မင်္ဂလာဧည့်ခံပွကို နောက်မကျအောင် ဘယ်လိုသွားမလဲ။






လွန်ခဲတဲ့သုံးလေးနှစ်ကစလို့ ရန်ကုန်မြို့မှာသွားရေးလာရေးတွေ ကျပ်တည်းကျဉ်းမြောင်းလာတာ အလုံး အသိဖြစ်မှာပါ။ အစိုးရရဲ့ကားတင်သွင်းခွင့်ဆိုင်ရာ မူဝါဒအပြောင်းအလဲတွေကြားမှာ ရန်ကုန်မြို့က ကားလမ်းမတွေ ကြီးငယ်မရွေးယာဉ်ရေစီးကြောင်းတွေဖြစ်ကုန်ပြီး မြို့ပြခရီးသွားလာရေးပါရာ ဒိုင်းတစ်ခုဖြစ်လာ တယ်လို့တောင်ဆိုနိုင်ပါတယ်။ ဒီတော့ အိမ်ပြင်ထွက်လိုက်တာနဲ့ ကိုယ်ပိုင်အချိန်အများစုကို ကားလမ်းတွေပေါ် မှာသာ အများဆုံးကုန်ဆုံးကြရတော့မှာပါ။ သွားလိုရာကိုအချိန်မီရောက်နိုင်ဖို့ လိုအပ်တာထက် အချိန်တွေပိုဝေး လာကြသလို ဒီလိုအချိန်တွေအပိုသုံးနေလျက်နဲ့ နောက်ကျရတဲ့ဘ၀ကလည်း ရုံးမထွက်နိုင်ကြသေးပါဘူး။ အဲဒါ ကြောင့် ကိုယ့်ဘ၀ရဲ့အရေးကြီးတဲ့ အရေးကိစ္စဆောင်ရွက်စရာရှိရင် အချိန်မီရောက်အောင် ဘယ်လိုသွားရမလဲ ဆိုတာ အကြံပြုလိုက်ပါရစေ။

အချိန်မဆွဲနဲ့
ကားကျပ်တဲ့ကိစ္စကို မြည်တွန်တောက်တီးနေမယ်ဆိုရင်တော့ ထူးခြားတဲ့အကျိုးရလဒ်ထွက်ပေါ်လာနိုင် စရာမရှိပါဘူး။ ဒါကကိုယ်တိုင်ဖြေရှင်းဖုိ့ လက်လှမ်းမမီတဲ့ ကိစ္စတစ်ခုဖြစ်ပြီး သက်ဆိုင်ရာ Stake Holder တွေ ကိုယ်တိုင် စနစ်တကျအချိန်ယူဖြေရှင်ပေးမှ ကျော်လွှားနိုင်မယ့် ပြဿနာတစ်ရပ်ဖြစ်ပါတယ်။ ဒီတော့ ကိုယ် ကိုယ်နှိုက်က အခမ်းအနားတစ်ခုကို မဖြစ်မနေအချိန်မီသွားရမယ်ဆိုရင်တော့ မျှော်လင့်ထားတဲ့ထွက်ခွာချိန် ထက်ပိုပြီး စောအောင်အိမ်ကထွက်ဖို့ပဲ ရှိတော့တာပါ။ အဲဒီအတွက် ဟိုရွှေ့ဒီရွှေ့နဲ့ အချိန်မဆွဲသင့်ပါဘူး။

အကျိုးရှိတာလုပ်ဖြစ်ပါစေ
ကားတွေပိတ်လို့ လမ်းပေါ်မှာအချိန်တွေကုန်နေရတာဟာ တကယ်တော့ ဘ၀တွေထိုးကျွေးနေသလို နှမျောစရာကောင်းလွန်းပါတယ်။ အလုပ်လုပ်နိုင်တဲ့အချိန် စာသင်ခန်းထဲရောက်နေမယ့်အချိန်တွေဟာ ကားပေါ် မှာ အလဟသဖြုန်းတီးနေရမှုကို ကိုယ့်အတွက်အမြင့်ကိုတက်မယ့် လှေကားထစ်တွေအဖြစ်ပြောင်းလဲပစ်လို့ဖို့ ဘယ်တော့မှမေ့လျော့မနေသင့်ပါဘူး။ ကိုယ်လိုရာခရီးကိုသွားနေချိန်အတွင်း နှစ်သက်ရာစာအုပ်တစ်အုပ်နဲ့ကား ကျပ်နေချိန်တွေကို အကျိုးရှိရှိဖြတ်သန်းနိုင်သလို စာအုပ်ဖတ်ဖို့ဆန္ဒမရှိရင်လည်း အသိအလိမ္မာတိုးပွားစေမယ့် အရာတစ်ခုခုကို နားထောင်နေသင့်တာပါ။ သက်ဆိုင်ရာပညာရှင်တွေရဲ့ ဟောပြောပို့ချမှုအသံဖိုင်တွေ ဘာသာ တရားနဲ့သက်ဆိုင်တဲ့ ဒေသနာတွေ စသဖြင့်ရွေးချယ်စရာတွေ အများအပြားရှိနေပါတယ်။

ကြိုတင်လုပ်ဆောင်တဲ့ အကျင့်ပျိုးထောင်ပါ။

အရေးကြီးတဲ့ဧည့်ခံပွဲတွေတက်ရောက်ဖို့ရှိတဲ့ လူတွေအနေနဲ့လုပ်စရာရှိတဲ့ အလုပ်တွေကို အမြဲတမ်း ကြိုတင်ပြုလုပ်ထားတတ်ဖို့ လိုအပ်ပါတယ်။ ဧည့်ခံပွဲမှာဘာတွေဝတ်မလဲ။ ဘယ်အချိန် အိမ်ကစထွက်လဲဆိုတာ ကအစ ဘယ်အချိန်မှာဖီးလိမ်းပြင်ဆင်မယ်ဆိုတာ အဆုံး၊ တစ်ရက်အကြိုလောက်ကတည်းက ကြိုတင်ပြင်ဆင် ထားသင့်တာပါ။ ဒါ့အပြင် တစ်နာရီအတွင်းရောက်နိုင်မယ့်ခရီး အကွာအဝေးဖြစ်နေရင်တောင် တစ်နာရီခွဲ လောက် ကြိုပြီးသွားသင့်ပါတယ်။ ကိုယ့်ဘက်က ဘယ်လိုနေရာမှာပဲဖြစ်ဖြစ် ထောင့်စေ့အောင်စီစဉ်ထားနိုင်မှ တော်ကာကျမှာကြောင့် ဖြစ်ပါတယ်။

လမ်းရွေးတတ်ပါတယ်။
“Better Late than Never” ဆိုတဲ့ စကားပုံတစ်ခုရှိပေမယ့် တစ်သက်မှာတစ်ခါသာကြုံရမယ့် ဧည့်ခံပွဲလိုနေရာမျိုးကိုတော့ ဒီစကားပုံနဲ့သွားချိန်ထိုးကြည့်လို့ မရပါဘူး။ ဒါ့ကြောင့် နောက်မကျဘဲအချိန်မီ ရောက်အောင်သွားဖို့ စီစဉ်တဲ့နေရာမှာ ကိုယ့်ဘက်ကဖြတ်လမ်းတွေကိုပါ သိထားဖို့လိုအပ်ပါတယ်။ ဧည့်ခံပွဲ အချိန်၊ နေရာတွေကို အသေးစိတ်မှတ်သားထားပြီး ဘယ်အချိန်မှာ အဲဒီ့နေရာမှာကားကျပ်တတ်တယ်။ သတ်မှတ်ထားတဲ့နေရာကို အလွယ်ကူဆုံးနဲ့ အမြန်ဆုံးရောက်ဖို့ ဘယ်လမ်းကအသင့်တော်ဆုံးဖြစ်တယ်ဆိုတာ တွေကိုသိထားမယ်ဆိုရင် အကောင်းဆုံးဖြစ်မှာပါ။



အာကာထက်ဝေ







-------------------------------------------------------- ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape







Share on Google Plus

0 comments:

Post a Comment