ကြက်ချဉ်စပ်၊ မုန်လာဥသုပ်၊ ကျောက်ဖရုံသီးဟင်းချို

ဒီတစ်ပတ်တော့ ရာသီဥတုအေးအေးလေးမှာ ချဉ်ချဉ်စပ်စပ်လေးစားချင်တာနဲ့ ကြက်ချဉ်စပ်လေး ချက်မယ်ဗျာ။ ပြီးတော့ မစားရတာကြာနေတဲ့ မုန်လာဥသုပ်လေးလည်းသုပ်မယ်။ ဟင်းရည်ကိုတော့ အကုန်အကျ သက်သာအောင် ကြက်ချဉ်စပ်ကနေပိုတဲ့ ကြက်ရိုးလေးတွေကို ကျောက်ဖရုံသီးနဲ့ ဟင်းရည်လေးချက်လိုက် မယ်။ မယ်တော်မားသားရော ကိုယ်ပါကြိုက်တဲ့ ဟင်းပွဲလေးတွေပေါ့နော်။ ဒီတစ်ပတ်ကတော့ ကြို တင်လုပ်ထား စရာမရှိတဲ့အတွက် မယ်တော်မားသားဈေးကပြန်လာမှပဲ သားအမိနှစ်ယောက်ချက်လိုက်ဖြစ်တယ်။

ကြက်ချဉ်စပ်

အဓိကဟင်းအနေနဲ့ ရွေးထားတဲ့ ကြက်ချဉ်စပ်လေးချက်ဖို့အတွက် CP ကြက်ရင်ပုံသားကိုသုံးပါမယ်။ ကြက်ရင်ပုံသားကို အသားပဲသီးသန့် လှီးထုတ်လိုက်ပြီး အနေတော်လေးတွေတုံး ခရုဆီ၊ ပဲငံပြာရည် အကြည်၊ ဆား၊ သကြား၊ ကြက်သားမှုန့်တို့နဲ့ နယ်ပြီးနှပ်ထားလိုက်မယ်။ အသားနွှင်ပြီးကျန်တဲ့ ကြက်ရိုးလေးတွေကိုတော့ ဆား၊ သကြား၊ ကြက်သွန်ဖြူဓါးပြားရိုက်လေးထည့်ပြီး အရင်ပြုတ်ထားလိုက်မယ်။ ကြက်ချဉ်စပ်ကို ကျွန်တော် ကတော့ အသီးအနှံလေးတွေထည့်ပြီး ချဉ်ချဉ်စပ်စပ်လေးတွေချက်မှာမို့ ပဲသီး၊ ပြောင်းဖူးအသေး၊ မုန်လာဥနီ၊ ငရုတ်ပွကို ကြက်သားတုံးထားတာနဲ့ လိုက်ဖက်အောင်လှီးထားလိုက်မယ်။ ကြက်သွန်နီကိုလည်း အတုံး ခပ်ကြီးကြီးလေးလှီးထား။ ငရုတ်သီးလေးငါးတောင့်လောက်ကိုလည်း ဓါးပြားရိုက်စဉ်းထားလိုက်မယ်။ ပင်စိမ်း လေးကိုလည်း ရေစင်စင်ဆေးပြီးခြွေထားလိုက်မယ်။ ပြီးရင် ငရုတ်သီးခွဲခြမ်းနဲ့ကြက်သွန်ဖြူရောထောင်းထား တာကို အရင်ဆီသတ်မယ်။ ပြီးမှ ကြက်သွန်နီအရင်ထည့်။ ကြက်သွန်နီစိမ်းနံ့ပျောက်ပြီဆိုမှ အရသာဝင် အောင်နှပ်ထားတဲ့ ကြက်သားထည့်ပြီး သေချာလေးလုံးလိုက်မယ်။ အရင်ဆုံးကျက်တာ နည်းနည်းကြာမယ့် ပြောင်းဖူးသေးကိုထည့် ကျန်တဲ့အသီးအနှံလေးတွေထည့် ငရုတ်သီးစိမ်း ဓားပြားရိုက်ထားတာထည့် သံပုရာ ရည်ကို လိုအပ်တဲ့အချဉ်အရသာရအောင်မှန်းထည့် အရသာမြည်းကြည့်လို့ ချဉ်ချဉ်စပ်စပ်လေးဖြစ်ပြီဆိုမှ ခြွေထားတဲ့ပင်စိမ်းလေး အပေါ်ကနေ အုပ်ပေးလိုက်တော့ ပိုမွှေးတာပေါ့နော်။

မုန်လာဥသုပ်

မုန်လာဥသုပ်ဖို့အတွက်ကတော့ မုန်လာဥကိုအရင်ခြစ်ထား၊ ပြီးရင် ဆားနဲ့ရေနည်းနည်း ထည့်ပြီးသေချာ နယ်ပေးလိုက်ရင် မုန်လာဥက အမြှုပ်လေးတွေထွက်ပြီး စိမ်းနံ့လည်းပျောက်အောင် ရေနွေးလေးနဲ့ ခဏစိမ်။ ပြီးရင် ရေတွေအကုန်စစ်သွားအောင် ညှစ်ထားလိုက်တာပေါ့။ အသုပ်ထဲထည့်ဖို့အတွက်ကတော့ ကြက်သွန်နီ ခပ်ပါးပါးလှီး ခရမ်းချဉ်သီးမထူမပါးလှီး၊ မြေပဲဆန်နဲ့ ပုဇွန်ခြောက်ကို မညက်တညက်ထောင်းထား၊ ကြက်သွန်နီ ဆီချက်လေးချက်ထား၊ ကြက်သားကို ချဉ်စပ်ချက်ထားပြီဆိုတော့ သူ့ကိုတော့ချိုချဉ်လေးပဲသုပ်လိုက်တော့ မယ်။ ရေစင်အောင်ညှစ်ထားတဲ့ မုန်လာဥဖက်ကလေးတွေက ထွေးနေတတ်တာမို့ ဆီချက်အရည်၊ သံပုရာရည် လေးနဲ့ အရင်ဖွပေး။ ပြီးမှ လှီးထားတဲ့ကြက်သွန်နီ ခရမ်းချဉ်သီးတွေထည့်နယ်၊ ထောင်းထားတဲ့ပုဇွန်ခြောက်နဲ့ မြေပဲလေးပါထည့်နယ်။ အရသာအတွက်ကတော့ ပုဇွန်ငံပြာရည်လေးနဲ့ သကြားလေးနည်းနည်းထည့်လိုက်ရင် ရပါပြီ။ နံနံပင်လေးပါ အုပ်လိုက်ရင်တော့ ပိုမွှေးသွားတာပေါ့။ အရသာအပေါ့အငန် စိတ်ကြိုက်ရပြီဆိုရင်တော့ မုန်လာဥသုပ် ချိုချိုချဉ်ချဉ်လေးတစ်ပွဲ အဆင်ပြေပြီပေါ့။

ကျောက်ဖရုံသီးဟင်းချို

ကျောက်ဖရုံသီးဟင်းချိုအတွက်ကတော့ ခုနပြုတ်ထားတဲ့ ကြက်ရိုးပြုတ်ရည်ထဲကို အခွံခွာညပီး အနေ တော်တုံးထားတဲ့ ကျောက်ဖရုံသီးထည့်။ ကျောက်ဖရုံသီးနူးလာပြီဆိုရင် အပေါ့အငန်မြည်းကြည့်ပြီး တရုတ် နံနံလေးအုပ်လိုက်ပေါ့။ ဒါဆိုရင်တော့ ကြက်ချဉ်စပ်နဲ့မုန်လာဥသုပ်နဲ့ တွဲစားဖို့ကျောက်ဖရုံသီးဟင်းရည် ချိုချိုပူပူ လေးတစ်ခွက်ရပြီပေါ့။ ဒီတစ်ပတ်အတွက် ဒီလောက်ပဲချက်ကြတာပေါ့။ နောက်တစ်ပတ်မှ နောက်တစ်မျိုးချက်ဖို့ ပြန်ဆုံကြတာပေါ့နော်။ အားလုံးပဲ အဆင်ပြေပျော်ရွှင်ကြပါစေ။

Royal

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape