iPhone 6 Plus ကင်မရာနဲ့ Samsung Galaxy S6 ကင်မရာ






စမတ်ဖုန်းကင်မရာတွေထဲမှာအကောင်းဆုံးလို့ပြောနိုင်တာက iPhone 6 Plus ကင်မရာနဲ့ Samsung Galaxy S6  ကင်မရာ


လက်ရှိစမတ်ဖုန်းကင်မရာတွေထဲမှာ အကောင်းဆုံးလို့ပြောနိုင်တာတွေက iPhone 6 Plus ရဲ့ ကင်မရာနဲ့ Samsung Galaxy S6 တို့ရဲ့ကင်မရာတို့ပါပဲ။ အခြားကင်မရာတွေနဲ့ယှဉ်ပြီးရိုက်ကြည့်တဲ့အခါမှာ ဒီကင်မ ရာနှစ်ခုက သိသိသာသာကို ပိုကောင်းလာနေပါတယ်။ အဓိကကတော့ Apple နဲ့ Samsung တို့ရဲ့ ကင်မရာ တည်ဆောက်ရာမှာ ပါးနပ်စွာအသုံးပြုထားတဲ့ hardware တွေ၊ Lens တွေနဲ့ Sensor တွေကြောင့်ပါ။ အထူးသဖြင့်တော့ Samsung ရဲ့ Infrared Sensor က Wite balance ကိုအကောင်း ဆုံးချိန်ညှိနိုင်အောင်လုပ်ပေးနိုင်တဲ့အတွက် သဘာဝအရောင်တွေကို ပီပီပြင်ပြင်မြင်ရအောင် ချိန်ညှိပေးနိုင် ပါတယ်။

 အထူးသဖြင့်အလင်းအားနည်းတဲ့နေရာတွေမှာပါ။ iPhone အတွက်ကြတော့ Focus Pixels ဆိုတဲ့နည်း ပညာကြောင့် Phase Detection Autofocus မှာ အရမ်းမြန်ပါတယ်။ ဒါကြောင့် တစ်ခုခုဆိုရင် ကင်မရာ ဖွင့်လိုက်တာနဲ့ တခြားကင်မရာတွေလိုဝါးမနေဘဲ Object တွေကို တိတိကျကျပြတ်သားစွာမြင်ရစေပါတယ်။ အဲဒါကြောင့် ဓာတ်ပုံကိုအခြားကင်မရာတွေထက်ပိုမြန်မြန်ရိုက်လို့ရလာစေပါတယ်။

ဒါပေမဲ့ဒါတွေကတင်အခြားကင်မရာတွေထက်သာစေတဲ့အချက်မဟုတ်ပါဘူး။ Samsung  နဲ့ Apple တို့မှာ လျှို့ဝှက်ချက်နောက်တစ်မျိုးရှိနေပါသေးတယ်။ ကျွန်တော်တို့တတွေက ဖုန်းတွေနဲ့ဓာတ်ပုံရိုက်တာကို တစ်နေ့တခြားပိုပိုပြီးလုပ်လာနေကြပါတယ်။ အရင်ကဆိုရင် Digital Camera လေးတွေနဲ့တစ်ခုခုဆိုရင် ဓာတ်ပုံရိုက်ကြတယ်ဆိုပေမယ့် အခုတော့ DSLR တွေနဲ့ Pro အဆင့်ရိုက်ကြတာမျိုးကလွဲရင် အတော်များများကဖုန်းနဲ့ပဲရိုက်ကြတော့တာပါ။ တစ်နေ့တစ်နေ့ ကျွန်တော်တို့ဖုန်းတွေရဲ့ Gallery တွေမှာ ဓာတ်ပုံတွေစုပြုံတိုးပွားလာနေသလို၊ ဖုန်းတွေမှာ VSCO Cam လိုမျိုး၊ Camera 360 လိုမျိုး ဓာတ်ပုံရိုက်တဲ့ App တွေ၊ Snapseed လိုမျိုး၊ Photoshop Touch လိုမျိုး Photo Editing app တွေကလည်း မှိုလောက်ပေါလာနေတာပါ။ ဒါဆိုရင် ကျွန်တော်တို့လိုနေတာက ပိုကောင်းတဲ့ကင်မရာ Hardware တွေပါပဲ။

ဖုန်းတွေမှာကင်မရာတွေစပြီး ထည့်ပေးပြီးချိန်ကစလို့ ဖုန်းကင်မရာတွေဟာတစ်နေ့ထက်တစ်နေ့ တိုးတက် လာနေ ပါတယ်။ ဒီနေ့ခေတ်စမတ်ဖုန်းတွေမှာပါဝင်နေတဲ့ကင်မရာတွေဟာ တစ်ချိန်ကအပျော်တမ်း Digital ကင်မရာတွေထက် အစပေါင်းမျာစွာကိုပိုသာနေပါပြီ။ အထူးသဖြင့်တော့ Apple နဲ့ Sansung တို့ဟာ သူတို့ရဲ့ Flagship ဖုန်းတွေအသစ်တစ်လုံးထုတ်လိုက်တိုင်း ပိုကောင်းတဲ့ ကင်မရာနည်းပညာ တစ်ခုခုကို ထည့်ပေးလိုက်ရင်း ပိုကောင်းတဲ့ဓာတ်ပုံတွေရိုက်နိုင်စေဖို့ ကြံဆတီထွင်ပေးနေရပါတယ်။ 

လက်ရှိမှာစမတ်ဖုန်းကင်မရာတစ်ခုအဖို့ သာမန် Megapixel များတယ်ဆိုရုံ၊ Aperture ပိုကောင်းတယ် ဆိုရုံလောက် နဲ့ မပြီးတော့ပါဘူး။ ဒါမျိုးက ဖုန်းကုမ္ပဏီတိုင်းလုပ်နိုင်နေတဲ့အလုပ်ပါ။ ဒါကြောင့် Samsung ဆိုရင် Galaxy S5 ကနေ S6 ကိုအကူးအပြောင်းမှာ အရင်ရှိပြီး Magapixel ကိုပဲဆက်သုံးနေတာပါပဲ။ ဒါဆိုရင် Apple တို့ Samsung တို့က သူများနဲ့မတူအောင်ဘာတွေကိုအပြောင်းအလဲလုပ်ခဲ့ပါသလဲ။
အဓိကကတော့ ကျွန်တော်တို့ဓာတ်ပုံရိုက်တဲ့နေရာမှာရှိပါတယ်။ ကင်မရာကိုကိုင်ပြီးဓာတ်ပုံရိုက်တာမှာ ဘယ်လောက်ပဲလက်ကိုငြိမ်အောင်ကြိုးစားပြီးထိန်းထားထား၊ ဘယ်လိုမှမငြိမ်နိုင်ပါဘူး။ 

ကင်မရာဆိုတဲ့သဘောကလည်း အလင်းနဲ့အလုပ်လုပ်ရတာဖြစ်တဲ့အတွက် နည်းနည်းမှအတိမ်းအစောင်း မခံတာပါ။ ဒီနေရာမှာ ဒီပြဿနာကိုဖြေရှင်းဖို့အတွက်ပေါ်လာတဲ့နည်းပညာက Optical Image Stabilization ပါပဲ။ ဒါဟာ Samsung နဲ့ Apple တို့အဖို့ အခြားသောပြိုင်ဘက်တွေကို အသာရစေတဲ့ နည်းပညာဖြစ်လာပါတယ်။

အရင်က Digital Imgae Stabilization ကိုပဲသုံးခဲ့ကြပေမယ့် အခုအခါမှာ Digital ထက်ပိုကောင်းတဲ့ Optical Image Stabilization ကိုသုံးလာပါတယ်။ လက်ရှိမှာ ဒီ OIS နည်းပညာကို အသုံးပြုနေတဲ့ စမတ်ဖုန်းကင်မရာ အများအပြားရှိနေပြီးသားပါ။ အထူးသဖြင့်တော့ Nokia, HTC, ZTE,Vivo, Lenovo နဲ့ Google Nexus တို့မှာသုံးနေပါတယ်။ ဒါပေမဲ့ တကယ့်ကို OIS နဲ့အခြားသောနည်းပညာတွေပေါင်းစပ်ပြီး ထိထိရောက်ရောက်ဖြစ်အောင် Implement လုပ်ယူတဲ့နေရာမှာတော့ Samsung နဲ့ Apple တို့က အကောင်းဆုံးရလဒ်ကိုရအောင်လုပ်ပေးနိုင်ခဲ့ပါတယ်။
မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment