လယ်သူမအ၀တ်အစားဝတ်ရတာရင်ခုန်တယ် … Pee Mak မင်းသမီး ဒါဗိကာ









ဒီတစ်ပတ်ရဲ့ Audience’s Choice ကဏ္ဍလေးအတွက်ကိုတော့ ထိုင်းမင်းသမီး ဒါဗိကာ အကြောင်းရွေး ထားပါတယ်။ အမေက ထိုင်းနိုင်ငံသူ၊ အဖေက ဘယ်လ်ဂျီယမ်နိုင်ငံသားပါ။ Rangsit University မှာ Communication Arts ကို လေ့လာသင်ယူခဲ့ပြီး Ngoa Kammathep ဇာတ်လမ်းတွဲမှာ ပထမဦးဆုံး ပါဝင်သရုပ်ဆောင်ထားပါတယ်။ ဒါဗိကာက ဇာတ်လမ်းတွဲတွေမှာတင်မကပါဘူး။ Pond’s, ZA, Nikon နဲ့ တခြားကြော်ငြာတွေမှာလည်း ပါဝင်သရုပ်ဆောင်ထားပါတယ။် Pee Mak ဇာတ်ကားကတော့ ဒါဗိကာရဲ့ အောင်မြင်မှုတစ်ခုပါ။ ဒီဇာတ်ကားထဲမှာ မင်းသားမာရီယိုရဲ့ဇနီး 'နက်'နေရာကနေ သရုပ်ဆောင်ပြီး မြန်မာပရိသတ်တွေသတိထားလာမိခဲ့ပါတယ်။

ဒီ Pee Mak ဇာတ်ကားရဲ့ အောင်မြင်မှုနဲ့အတူ ဒါဗိကာက တခြားသောရုပ်သံ ဇာတ်လမ်းတွဲ အမြောက် အများကမ်းလှမ်းခံခဲ့ရပါတယ်။ ဒါဗိကာရဲ့ လက်ရှိလှုပ်ရှားမှုကတော့ The Old Scar ဆိုတဲ့ ဇာတ်ကားပါ။ ဒါဗိကာပရိသတ်တွေအတွက် မင်းသမီးနဲ့ အင်တာဗျူးလေးတင်ဆက်ပေးလိုက်ပါတယ်။

The Oil Scar ဇာတ်လမ်းတွဲကို အရင်ကရောဖတ်ဖူးသေးလား။
မဖတ်ဖူးပါဘူး။  ကျွန်မအရင်က ဇာတ်ဝင်တေးကိုတော့ကြားဖူးထားတယ်။ ဇာတ်လမ်းနဲ့ပတ်သက်ပြီးတော့ ဘာမှမသိတာ။ ဒီဇာတ်လမ်းကမ်းလှမ်းခံရပြီးတော့ ကျွန်မအမေက ဇာတ်လမ်းကိုပြောပြတယ်။ ဒါက ထိုင်းစာပေတွေထဲမှာ အရေးကြီးဆုံးထဲကတစ်ခုပါ။

ဒီဇာတ်ကားမှာဘယ်လိုပါဝင်ဖြစ်တာလဲ …
ပထမတော့ ဒါရိုက်တာက သူ့အိမ်ကိုဖိတ်ခေါ်တယ်။ ကျွန်မတော်တော်စိတ်လှုပ်ရှားတာ။ ဘာလို့လဲဆိုတော့ သူကနာမည်ကြီးဒါရိုက်တာလေ။ သူကရိုက်ဖို့ကမ်းလှမ်းတာ။ ကျွန်မလည်းအသစ်တစ်ယောက်အနေနဲ့ ၀မ်းသာဂုဏ်ယူမိပါတယ်။ 

ဇာတ်ကားရိုက်တော့ရော ဘယ်မှာသွားရိုက်ခဲ့တာလဲ …
Suphan Buti မှာ အများဆုံးရိုက်ဖြစ်တာပါ။ အားလုံးအဆင်ပြေပြေချောချောမွေ့မွေ့ပြီးသွားကြပါတယ်။ ဒီဇာတ်ကားရိုက်တာ ၇ လတောင်ကြာခဲ့တယ်။

The Old Scar မှာ သရုပ်ဆောင်တာက တစ်ချိန်တည်းမှာ ဇာတ်လမ်းနှစ်ခုသရုပ်ဆောင်ရသလိုပဲလို့ပြောခဲ့တယ်နော်။ အဲဒါ ဘာကိုဆိုလိုတာလဲ …
ဒီကားထဲမှာက ကာရိုက်တာနှစ်ခုကိုတစ်ပြိုင်တည်းသရုပ်ဆောင်ရတာပါ။ ပထမကတော့ လယ်တောထဲကကောင်မလေးအနေနဲ့။ နောက်ပြီး သူ့ဘ၀ကချမ်းသာတဲ့မိသားစုကခေါ်မွေးစားပြီး ချမ်းသာသွားခဲ့တာ။ အဲဒီကနေမှတစ်ဆင့် နိုင်ငံခြားမှာကျောင်းသွားတက်ပြီး လုံးဝပြောင်းလဲသွားခဲ့တယ်။ အဲဒီလိုပုံစံလေးပါ။

ဒီဇာတ်ကားထဲမှာ အ၀တ်အစားတွေထူးထူးခြားခြားဝတ်ရတာပါတယ်နော်။ အဲဒါနဲ့ပတ်သက်ပြီးပြောပြပေးပါဦး။
ဒီအ၀တ်အစားတွေဝတ်ရတာ ပျော်ဖို့ကောင်းပါတယ်။ ဒါပေမဲ့ ဒီလိုဝတ်စုံလှလှလေးတွေဝတ်ရတာ ရင်မခုန်ဘူး။ ဘာလို့လဲဆိုတော့ ကျွန်မတို့အပြင်မှာလည်း ဒီလိုပဲဝတ်နေရတာကိုး။ လယ်သူမအ၀တ်အစားဝတ်ရတာရင်ခုန်တယ်။ ပြီးတော့ စပါးတွေဘယ်လိုရိတ်သိမ်းရတယ်ဆိုတာပါလေ့လာခဲ့ရတယ်။

ခင်ဗျားက ဥရောပသွေးတစ်ဝက်ပါတယ်ဆိုတော့ ထိုင်းရာဇ၀င်ကားတွေမှာ ကမ်းလှမ်းခံရတာကိုစိတ်ထဲဘယ်လိုနေမိလဲ…
ကျွန်မကိုယ်တိုင်လည်း သိချင်နေတာပါ။ ဒါပေမဲ့ ကျွန်မဒီလိုအခွင့်အရေးမျိုးရတာဂုဏ်ယူမိပါတယ်။ မိန်းကလေးလှလှလေးတစ်ယောက် ဈေးဝယ်စင်တာထဲမှာယောက်ျားလေးတွေနဲ့ လျှောက်သွားပြရတဲ့ဇာတ်ကွက်မျိုးထက်တော့ အများကြီးသာတယ်လေ။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment