွေကအထင်ကြီးကြတဲ့အပေါ်ဘယ်လိုမြင်မိပါသလဲ။
လူတွေက သူတို့အင်တာနက်မှာမြင်နေကြားနေရတာတွေနဲ့ လူတွေကိုလွယ်လွယ် ဆုံးဖြတ်တတ်ကြ ပါတယ်။ လူမြင်ကွင်းမှာ ပုဂ္ဂိုလ်ရေးတွေကိုဖြေရှင်းရတာခက်ခဲပါတယ်။ အထူးသဖြင့် သာမန်လူ တစ်ယောက်နဲ့ နာမည်ကြီးလူတစ်ယောက်ကွာခြားတဲ့အခါမျိုးမှာပေါ့။ 

ရှင့်ကိုယ်ပိုင်စတိုင်ကိုပြောပြပါဦး
Nashville မှာ ရှင်ဘယ်လိုဘယ်သွားသွားဘယ်သူကမှမဝေဖန်ကြဘူး။ တစ်ခါတလေဆုပေးပွဲတွေလိုမျိုး ကြီးကြီးကျယ်ကျယ်ဝတ်ရတာလည်းတစ်မျိုးပျော်စရာပါပဲ။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment