ကားအငှားလုပ်ငန်းဘယ်လို စတင်ကြမလဲ






ခေတ်စနစ်တွေ ပြောင်းလဲလာတာနဲ့အညီ လူတွေကလည်း ယခင်ကမပြုလုပ်ဖြစ်ခဲ့တဲ့လုပ်ငန်းတွေ လုပ်ကိုင်လာကြသလို တချို့ကလည်း ရှိရင်းစွဲလုပ်ငန်းတွေကို တိုးချဲ့လာကြပါတယ်။ ဒီလိုလုပ်ကိုင် လာကြ တဲ့ လုပ်ငန်းတွေထဲကမှ သိသိသာသာတိုးချဲ့လုပ်ကိုင်လာကြတဲ့ လုပ်ငန်းတစ်ခုကတော့ ကားအငှား ၀န်ဆောင်မှု လုပ်ငန်းဖြစ်ပါတယ်။ နိုင်ငံရေးအပြောင်းအလဲတွေနဲ့အတူ ကျွဲကူရေပေါ်ဆိုသလို နောက်က ကပ်ပါလာတဲ့ ခရီး သွားလုပ်ငန်းပိုပြီး ပီပြင်အသက်ဝင်လာမှုက ကားအငှားဝန်ဆောင်မှုပေးတဲ့ လုပ်ငန်းတွေ ကို ပိုပြီးလည်ပတ်မှု အားကောင်းလာစေတာပါ။ ဒီတော့ ကိုယ်ကိုယ်တိုင်က ပြောင်းလဲနေတဲ့ခေတ်စနစ်မှာ လိုက်ပါအောင်မြင်ချင်လို့ ကားငှားရမ်းတဲ့ဝန်ဆောင်မှုကို လုပ်ကိုင်နေချင်ပြီဆိုရင် ဆောင်သင့်ရှောင်သင့်တဲ့ အချက်ကလေးတွေကို အခြေခံလောက်တော့ သိထားဖို့လိုအပ်ပါတယ်။ ကားငှားရမ်းတဲ့ဝန်ဆောင်မှု ဘယ်လိုလုပ်ရမယ်ဆိုတာအကြံပြု လိုက်ပါရစေ။

မျက်စိဖွင့်နားစွင့်ထား
ပထမဆုံးသတိပြုထားသင့်တဲ့ အချက်တစ်ခုကတော့ ကားအငှားဝန်ဆောင်မှုလုပ်ငန်းဆိုတာ ဒီဘက် ခေတ်မှာ သိသိသာသာကျယ်ပြန့်လာသလို ပြိုင်ဆိုင်မှုလည်း ပြင်းထန်တယ်ဆိုတဲ့အချက်ကိုပါ။ ကိုယ်ကမှန် ကန်တဲ့အစီအစဉ်တွေကို ချမှတ်ထားနိုင်မယ် ဒါမှမဟုတ် ရေရှည်အတွက် အကွက်ကျကျတွေးတောထားနိုင် မယ်ဆိုရင်တော့ ကိုယ်ကြုံတွေ့ရင်ဆိုင်လာရမယ့် အန္တရာယ်တွေကိုလျော့ချထားနိုင်မှာဖြစ်ပါတယ်။ “မင်းကြို တင်ပြင်ဆင်ထားရမယ်။ ဘာကြောင့်လဲဆိုရင် ကြိုတင်ပြင်ဆင်ဖို့ ပျက်ကွက်ခြင်းက ကျရှုံးမှုတွေအတွက်ကြို တင်ပြင်ဆင်ထားခြင်းဖြစ်နေလို့ပဲ” ဆိုတဲ့ စကားလိုပါပဲ။ ကိုယ်တိုင်လုပ်ငန်းမစတင်ခင် လုပ်ငန်းတူတွေဆီက အကြံဉာဏ်တွေရယူတာ။ သူတို့ရဲ့လုပ်ငန်းလည်ပတ်ပုံ၊ Proceduces တွေ ဘယ်လိုသွားနေတယ်ဆိုတဲ့ အချက် ကိုလေ့လာတာစတဲ့ သုတေသနဆန်တဲ့အချက်တွေ လုပ်ထားသင့်ပါတယ်။

ဘယ်လိုငှားရမ်းမှာလဲ
ကားငှားရမ်းတဲ့လုပ်ငန်းမှာလည်း ကဏ္ဍတစ်ခုတည်းမဟုတ်ဘဲ အမျိုးမျိုးရှိနေပါတယ်။ ဒီအထဲကမှ မြင် သာတဲ့နှစ်ခုကိုဆွဲထုတ်ပြရမယ်ဆိုရင်တော့ စာချုပ်စာတမ်းနဲ့ ကာလရှည်ငှားရမ်းတဲ့အချက်နဲ့ နေ့စဉ် ငှားရမ်းတာ ဆိုတဲ့အချက်နှစ်ချက် သေချာပေါက်ထွက်လာမှာပါ။ စာချုပ်နဲ့ကာလရှည်ငှားရမ်းတဲ့ အချက်က လုပ်ငန်းရှင်တွေ ပြုလုပ်တာများပြီး တစ်ရက်ချင်းစီအငှားများသူတွေကတော့ ဘုရာဖူးသွားလိုသူတွေ၊ ကမ်းခြေတစ်ခုခုကို အပန်း ဖြေခရီးထွက်လိုသူတွေ ပြုလုပ်ကြတာများပါတယ်။ ဒါကြောင့်ကိုယ်က ဘယ်လိုငှားရမ်းမှုမျိုးကိုပိုပြီး အာသီသရှိ တာလဲဆိုတဲ့အချက်ကို ကြိုတင်တွေးတောရင်း လုပ်ငန်းစတင်ရပါလိမ့်မယ်။

ကားတွေစုထား
ဘယ်လိုနည်းလမ်းမျိုးနဲ့ လုပ်ငန်းလည်ပတ်မယ်ဆိုတဲ့အချက်ကို စဉ်းစားပြီးပြီဆိုရင်တော့ ကားအငှား ၀န်ဆောင်မှုလုပ်ငန်းစတင်ဖို့ ကားတွေစုဆောင်းထားဖို့ လိုအပ်ပါပြီ။ ကိုယ်တစ်ဦးတည်းက လုပ်ငန်းအတွက် လိုအပ်တဲ့ကားတွေ အားလုံးကိုဝယ်မှာလား။ ဒါမှမဟုတ် အစုဝင်လိုသူတွေကိုလက်ခံပြီး သူတို့ရဲ့ကားတွေနဲ့ စုပေါင်းပြီး လုပ်ငန်းစတင်မှာလားဆိုတာ တွေးတောရမှာဖြစ်ပါတယ်။ ကားတွေကိုစုဆောင်းတဲ့နေရာမှာလည်း ကိုယ့်ကားက ကြီးမားနေစရာမလိုပါဘူး။ ကားပိုကြီးလေ ၀င်ငွေပိုရလေပဲဆို တဲ့အတွေးကိုစိတ်ထဲကမောင်း ထုတ်ထားဖို့ လိုအပ်ပါတယ်။ အဓိကကတော့ ကိုယ့်ရဲ့ကားကကြီးသည် ဖြစ်စေ၊ သေးသည်ဖြစ်စေ ငှားရမ်းလာ သူအတွက်အကောင်းဆုံး ၀န်ဆောင်မှုပေးနိုင်လောက်အောင် စီမံထားနိုင်ဖို့ပဲလိုအပ်တာပါ။

ဈေးကွက်ရှာပါ
ဒီအချက်က အရေးအကြီးဆုံးပဲဖြစ်ပါတယ်။ ဘယ်လိုနေရာဒေသမျိုးမှာ ကာအငှားလုပ်ငန်းလုပ်ကိုင် မလဲဆိုတဲ့အချက်က လွယ်မယောင်နဲ့ ခက်တဲ့လုပ်ငန်းတစ်ခုဖြစ်တာကြောင့် အသေအချာ အလေးအနက် ထားပြီးစဉ်းစားသင့်တာပါ။ ဘယ်လိုမြို့မှာကိုယ့်လုပ်ငန်းကိုစတင်မလဲ။ ကိုယ်ရွေးချယ်လိုက်တဲ့ မြို့မှာ ဘယ်လို ပြိုင်ဘက်မျိုးတွေနဲ့ ယှဉ်ပြိုင်ရဖို့ရှိမလဲ။ ရှိခဲ့ရင်သူတို့နဲ့ ယှဉ်ပြိုင်လို့ရအောင်ဈေးနှုန်းကအစ၊ ၀န်ဆောင်မှုအဆုံး ဘယ်လိုပြင်ဆင်ထားရမယ်ဆိုတာ တွက်ချက်ရပါလိမ့်မယ်။ အကယ်၍ မြို့တစ်ခုကို ရွေးချယ်ခဲ့ပြီဆိုရင်တောင် လေယာဉ်ကွင်း၊ နိုင်ငံတကာဆိပ်ကမ်း တစ်ခုခုနဲ့ အနီးအနား စတာတွေကိုရွေးချယ်သင့်ပါတယ်။ ဒါပေမဲ့ အဲလို နေရာတွေကို ရွေးချယ်လိုက်ပြီဆိုရင်တော့ မမေ့မလျော့ဘဲတစ်ခုပြုလုပ်ထားသင့်တာပါ။ အဲဒါကတော့ ကိုယ့် လုံခြုံရေး CCTV ကင်မရာတပ်ဆင်ထားဖို့ပါပဲ။

အာကာထက်ဝေ

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape
Share on Google Plus

0 comments:

Post a Comment