ဝက်နံရိုးမုန်လာဥခြောက်နှပ်၊ မုန်ညင်းစော၊ ဆေးဘဲဥသုပ်

ဒီတစ်ပတ်ကတော့ အိမ်မှာလုပ်ထားတဲ့ မုန်လာဥခြောက်လေးတွေသတိရလို့ ၀က်နံရိုးလေးနနဲ့ မုန်လာ ဥခြောက်လေးကို အဓိကဟင်းအဖြစ် နှပ်ချက်လေးချက်မယ်စိတ်ကူးတယ်။ သူနဲ့လိုက်ဖက်အောင် မစားဖြစ်တာ ကြာနေတဲ့ ဆေးဘဲဥလေးလည်းသုပ်မယ်။ အရည်ဟင်းကိုတော့ မုန်ညင်းစောလေး ချက်မယ် စိတ်ကူးတယ်။ မယ်တော်မားသားက မုန်ညင်းစောကို ကြက်ခြေထောက်လေးနဲ့ချက်ပါလား။ ကြက်ခြေထောက်လေးလည်း မစားရတာ ကြာလို့စားရအောင်ဆိုတော့ မုန်ညင်းစောကိုတော့ ချက်နေကျဝက် သုံးထပ်သားနဲ့မဟုတ်ပဲ ကြက်ခြေထောက်လေးနဲ့ ချက်ကြည့်လိုက်မယ်။

မယ်တော်မားသား ဈေးသွားနေတုန်းလေးမှာ မုန်လာဥခြောက် လေးကို ရေနွေးလေးနဲ့ ခဏစိမ်ပြီးသေချာလေး ဆေးထားလိုက်မယ်။ မုန်လာဥခြောက်ကိုလုပ်တာကတော့ အမျိုးမျိုးရှိပေမယ့် ကျွန်တော်ကတော့ ခြောက်တဲ့အထိလှန်းထားလိုက်တယ်။ တချို့ကတော့မုန်လာဥလေးတွေ ခပ်ကြီးကြီးလေးလှီး သကြား၊ ဆား၊ အရက် နည်းနည်းစီထည့်ပြီး လင်ပန်းထဲထည့်လှမ်းနေကျတော့ မုန်လာဥကထွက်တဲ့ရည်လေးနဲ့ ပြန်ပြီးနှပ်ထား နောက်တစ်နေ့ပြန်ထပ်လှမ်းပြီးရင် ပုလင်းထဲကိုလေမခိုအောင် သေချာဖိထည့်ပြီး သူ့အရည်လေးနဲ့သူပြန်နှပ်ထား။ ပြီးရင်လေလုံအောင် ပိတ်ထားတယ်ပေါ့နော်။

အဲ့လိုလုပ် တာလည်းကြာကြာတော့ခံပါတယ်။ ချက်ရတာလည်းမြန်တယ်။ ခပ်ပါးပါးလေးတွေလှီးပြီး ဘဲဥလေးနဲ့ ကြော်စား ရင်လည်းကောင်းမှကောင်းပဲပေါ့။ ကျွန်တော်ကတော့ သူ့အရည်လေးနဲ့သူပြန်မနှပ်တော့ပဲ လေးငါးရက်လောက် ခြောက်တဲ့အထိ လှမ်းပစ်လိုက်တယ်။ သိမ်းရတာလည်းလွယ် ပိုလည်းကြာကြာခံအောင်ပေါ့။ စားခါနီးကျမှ ရေနွေးလေးနဲ့ပြန်စိမ် ရေသေချာဆေးပြီးချက်လိုက်တယ်။ မယ်တော်မားသားလည်း ပြန်ရောက်ပြီဆိုတော့ ပွားတာလေးခဏရပ်ပြီး ချက်ရေး ပြုတ်ရေအတွက် စလိုက်တော့မယ်။

ဝက်နံရိုးမုန်လာဥခြောက်နှပ်

ဝက်နံရိုးလေးတွေကို ရေသေချာစင်အောင်ဆေး၊ ပဲငံပြာရည်အကြည်၊ ခရုဆီ၊ ကြက်သားမှုန့်၊ ဆား အားလုံးအဆင်သင့်ရုံလောက် ထည့်နယ်ပြီးခနနှပ်ထားလိုက်မယ်။ ချက်မယ့်အိုးထဲကို သကြားလေး ဖြန့် ထည့်ပြီး အပူပေး သကြားလေးနီလာတာနဲ့ ခုနနှပ်ထားတဲ့ဝက်နံရိုးလေးတွေထည့်ပြီး ရေခန်းတဲ့အထိလုံးပေး ပြီးမှ ရေလေးနည်းနည်းချင်းထည့်ပြီး နူးအောင်တည်ကြတာပေါ့။ ၀က်နံရိုးလေးနူးခါနီးပြီဆိုရင် ကြက် သွန်ဖြူလေး ဓားပြားရိုက်ထည့် မုန်လာဥခြောက်လေးတွေထည့် မီးအေးအေးလေးနဲ့ နှစ်မျိုးလုံးနူးတဲ့အထိ နှပ်ထားလိုက်တာ ပေါ့။ နူးပြီဆိုမှ အရသာအပေါ့အငံလေးမြည်းကြည့်။ အရသာလေးစိတ်ကြိုက် ရပြီဆိုရင်တော့ ၀က်နံရိုးနဲ့ မုန်လာဥခြောက်နှပ်ဟင်းတစ်ပွဲရပြီပေါ့နော်။

မုန်ညင်းစော

မုန်ညင်းစောချက်ဖို့အတွက်ကတော့ လွယ်ပါတယ်။ ကြက်ခြေထောက်ကို သေချာသန့်စင်ပြီး မန်ကျဉ်း သီးစိမ်းလေးနဲ့ ရေထည့်ပြီးပြုတ်လိုက်မယ်။ ရေဆူလာရင်နနွင်းလေး နည်းနည်းပါထည့်လိုက် တာပေါ့။ မန်ကျဉ်းသီးစိမ်းက အချဉ်ထွက်လာပြီ ကိုယ်လိုချင်တဲ့ အချဉ်အနေအထားအထိရပြီဆိုရင် မန်ကျဉ်းသီးလေး တွေပြန်ဆယ်ထား အပေ့ါအငံအတွက်ကတော့ ဆား၊ သကြား၊ ကြက်သားမှုန့်လေး ထည့်တာပေါ့။ ကြက်ခြေ ထောက်နူးပြီဆိုရင်တော့ ရေဆေးပြီးအနေတော်လှီးထားတဲ့ မုန်ညင်းရယ် ငရုတ်သီးစိမ်းဓားပြားရိုက်ထား တာရယ် ထည့်လိုက်ရုံပေါ့။ အရသာကတော့ ချဉ်ချဉ်စပ်စပ်လေးပေါ့။

ဆေးဘဲဥသုပ်

ဆေးဘဲဥသုပ်ဖို့အတွက်ကတော့ ခရမ်းချဉ်သီး၊ ငရုတ်သီးစိမ်း၊ ကြက်သွန်နီကိုလှီးထားလိုက်မယ်။ နံနံပင်ကိုလည်းရေသေချာဆေးပြီး လှီးထား။ ပြီးရင်လှီးထားတဲ့ ခရမ်းချဉ်သီး၊ ကြက်သွန်နီ၊ ငရုတ်သီး စိမ်းထဲကို ဆား၊ သကြား၊ ကြက်သားမှုန့်၊ သံပုရာရည်၊ ကြက်သွန်ဖြူ ဆီချက်လေးထည့်နယ်၊ အရသာ စိတ်ကြိုက်ရပြီဆိုမှ ဆေးဘဲဥလေးတွေလှီးထည့် နံနံပင်လေးထည့် ခပ်ဖွဖွလေးနယ် ဒါဆိုရင်တော့ ဆေးဘဲဥသုတ်လေးလည်း အဆင်ပြေလောက်ပါတယ်နော်။ ဆွေမျိုးတို့လည်း ၀က်နံရိုးနဲ့မုန်လာဥခြောက်နှပ်လေးရယ်၊ ဆေးဘဲဥသုပ် လေးရယ်၊ ကြက်ခြေထောက်လေးနဲ့ ချက်ထားတဲ့မုန်ညင်းစောလေးရယ်နဲ့ မိသားစုထမင်းဝိုင်းလေး မှာစားလို့ ကောင်းကြပါစေဗျာ။ နောက်တစ်ပါတ်မှနောက်တစ်မျိုး ချက်ဖို့ပြန်ဆုံကြတာပေါ့။ အားလုံး အဆင်ပြေပျော်ရွှင် ကြပါစေ။

Royal

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape