အချစ်တွေဘာကြောင့်အေးစက်သွားတာလဲ…








အချစ်ကအမြဲတမ်းစွပ်စွဲမှုတွေ၊ အမုန်းတရားတွေနဲ့ပြီးဆုံးသွားတာမျိုးမဟုတ်ပါ။ တစ်ခါတရံအချစ်က သူ့အလိုလိုပြေလျော့အေးစက်သွားတာပါ။ တစ်ခါတရံအချစ်ကိုနှစ် သက်တာ၊ ဂရုစိုက်မြတ်နိုးတာနဲ့ကွဲ ကွဲပြားပြားမသိဘဲရောထွေးနေတတ်ပါတယ်။ ဒီလိုရောထွေးနေတာက တစ်ယောက်နဲ့ တစ်ယောက် ချစ်တယ် ဆိုတဲ့စကားလုံးကနေရုန်းထွက်ကြတဲ့ အခြေအနေတစ်ခုပါပဲ။

အချစ်စစ်မဟုတ်…
ပထမဆုံးတစ်ယောက်နဲ့တစ်ယောက်အချစ်တွေကုန်ဆုံးသွားတဲ့ အကြောင်းအရင်းတစ်ခုကတော့ အချစ်နဲ့စွဲလမ်းမှုကြား ဒီနှစ်ခုကိုကွဲကွဲပြားပြားသိသွားကြတာပါ။ တစ်ချိန်ကချစ်တယ်ထင်ခဲ့တဲ့အချစ်က တစ်ခဏတာလည်းဖြစ်နိုင်ပါတယ်။ ဒါမှမဟုတ်ရုပ်ပိုင်းဆိုင်ရာ၊ စိတ်ပိုင်း ဆိုင်ရာအရစွဲလမ်းမှုတစ်ခု လည်းဖြစ် နိုင်ပါတယ်။ ဒီလိုကိစ္စမျိုးအတွက်ကတော့နှစ်ယောက်စလုံးအမှန်တရားကိုနားလည်ဖို့အတွက် အချိန်တစ်ခု လိုအပ်တာပါ။

ယုံကြည်မှုမရှိ
တစ်ယောက်နဲ့တစ်ယောက်အချစ်စိတ်တွေ ကုန်ခန်းသွားရတဲ့ အကြောင်းရင်းတစ်ခုကတော့ ဆက်ဆံရေးတစ်ခုမှာအယုံအကြည် ကင်းမဲ့ခြင်းပါ။ ဆက်ဆံရေးတစ်ခုရဲ့ ယုံကြည်မှုပျက်စီးသွားပြီဆိုရင် နောက်တစ်ကြိမ်ပြန်လည်တည် ဆောက်ဖို့ကခက်ခဲပါတယ်။ တစ်ယောက်နဲ့တစ်ယောက်အရမ်းချစ်ပါ တယ်ဆိုသူတွေမှာတောင်သေးငယ် တဲ့လိမ်ညာမှု၊ လှည့်ဖျားမှုလေးကဆက်ဆံရေးတစ်ခုလုံးကိုဖျက်ဆီးပစ် နိုင်ပါတယ်။

အဆက်အသွယ်ကင်းမဲ့
တစ်ယောက်နဲ့တစ်ယောက် အဆက်အသွယ်နည်းပါးတာကလည်း အချစ်တွေကုန်ဆုံးသွားရတဲ့ အကြောင်းအရင်းတစ်ခုပါ။ ပျော်ရွှင်ပြီးနားလည်မှုပြည့်ဝတဲ့ဆက်ဆံရေးတစ်ခုတည်ဆောင်ချင်တယ်ဆိုရင် အဆက်အသွယ်ကအရေးကြီးပါတယ်။ တစ်ယောက်နဲ့တစ် ယောက်အဆက်အသွယ်ဖြတ်လိုက် တဲ့အခါမှာတော့ သံသယတွေပိုကြီးလာပါတယ်။ မဖြေရှင်းရသေးတဲ့ ပြဿနာတွေက ပိုပြီးကြီးထွားလာ ပါတယ်။ နောက်ဆုံးတစ်ယောက်နဲ့တစ်ယောက်သံသယတွေနဲ့အဆုံးသတ်သွားပါတော့တယ်။

သဟဇာတမဖြစ်ခြင်း
လူတစ်ယောက်အကြောင်းသိ ဖို့အချိန်ယူရပါတယ်။ တစ်ရက်၊ တစ်လ၊ တစ်နှစ်တည်းနဲ့တော့လူ တစ်ယောက်အကြောင်းကောင်း ကောင်းသိနိုင်မှာမဟုတ်ပါဘူး။ မတူညီတာတွေညှိနှိုင်းကြမယ်ဆို ပြီး လက်ထပ်ကြတယ်။ ဒါပေမဲ့ မတူညီမှုတွေ ကိုကောင်းကောင်း မကိုင်တွယ် တတ်တဲ့အခါ တစ်ယောက်နဲ့ တစ်ယောက် သဟဇာတ မဖြစ်တော့ဘဲ အချစ်ဟာ အေးစက်သွားပါတော့တယ်။

ပျော်ရွှင်မှုတွေကုန်ဆုံးသွားတယ်…
ရေရှည်ဆက်ဆံရေးတစ်ခုမှာ တချို့သောလူတွေဟာဆက်ဆံရေးကပျော်ရွှင်စရာကောင်းတယ်ဆို တာကိုမေ့လျော့နေတတ်ကြပါတယ်။ တစ်ယောက်နဲ့တစ်ယောက်ချိန်းတွေ့ တာကိုရပ်လိုက်ကြတယ်။ အား လပ်ရက်တွေမှာမတွေ့ဘဲအနားယူကြတယ်။ နှစ်ယောက်သား TV ကြည့်၊ အလုပ်အကြောင်းဆွေးနွေး တာလောက်ပဲလုပ်ကြတော့တယ်။ ဒီလိုလုပ်ရင်းအချိန်တွေကြာလာတဲ့ အခါ အချစ်တွေကအေး စက်ပြီးပျော် ရွှင်စရာကင်းမဲ့လာပါတော့တယ်။

ရင့်ကျက်လာတယ်…
လူတွေကြီးပြင်းလာတဲ့အခါ တစ်ယောက်နဲ့တစ်ယောက်အယူ အဆ၊ အတွေးအခေါ်တွေ၊ အမြင်တွေပါ ပြောင်းလဲလာကြပါတယ်။ ဆက်ဆံရေးတစ်ခုထဲက လူတွေအတွက်တော့ ဒါကပြဿနာပါ။ တစ်ယောက်နဲ့တစ်ယောက်မတူညီ မှုတွေကရင့်ကျက်မှုရဲ့သင်္ကေတ အဖြစ်တစ်ယောက်နဲ့တစ်ယောက် လက်ကိုင်ထားတဲ့ယုံကြည်မှုတွေကို ဖြေရှင်းချက်ထုတ်မနေတော့ဘဲ တိတ်ဆိတ်စွာနေလိုက်ခြင်းအားဖြင့် အချစ်တွေကိုအေးစက်သွားစေပြီး ဝေးကွာသွားစေဖို့ရန်အကြောင်းဖန်လာပါတော့တယ်။

အခွင့်အရေးယူခြင်း
နောက်ထပ်ပြဿနာတစ်ခုကတော့ တစ်ယောက်နဲ့တစ်ယောက် အခွင့်အရေးယူတာပါ။ ဘယ် လောက်ပဲချစ်ကြတယ်ဆိုပေမယ့် ကိုယ်နေရမယ့်စည်းထက်ကျော်လွန် ပြီးမိသားစု၊ ကိုယ်ရေးကိုယ်တာ၊ လူမှုရေးပြဿနာမှာဝင်ရောက်စွက်ဖက်တာက အခွင့်အရေးယူတာပါ။ 

ထိန်းချုပ်လွန်းခြင်း
တစ်ယောက်နဲ့တစ်ယောက် ချစ်လွန်းလို့ထိန်းချုပ်တာကလည်း ပြဿနာတစ်ခုပါ။ ဟိုဟာမလုပ်နဲ့ ဒီဟာမလုပ်နဲ့ ထိန်းချုပ်လွန်းတာက နေထိန်းချုပ်ခံရသူကလည်းမွန်း ကျပ်ပြီးထွက်ပေါက်ရှာလာပါတယ်။ ထိန်းချုပ်တဲ့သူကလည်းစိတ်ကုန်လာပါတယ်။ အချိန်ကြာလာတာနဲ့အမျှ ဒါက ပဋိပက္ခကြီးတစ်ခုလိုဖြစ်ပြီး မဖြေရှင်းရင်းနဲ့ဝေးကွာလာပါတယ်။

စိတ်ကူးယဉ်လွန်းခြင်း
ချစ်သူနှစ်ယောက်ရဲ့မဖြစ်နိုင်တဲ့ စိတ်ကူးယဉ်မှုတွေကလည်းအချစ်ကို အေးစက်သွားစေတဲ့ပြဿနာတစ်ခုပါ။ တစ်ယောက်နဲ့တစ်ယောက် ပထမဆုံးတွေ့ဆုံစဉ်မှာတော့ ကိုယ့်နည်းလမ်းနဲ့ကိုယ်ပျော်ရွှင်ကျေ နပ်စေဖို့ကြိုးစားကြတယ်။ ဒါပေမဲ့ အချိန်အတိုင်းအတာတစ်ခုအရောက် စိတ်တွေတည်ငြိမ်သွားတဲ့အခါမှာ တော့ နဂိုအခြေအနေကိုပြန်ရောက် သွားကြပြီးတစ်ယောက်နဲ့တစ်ယောက် စိတ်ပျက်လက်ပျက်ဖြစ်လာပါတော့တယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment