ချက်ချင်းတွက်ချက်ပေးနိုင်တဲ့ Unit Converter Plus








လိုအပ်တဲ့တန်ဖိုးအရေအတွက်ကိုထည့်ပေးရုံနဲ့ ချက်ချင်းတွက်ချက်ပေးနိုင်တဲ့ Unit Converter Plus


ယနေ့ခေတ်အချိန်အခါဟာ Android ရဲ့အကောင်းဆုံးအချိန်အခါလို့တောင်ပြောရမလိုဖြစ်နေပါပြီ။ နောက်ပိုင်းထုတ်လုပ်တဲ့အီလက်ထရောနစ်လူသုံးကုန် မိုဘိုင်းပစ္စည်းအစရှိတဲ့ ဘယ်ပစ္စည်းကိုပဲကြည့်ကြည့် Android OSကို တွင်တွင်ကျယ်ကျယ်အသုံးပြုလာတာတွေ့ရပါတယ်။ Android OS သုံး Smart ကင်မရာ၊ Android OS သုံး လမ်းညွှန်စက်၊ Android သုံး HDTV အစရှိတဲ့လူသုံးကုန်ပစ္စည်းတွေ အသီးသီးမှာ သုံးနေကြ အီလက်ထရောနစ်ထိန်းချုပ်စနစ်တွေနေရာမှာ တဖြည်းဖြည်းအစားထိုးဝင်ရောက် လာနေပါတယ်။ 

အလားတူပဲ Android OS သုံး စမတ်ဖုန်းတွေ Tablet တွေရဲ့ Apps တွေဟာလည်း တချို့လူသုံး ကုန်တွေနေရာကို တဖြည်းဖြည်းအစားဝင်ရောက်လာတာကို သတိထားမိပါလိမ့်မယ်။ ဥပမာ Calculator လိုပစ္စည်းမျိုးကို အရင်တုန်းကဈေးတွေ၊ ဆိုင်တွေနဲ့ တွက်ချက်မှုတွေအသုံးပြုရတဲ့ ကျောင်းသားတွေ လုပ်ငန်းခွင်တွေမှာ မရှိမဖြစ်အသုံးပြုကြပေမယ့် အခုအခါမှာတော့ ပိုမိုကောင်းမွန်တဲ့ Android Apps တွေက Tablet တွေ ဖုန်းတွေနဲ့အတူဝင်ရောက်နေရာယူခဲ့ကြပါပြီ။ ဒါ့အပြင် အပူချိန်၊ အလေးချိန်၊ အလျားအနံ၊ ဖိအား၊ ကိန်းဂဏန်း၊ အချိန် အစရှိတဲ့အတိုင်းအတာယူနစ်တွေကို သိချင်တဲ့အခါ ပုံသေနည်းတွေကျက်ကာ စာရွက်ပေါ်မှာရေးပြီးတွက်ချက်နေစရာမလိုဘဲ လိုအပ်တဲ့ တန်ဖိုးအရေအတွက် ကိုထည့်ပေးရုံနဲ့ ချက်ချင်းတွက်ချက်ပေးနိုင်တဲ့ Unit Converter Plus လို Apps မျိုးလည်းအသုံးပြုနိုင်ပြီဖြစ်ပါတယ်။ 

ဒီလိုတွက်ချက်ပြောင်းလဲပေးနိုင်တဲ့ Apps မျိုးအများအပြားရှိပေမယ့် Unit Converter Plus ဟာ ပိုပြီးစုံလင် ကာ စိတ်ဝင်စားစရာကောင်းပါတယ်။ စွမ်းအင်ကိုတိုင်းတာတွက်ချက်တဲ့နေရာမှာ 1 Horsepower မှာ ဘယ်လောက် Watt ရှိသလဲအလွယ်တကူသိရှိနိုင်သလို ကိန်းဂဏန်းပြောင်းလဲမှုကို တွက်ချက်တဲ့နေရာ မှာလည်း Decimal တန်ဖိုးဘယ်လောက်ကို Binary တန်ဖိုး ဘယ်လောက်အနေနဲ့သိမ်းမလဲဆိုတာ ချက်ချင်းသိရှိနိုင်ပါလိမ့်မယ်။ နယ်ပယ်အသီးသီးအတွက် မျိုးစုံအသုံးပြုနိုင်တဲ့အပြင် အသိပညာဗဟုသုတ တိုးပွားစေဖို့လည်း အသုံးပြုနိုင်ပါတယ်။

Application ဖွင့်လိုက်တာနဲ့ ဖုန်းမှာရှိတဲ့ Unit Converter plus ရဲ့ Home ကို တွေ့မြင်ရပြီး favorites, Converters, Calculators, Search ဆိုပြီး အသုံးပြုနိုင်မယ့် အပိုင်း ၄ ပိုင်းကိုတွေ့မြင်ရပါမယ်။ Favorites ကတော့ Converter တွေအများကြီးထဲက ကိုယ်နဲ့ဆိုင်တဲ့ ကိုယ်သုံးလေ့ရှိတဲ့ Converter ကို အလွယ်တကူပြန်သုံးနိုင်အောင် မှတ်ထားပေးတာပဲဖြစ်ပါတယ်။ Converter ကတော့ ရှိသမျှနယ်ပယ်ပေါင်းစုံ ထောင့်ပေါင်းစုံအတွက် အသုံးပြုနိုင်စေပြီး A to Z အက္ခရာအစဉ်အတိုင်း တွေ့မြင်နိုင်ပါတယ်။

Search ကတော့ များပြားလှတဲ့ converter တွေထဲက ကိုယ်ရှာချင်တဲ့ converter ကို နာမည်ရိုက်ထည့်ပြီးအလွယ်တကူရှာနိုင်ပါတယ်။

Converter တွေအနေနဲ့ တကယ်ကို ပြည့်ပြည့်စုံစုံထည့်သွင်းရေးသားပေးထားတဲ့အတွက် ဒီ converter ကို ရယူအသုံးပြုသူ တစ်သန်းကျော်ရှိပြီး အများစုက ကျောင်းသူ/ကျောင်းသားတွေဖြစ်ပါတယ်။ Converter တွေထဲက အသုံးများတဲ့ converter တစ်ခုကို ဥပမာပြရရင် Currency Converter ဟာ မြန်မာအပါအ၀င် ကမ္ဘာ့အနှံ့အပြားက နိုင်ငံပေါင်း ၁၆၅ နိုင်ငံရဲ့ ငွေကြေးတန်ဖိုးတွေကို အချိန်နဲ့တစ်ပြေးညီဖော်ပြပေးနိုင်ပါတယ်။ ငွေကြေးတန်ဖိုးကို update ပြုလုပ်ဖို့အတွက်တော့ menu ကိုနှိပ်လိုက်ပြီး ပေါ်လာတဲ့ reload ကို နှိပ်ပေးရပါမယ်။ ဒီလို update လုပ်တဲ့အချိန်မှာတော့ အင်တာနက် connection ရယူထားရပါမယ်။

နောက်တစ်ခုက ဗဟုသုတအနေနဲ့ အရည်နဲ့ပတ်သက်တဲ့ အချင်အတွယ်တွေမှာ 1 Gallon မှာ အစက်ပေါင်း ဘယ်လောက်ရှိတယ်ဆိုတာမျိုးလည်း သိရှိထားနိုင်ပါတယ်။ စမ်းသပ်အသုံးပြုချင်တယ်ဆိုရင်တော့ Google playstore မှာ အခမဲ့ရယူနိုင်မှာဖြစ်ပြီး အလွယ်တကူထည့်သွင်းနိုင်ပါလိမ့်မယ်။ ဒါမှမဟုတ် ပေးထားတဲ့ Link [http://www.mediafire.com/?obobuj63d3d4je4]ကနေ ရယူနိုင်ပါလိမ့်မယ်။
မင်းသုနောင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment