ဖက်ရှင်ဘလော့ဂါတစ်ယောက်ဖြစ်ချင်ပါသလား










အောင်မြင်တဲ့ဖက်ရှင်ဘလော့ဂါတစ်ယောက်ဘ၀က စိတ်လှုပ်ရှားဖို့ကောင်းပါတယ်။ သူတို့က ဖက်ရှင်တွေ အကြောင်းလေ့လာတယ်။ ဖက်ရှင်တွေအကြောင်းရေးတယ်။ ကြည့်လိုက်ရင်လည်း သူများတွေနဲ့ အတူ စတိုင်ကျနေတယ်။ အဲဒီတော့ ဖက်ရှင်ဘလော့ဂါတစ်ယောက်ဖြစ်ဖို့ ဘယ်လိုကြိုးစားကြမလဲ။

ကိုယ်ရည်ကိုယ်သွေး
ပထမဦးဆုံးနဲ့ အရေးကြီးဆုံးအချက်က သူများကိုလွှမ်းမိုးနိုင်တဲ့ ကိုယ်ရည်ကိုယ်သွေးရှိဖို့ပါ။ ဖက်ရှင်ဆိုတာ လွှမ်းမိုးတဲ့အရာဖြစ်တဲ့အတွက် ဖက်ရှင်အကြောင်းရေးမယ့်ကိုယ်တိုင်ကလည်း လူအများကိုလွှမ်းမိုးနိုင် စွမ်းရှိတဲ့ ကိုယ်ရည်ကိုယ်သွေးရှိဖို့လိုပါတယ်။

ကိုယ့်ဘလော့ဂ်ကကွဲပြားမှုရှိပါစေ
နောက်တစ်ခုက ကိုယ်ဖန်တီးတဲ့ဘလော့ဂ်က သူများတွေနဲ့မတူဘဲ ထူးခြားမှုရှိဖို့ပါ။ လူတိုင်းလုပ်လေ့ လုပ်ထရှိတဲ့အမှားတစ်ခုက ပုံတူကူးချတာပါ။ အဲဒီအတွက် ပထမဆုံးသူများရေးထားတာတွေ လေ့လာပါ။ သူတို့နဲ့မတူတဲ့ ရှုထောင့်ကနေပြန်ပြီး အသစ်ဖန်တီးပါ။

စာတင်တယ်ဆိုရုံမလုပ်နဲ့
ဖက်ရှင်နဲ့ပတ်သက်ပြီးရေးတဲ့အခါ စိတ်ဝင်တစားရေးပါ။ အဲဒါမှ ဖတ်တဲ့သူကလည်း စိတ်ဝင်တစား ရှိမှာပါ။ တင်တယ်ဆိုရုံပဲမတင်ပါနဲ့။ အတွင်းကျကျသေသေချာချာလေ့လာပြီးမှတင်ပါ။

ရည်ရွယ်တဲ့ပရိသတ်
ဖက်ရှင်နဲ့ပတ်သက်ပြီးရေးတဲ့အခါ သာမန်ကာလျှံကာမျှမရေးပါနဲ့။ အမျိုးသားအတွက်၊ အမျိုးသမီးအတွက်၊ အသက်အရွယ်၊ ဒေသပေါ်မူတည်ပြီး သေသေချာချာရည်ရွယ်ရေးမှ ကိုယ်လိုချင်တဲ့ရည်ရွယ်ချက်၊ ဆိုလိုရင်းရောက်မှာပါ။

အဖွဲ့အစည်းတည်ဆောက်
ပထမဆုံးတစ်ယောက်တည်းလုပ်နိုင်သလား။ ကူညီအားဖြည့်ပေးမယ့်သူ ဘယ်နှစ်ယောက်လိုမလဲဆုံးဖြတ်ပါ။ အဖွဲ့အစည်းနဲ့လုပ်တာက ပိုပြီးကျယ်ကျယ်ပြန့်ပြန့်နဲ့ အောင်မြင်နိုင်ချေရှိမှာပါ။

ကင်မရာ
ဖက်ရှင်ဘလော့ဂါတစ်ယောက်အတွက် အရည်အသွေးကောင်းကောင်း ကင်မရာတစ်လုံးလိုအပ်ပါတယ်။ အဲဒါမှ အကောင်းဆုံးပုံရိပ်တွေကို ဖမ်းယူမှတ်တမ်းတင်နိုင်မှာမဟုတ်ပါလား။

ပါဝင်တဲ့အကြောင်းအရာ
ပါဝင်တဲ့အကြောင်းအရာတွေက သူများနဲ့မတူထူးခြားနေဖို့လိုပါတယ်။ အဲဒါမှ ပရိသတ်တွေစိတ်ဝင်တစား စောင့်ကြည့်ရလောက်တဲ့အထိ တန်ဖိုးတက်လာမှာပါ။

Crystal  
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment