အရေးကြီးကစ္စတွေကို စိတ်ကူးရေးဆွဲထားတဲ့ Bridesmaid Wedding Makeover











သတို့သား သတို့သမီးရဲ့ရုပ်ပုံကို ချစ်စရာဇာတ်ရုပ်လေးတွေနဲ့ သရုပ်ဖော်ထားပြီး ဆောင်ရွက်ရမယ့် အရေးကြီးကစ္စတွေကို စိတ်ကူးရေးဆွဲထားတဲ့ Bridesmaid Wedding Makeover

ဒီဂိမ်းလေးက ၀ါကျွတ်ကာလမှာမင်္ဂလားဆောင်ကြမယ့် ငယ်ရွယ်သူ လူငယ်စုံတွဲလေးတွေအဖို့ ကြုံလေ့ကြုံ ထရှိတဲ့ သဘောသဘာဝတွေကို စုဆောင်းဖန်တီးပေးထားပြီး ကိုယ့်ရဲ့မင်္ဂလာပွဲအတွက် သတိထားဆောင် ရွက်နိုင်မယ့် သာဓကလေးတွေကို စုစည်းတင်ပြပေးထားပါတယ်။

ဒီဂိမ်းမှာ သတို့သား၊ သတို့သမီးရဲ့ရုပ်ပုံကို ချစ်စရာဇာတ်ရုပ်လေးတွေနဲ့သရုပ်ဖော်ထားပြီး အထူးသဖြင့် ကိုယ်တိုင်ပါဝင်ဆောင်ရွက်ရမယ့် အရေးကြီးကိစ္စရပ်တွေကို မကြာခဏဖြစ်လေ့ဖြစ်ထရှိတဲ့ပုံစံမျိုးနဲ့ စိတ်ကူးရေးဆွဲထားတဲ့အတွက် အပျင်းလည်းပြေ ဗဟုသုတလည်းတိုးပွားစေပါတယ်။ 

ဥပမာ သတို့သမီးဟာ သူ့ရဲ့မင်္ဂလာဝတ်စုံကို ရုတ်တရက်ကြွက်ကိုက်သွားတဲ့အခါမျိုး၊ စွန်းထင်းသွားတဲ့ အခါမျိုးမှာ အရေးတကြီးဘယ်လိုလုပ်ဆောင်မလဲဆိုတာမျိုး၊ မင်္ဂလာဆောင်နေ့မှာအသုံးပြုရမယ့် ကားကိုရေဆေးထားပြီးအလှဆင်ထားဖို့မေ့နေတာမျိုး၊ ဖိနပ်ရွေးဖို့ချိန်းထားရင်း အရောင်ကိုဂရုတစိုက် မရွေးမိတာမျိုး အစရှိတဲ့ အရေးတကြီးသတိပေးချင်တဲ့အချက်ကလေးတွေကို ဉာဏ်စမ်းသဖွယ် ဆော့ကစားရသလို၊ အလျင်အမြန်လှုပ်ရှားပြီး ကစားရတာမျိုးနဲ့ ဆုံးဖြတ်ချက်မြန်မြန်ဆန်ဆန်ချပြီး ရွေးချယ်ရတာမျိုးအစရှိတဲ့ Game Play ပုံစံ အသီးသီးခွဲကာ တင်ဆက်ထားတဲ့အတွက် စိတ်ဝင်တစားအဆုံးထိ ခေါ်ဆောင်သွားနိုင်တဲ့ဂိမ်းမျိုးဖြစ်စေပါတယ်။ 

Strategy gameplay ဆန်ဆန်ထင်ရပေမယ့် Puzzle ဂိမ်းဖက်ပိုဆန်ပြီး အစောပိုင်းမှာ ဘယ်ကဘယ်လို စလုပ်ရမယ်ဆိုတဲ့ ဂိမ်းရဲ့ Trend ကို သိရှိဖို့အတော်လေးကြည့်ယူရပါလိမ့်မယ်။ ဒါပေမဲ့ In-Game ထဲမှာ ညာဘက်မှာရှိတဲ့ Game Hint လေးတွေကို သတိထားမိမယ်ဆိုရင်တော့ ဘယ်အဆင့်ပြီးရင်ဘာဆက်လုပ်ရမယ်ဆိုတာ သဘောပေါက်ပြီး နောက်ပိုင်းအခန်းတွေကို လွယ်လွယ်ကူကူခရီးဆက်နိုင်ပါလိမ့်မယ်။ အခန်းတစ်ခုတစ်ခုရဲ့အစမှာလည်း စစချင်း Welcome Screen မှာ ဒီအခန်းအတွက် ဘယ်လိုကစားရမယ်ဆိုတဲ့ ညွှန်ကြားချက်ပါလာပြီးသားဖြစ်ပါတယ်။ အဲဒီညွှန်ကြားချက်ကိုတော့ သေချာဖတ်ဖို့လိုပါလိမ့်မယ်။

Banruka
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment