ကားတစ်စီးနဲ့နေရာရွေ့ပြောင်းနိုင်အောင် ဘယ်လိုပြင်ဆင်ထားသင့်လဲ




အရေးပေါ်အခြေအနေဆိုတာ ဘ၀မှာ လူတိုင်းနီးပါးကြုံတွေ့ရမယ့် အဖြစ်အပျက်တစ်ခုဖြစ်ပါတယ်။ တချို့ က ဒီလိုအခြေအနေမျိုးနဲ့ တွေ့ကြုံလာရတဲ့အခါ သက်သောင့်သက်သာ ကျော်လွှားသွားနိုင်ကြပေမယ့် တချို့ ကျပြန်တော့လည်း ထောင်းလမောင်းကြေအောင် အလူးအလဲခံစားရတတ်တာပါ။ ကွာခြားသွားတာ ကတော့ ကြိုတင်ပြင်ဆင်မှုရှိခြင်းနဲ့ မရှိခြင်းတွေပါပဲ။ မုန်တိုင်းဆိုတာလည်း ဒီလိုပါပဲ အချိန် မရွေးပေါ်ပေါက် လာ နိုင်ပြီး လူတွေကိုဒုက္ခပေးတတ်တာမျိုးတွေပါ။ ဒါကြောင့် မုန်တိုင်းများ တိုက်ခတ်လာခဲ့ရင် အသင့်ကျော် လွှား သွားနိုင်အောင် ဘယ်လိုပြင်ဆင်ထားသင့်တယ်ဆိုတာ ဖော်ပြအကြုံပြုချင်ပါတယ်။ အထူးသဖြင့် ကားတစ်စီးနဲ့ နေရာရွေ့ပြောင်းနိုင်အောင် ဘယ်လိုပြင်ဆင်ထားသင့်လဲဆိုတဲ့ အချက်ကိုပါ။

မုန်တိုင်းဒဏ်ခံရတာဟာ တကယ်တော့ဆိုးရွားလွန်းပါတယ်။ မုန်တိုင်းတိုက်ခတ်တော့မယ်ဆိုရင် တချို့ ကနေရာရွေ့ပြောင်းထားဖို့ စိုင်းပြင်းတတ်ကြပေမယ့် တချို့ကြပြန်တော့လည်း အရေးပေါ်ပစ္စည်းတွေကို ကား တစ်စီးပေါ်အသင့်တင်ထားပြီး ကိုယ့်အိမ်မှာပဲ အခြေအနေစောင့်ကြည့်ချင်ကြတာမျိုးပါ။ ဒါကြောင့် ကားတစ်စီးနဲ့ အသင့်ပြင်ထားပေမယ့် အိမ်မှာပဲ အခြေအနေစောင့်ကြည့်လိုသူတွေကို ထိခိုက်မှု အနည်း ဆုံးဖြစ်အောင် ဘယ်လိုလုပ်သင့်တယ်ဆိုတဲ့ နည်းလမ်းကောင်းလေးတွေနဲ့ မိတ်ဆက်ပေးပါရစေ…

အာမခံကုမ္ပဏီနဲ့တိုင်ပင်ထားပါ
ကိုယ့်ရဲ့ပိုင်ဆိုင်မှုတွေအတွက် အာမခံထားရှိထားတဲ့ကုမ္ပဏီထံ မုန်တိုင်းနဲ့ပတ်သက်တဲ့ ကိုယ့်အစီ အစဉ် ကိုချပြထားသင့်ပါတယ်။ ဒါ့အပြင် သူတို့ဆီက အကြံဉာဏ်တွေလည်းတောင်းယူသင့်ပြီး ဘယ်လိုကြိုတင် ကာကွယ်မှုတွေပြုလုပ်ရမယ်။ ဘယ်လိုအဆင့်မျိုးအထိရောက်လာရင် နေအိမ်ကို စွန့်ခွာသင့်တယ်စတဲ့ အချက် တွေကိုလည်း စုံစမ်းထားသင့်တာပါ။ နောက်တစ်ချက်ကတော့ ကိုယ်ကကားနဲ့ နေအိမ်ကိုစွန့်ခွာ လာစဉ်အတွင်း ကားတစ်ခုခုဖြစ်ခဲ့ရင် ဘယ်လိုမုန်တိုင်းနယ်မြေထဲက ရုန်းထွက်မလဲဆိုတဲ့အချက်ကိုပါ အသေအချာစေ့ငုထား သင့်တာဖြစ်ပါတယ်။

ကားကိုဘယ်လိုအသင့်ပြင်ထားမလဲ
အိမ်မှာ အခြေအနေစောင့်ကြည့်လိုသူတွေ မဖြစ်မနေလုပ်ဖို့လိုအပ်တဲ့ နောက်ထပ်အချက်တစ်ခုက တော့ ကားကိုအမှားအယွင်းမရှိအောင် အဖက်ဖက်ကပြင်ဆင်ထားဖို့ပဲဖြစ်ပါတယ်။ ကားထိုင်ခုံ ခါးပတ်တွေ လူကိုကောင်းကောင်း အကာအကွယ်ပေးနိုင်သေးလားဆိုတဲ့ အချက်ကအစ ကားဘီးတွေ လေပေါင် အပြည့်နဲ့ ရှိနေ၊ မနေ စတဲ့အချက်တွေအထိ အသေးစိတ်စစ်ဆေးထားဖို့ လိုအပ်နေမှာ အသေအချာပါပဲ။ ဒါ့အပြင်ကားဘီး အပို မဖြစ်မနေဆောင်ထားရမှာဖြစ်သလို အရေးကြီးတဲ့လောင်စာ လောက်လောက် ငှငှရှိလားဆိုတဲ့ အချက် ကိုလည်း မေ့မနေသင့်တာပါ။ မုန်တိုင်းတိုက်ခတ်နေတဲ့ ဧရိယာအတွင်း ဘယ်လောင်စာဆိုင်မှ ဖွင့်လှစ်မှာ မဟုတ်လို့ ကိုယ့်ဘက်ကအကောင်းဆုံးဖြစ်အောင် ပြင်ဆင်ထားရမှာဖြစ်ပါတယ်။

မေ့လျော့မထားသင့်တဲ့ အရာများ
ဒီလိုကားတစ်စီးနဲ့ မုန်တိုင်းလွတ်ရာနေရာကို သွားလာနေတဲ့ အချိန်အတွင်း မမေ့လျော့သင့်ဘဲ ကိုယ်နဲ့ မကွာဆောင်ယူသွားသင့်တဲ့ ပစ္စည်းလေးတွေလည်းရှိနေတာပါ။ အဲဒါတွေကတော့ ကားပြင်တဲ့ ကိရိယာ တန် ဆာပလာတွေ၊ အိတ်ဆောင်ဓား၊ လောင်စာဆီအဖို့ အရေးပေါ်မီးတောက်၊ ဘီးပေါက်ရင်ဖာထေးရမယ့် အပို ပစ္စည်း၊ စောင်၊ ရေဒီယို၊ ရေနဲ့အစားအသောက်အချို့၊ ဆေးဝါးစတာတွေ ဖြစ်ပါတယ်။ ဒီလိုပစ္စည်းတွေ က လူတစ်ဦးရဲ့ အခြေခံလိုအပ်ချက်တွေကို မုန်တိုင်းတိုက်ခတ်နေစဉ်အတွင်း မဖြည့်ဆည်းပေးနိုင်မယ့် အရာတွေ ဖြစ်လို့ လုံးဝမေ့မထားသင့်တဲ့အရာတွေလို့လည်း ဆိုနိုင်တာပါ။

ကားကိုဘေးလွတ်ရာမှာရပ်ပါ

တကယ်လို့ မုန်တိုင်းဒဏ်က အထိုက်အလျှောက်သက်သာရာ ရစေမယ့်နေရာတစ်ခုကိုရောက်ပြီဆိုရင် ကားကိုမဖြစ်မနေ ရပ်နားထားရတော့မှာပါ။ ဒီလိုအခြေအနေမျိုးမှာ ကားကိုဘေးအန္တရာယ်ကင်းမယ့်နေရာ မျိုးမှာ ရွေးချယ်ရပ်နားထားနိုင်ဖို့အရေးကြီးပါတယ်။ မုန်တိုင်းဒဏ်ကလွတ်ကင်းရာကို ရွေ့ပြောင်းလာသူတစ်ဦး အနေနဲ့ သိပ်ပြီးဝေးဝေးလံလံကို သွားစရာမလိုအပ်တာကြောင့် မုန်တိုင်းအချိန် မရွေးရောက်လာနိုင်တဲ့နေရာ မျိုးမှာ ကားရပ်နားတဲ့အခါ အပင်မြင့်မြင့်၊ အဆောက်အဦကြီးကြီးမားမား စတဲ့နေရာတွေနဲ့ ဝေးနိုင်သမျှ ဝေး အောင်ခွာပြီးမှ ကားကိုရပ်နားသင့်တာပါ။

အာကာထက်ဝေ


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

Share on Google Plus

0 comments:

Post a Comment