အရောင်တောက်တောက်လေးတွေဘယ်လိုဝတ်မလဲ









အ၀တ်အစား လူတိုင်းဝတ်ကြပေမဲ့ အရောင်တောက်တောက်ပပ၀တ်ဖို့ဆိုတာတော့ အနည်းငယ် လက်တွန့်တတ်ကြပါတယ်။ အရောင်တောက်တွေအစား သဘာဝအရောင်တွေကို ရွေးချယ်ဖြစ်ကြတာများပါတယ်။ တကယ်တမ်းတွေးကြည့်ရင် အရောင်တောက်တွေက ဘာများမှားယွင်းနေလို့ပါလဲ။ ဒီအရောင်တောက်တွေကသာ လူကိုပိုပြီးကြွရွသွားစေမှာမဟုတ်ပါလား။ အဲဒီတော့ အရောင်တောက်တောက်လေးတွေ ဘယ်လိုဝတ်ကြမလဲ။

နှုတ်ခမ်းနီနဲ့ လက်သည်းနီ
အလွယ်ကူဆုံးကတော့ မိတ်ကပ်အသုံးအဆောင်ပစ္စည်းနဲ့ အစပြုပါ။ အနီရဲရဲနှုတ်ခမ်းနီက အနက်ရောင်ဝတ်စုံနဲ့လိုက်ဖက်နေသလို တောက်ပတဲ့လက်သည်း ဆိုးဆေးအရောင်က သာမန်ဝတ်စုံကြားမှာ ထင်ရှားပေါ်လွင်နေမှာသေချာပါတယ်။

အရောင်တောက်လက်ကိုင်အိတ်
နောက်တစ်ခုကတော့ အရောင်တောက်တောက်လက်ကိုင်အိတ်ပါ။ အနက်ရောင်၊ အညိုရောင်တွေအစား အဏုမြူအ၀ါရောင်၊ အနီရောင်၊ အစိမ်းရောင် လက်ကိုင်အိတ်မျိုးပြောင်းကိုင်ကြည့်ပါ။

နေကာမျက်မှန်
နေကာမျက်မှန်အရောင်တောက်တောက်ကလည်း ဖက်ရှင်ကျကျဝတ်ဆင်လိုသူတွေအတွက် မပါမဖြစ်ပစ္စည်းပါ။ မျက်နှာပြင်ထူးခြားပေါ်လွင်နေစေဖို့ ကိုယ်နဲ့ဆိုဒ်မတူတဲ့ မျက်မှန်တွေဝတ်ဆင်စရာမလိုပါဘူး။ မျက်နှာနဲ့အချိုးကျတဲ့ အရောင်တောက်တောက်မျက်မှန်တစ်လက်သာ ၀တ်ဆင်လိုက်ပါ။

လည်စည်းပ၀ါ
လည်စည်းပ၀ါအရောင်လွင်လွင်လေးတွေကလည်း ဂျင်းဘောင်းဘီ၊ တီရှပ်နဲ့ လိုက်ဖက်ပါတယ်။ လည်ပင်းမှာဖြစ်စေ၊ လက်ဖျံမှာဖြစ်စေ ချည်ထားရင် စတိုင်ကျပြီး ၀တ်ဆင်သူကို ပေါ်လွင်စေပါတယ်။

ဖိနပ်
ဝတ်စုံတစ်ခုလုံး သဘာဝအရောင်၊ အရောင်မှိန်ဖြစ်နေပါစေ ဖိနပ်ကို အရောင်တောက်လေးထည့်ပြီး ၀တ်ဆင်လိုက်မယ်ဆိုရင် စိတ်ဝင်စားစရာကောင်းသွားပါလိမ့်မယ်။

လက်ပတ်နာရီ
ရောင်စုံလက်ပတ်နာရီလေးတွေက မိန်းကလေးတွေနဲ့ အသင့်တော်ဆုံးပါ။ လက်ကို ထူးထူးခြားခြားတောက်ပနေစေပြီး ၀တ်စုံတစ်စုံလုံးကို ပြောင်းလဲသွားစေပါလိမ့်မယ်။

ခါးပတ်
ရောင်စုံခါးပတ်လှလှလေးတွေကလည်း ဖက်ရှင်ကျကျဝတ်ချင်သူ မိန်းကလေးတွေအတွက် အသည်းစွဲပါ။ 

လက်ဝတ်တန်ဆာ
ဈေးကြီး၊ တန်ဖိုးကြီးမှ မဟုတ်ပါဘူး။ ဖန်စီလက်ဝတ်လက်စားလှလှလေးတွေကလည်း လူတစ်ယောက်ကိုပြောင်းလဲသွားစေနိုင်ပါတယ်။

Crystal  
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment