ဆုံးဖြတ်ချက်တစ်ခုချတော့မယ်ဆိုရင်…










နေ့တစ်နေ့ချင်းစီ အချိန်တိုင်းနီးပါးမှာ လူတွေကဆုံးဖြတ်ချက်တွေချနေရပါတယ်။ ဒီအလုပ်လုပ်သင့်သလား၊ ဒီစကားပြောသင့်သလား စသဖြင့် ကိုယ်ချတဲ့ဆုံးဖြတ်ချက်အပေါ်မူတည်ပြီး ဘ၀အနိမ့်အမြင့်၊ အတက်အကျတွေက ပြောင်းလဲသွားပါတယ်။ တကယ်တော့ ဆုံးဖြတ်ချက်ချတယ်ဆိုတာ မလွယ်ကူပါဘူး။ အဲဒီတော့ မှန်ကန်တဲ့ဆုံးဖြတ်ချက်တွေ ဘယ်လိုချမလဲ။ ဆုံးဖြတ်ချက်တစ်ခုမချခင် ဘာတွေပြင်ဆင်မလဲ…။

အချိန်ယူ
'ပျော်ရွှင်နေချိန်၊ ၀မ်းနည်းနေချိန် ကတိမပေးမိစေနဲ့' ဆိုတဲ့ စကားတောင်ရှိပါတယ်။ ဆုံးဖြတ်ချက်ချတာ လည်း ဒီလိုပါပဲ။ အဲဒီလိုအခြေအနေမျိုးမှာချမိတဲ့ဆုံးဖြတ်ချက်က နောင်တတွေနဲ့ အဆုံးသတ်ရတာ များပါတယ်။ အကယ်၍များ တစ်စုံတစ်ယောက်ကတွန်းအားပေးနေတယ်ဆိုရင်တောင်မှ အချိန်ပေးဖို့၊ မလောဖို့ တောင်းခံပါ။ ပူလောင်နေတဲ့အချိန်ချတဲ့ဆုံးဖြတ်ချက်က ဘယ်တော့မှ ထိရောက်မှန်ကန်မှာ မဟုတ်ပါဘူး။ 

အကြံဉာဏ်ယူ
ကိုယ့်ကိုယ်ချစ်ရတဲ့ ကိုယ်ချစ်ရတဲ့ သူငယ်ချင်း၊ မိသားစုတွေ နယ်ပယ်အသီးသီးမှာရှိတယ်မလား။ တစ်ခါ တစ်ရံ လူတွေက ကိုယ့်ကိုယ်ကိုယ်ဂုဏ်မောက်ပြီး ဆုံးဖြတ်ချက်တွေခပ်လွယ်လွယ်ချမိတတ်ပါတယ်။ ကိုယ် မကျွမ်းကျင်တဲ့နယ်ပယ်ဖြစ်နေတော့ အလွဲတွေဖြစ်ကုန်ပါလေရော။ တကယ်လို့ မသေချာရင် နားလည် တတ်ကျွမ်းသူဆီက အကြံဉာဏ်သာယူလိုက်ပါ။

ငြိမ်းချမ်းမှုကိုရှာဖွေ
ကောင်းမွန်တဲ့ဆုံးဖြတ်ချက်တွေက စိတ်ပျက်စရာ၊ အလျင်စလိုအခြေအနေတွေမှာ လုပ်ရခဲပါတယ်။ စိတ်ရှင်းရှင်းနဲ့ အေးအေးချမ်းချမ်းအချိန်မျိုးမှာ လုပ်ရတာများပါတယ်။ အဲဒါကြောင့် ဆုံးဖြတ် ချက်ကောင်းကောင်း ချတော့မယ်ဆိုရင် ငြိမ်းချမ်းမှုကို ဦးစွာရှာဖွေပါ။ 

အတိတ်ကိုပြန်ကြည့်
တစ်ကြိမ်တစ်ခါတော့ အမှားကျူးလွန်ဖူးကြမှာပါ။ အဲဒါကောင်းပါတယ်။ အခုတစ်ကြိမ် ဆုံးဖြတ်ချက်ချဖို့ အတွက် အတိတ်ကအမှားတွေကို ပြန်တွေးတော၊ သုံးသပ်ပါ။ နောက်တစ်ကြိမ်အလားတူ မမှားဖို့ပေါ့။ 

အရေးကြီးတာဦးစားပေး
တစ်ချိန်တစ်ခါက ဘာဆုံးဖြတ်ချက်ပဲချချ အငြင်းထက် ‘Yes’ ဆိုပြီး လက်ခံဖူးတာပိုများကောင်းများ ပါလိမ့်မယ်။ ဒီလို လွယ်လွယ်ကူကူ ‘Yes’ တွေပြောခဲ့မိလို့ အရေးကြီးတာ အရေးမကြီးတာတွေလည်း ကွယ်ပျောက်လုနီးပါးဖြစ်ဖူးမှာပါ။ အဲဒါကြောင့် ဆုံးဖြတ်ချက်တစ်ခုချတော့မယ်ဆိုတိုင်း ဘယ်ဟာ အရေးကြီးသလဲ။ ဘယ်ဟာဦးစားပေးလဲ ထည့်သွင်းစဉ်းစားပါ။

ကိုယ်မှန်တယ်ထင်တာလုပ်
ဆုံးဖြတ်ချက်တစ်ခုချတိုင်း နှလုံးသားကိုဦးစားပေးပါသလား။ တစ်ခြားလူတွေရဲ့တွန်းအားကို ဦးစားပေးပါသလား။ တစ်ခါတလေမှာ မှန်ချင်ဇောနဲ့ တစ်ခြားလူတွေရဲ့တွန်းအားကို ဦးစားပေးမိတတ်ပါတယ်။ အဲဒါကြောင့်လည်း ဆုံးဖြတ်ချက်တွေအလွဲလွဲအချော်ချော်ဖြစ်ကုန်တာပါ။

ကျော်လွန်စဉ်းစား
ကိုယ့်ယုံကြည်ချက်၊ ရရှိထားတဲ့အချက်အလက်လေးတွေလောက်နဲ့ဘောင်ခတ်ပြီး မစဉ်းစားပါနဲ့။ သတ်မှတ်ထားတဲ့စည်းကိုကျော်လွန်ပြီး စဉ်းစားကြည့်ပါ။ ပြီးမှ ဆုံးဖြတ်ချက်ချကြည့်ပါ။ 

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment