ဘ၀ရဲ့ခက်ခဲကြမ်းတမ်းတဲ့အချိန်ကို ဒီလိုဖြတ်ကျော်ပါ…










စိတ်တွေဖိစီးနေချိန်၊ ရှုပ်ထွေးနေချိန်မှာ ငယ်ဘ၀ကိုပြန်တမ်းတတတ်ကြတာလူတွေရဲ့သဘာဝပါ။ ဘ၀က ခက်ခဲကြမ်းတမ်းနေပြီး ဓါးသွားထက်မှာလမ်းလျှောက်နေရသလို ထိတ်လန့်နာကျင်စရာကောင်းနေရင် အပူအပင်ကင်းတဲ့ကလေးဘ၀ကို သတိရတမ်းတမိတတ်ကြတာ လူတွေရဲ့သဘာဝပါ။ 

ဒါပေမယ့် ပြဿနာတွေကနေရှောင်ပြေးနေတာ အကူအညီဖြစ်လာမှာလည်းမဟုတ်ပါဘူး။ ပေါက်ကွဲ၊ ဒေါသထွက်တာတွေကလည်း အဖြေတစ်ခုရလာစေမှာမဟုတ်ပါဘူး။ ဒီလိုအခြေအနေတွေကိုဖြတ်ကျော်ဖို့ အကောင်းဆုံးနည်းလမ်းက တည်တည်ငြိမ်ငြိမ်နဲ့ တက်တက်ကြွကြွနေဖို့ပါ။ အဲဒီတော့ ခက်ခဲကြမ်းတမ်းတဲ့အချိန်တွေကို ဘယ်လိုဖြတ်ကျော်ကြမလဲ…။

အကောင်းမြင်ပါ
ဘ၀မှာ တစ်စုံတစ်ခုမှားယွင်းသွားတဲ့အခါ ဒီအမှားပေါ်မှာ အာရုံစိုက်တတ်ကြတာ လူတွေရဲ့သဘာဝပါ။ အကောင်းမြင်တတ်သူတွေကတော့ ဒီအမှားအပေါ် အကောင်းမြင်စိတ်တွေမွေးကြပါတယ်။
တရားခံမဖြစ်စေနဲ့
တစ်စုံတစ်ခုမှားယွင်းတဲ့အခါ ကိုယ့်ကိုယ့်ကိုယ်အပြစ်တင်တတ်ကြပါတယ်။ ကိုယ့်ကိုယ်ကိုယ် တရားခံတစ်ယောက်အနေနဲ့သတ်မှတ်အပြစ်တင်နေလို့ ပြဿနာပြီးဆုံးသွားမှာမဟုတ်ပါဘူး။ ဒီအခြေအနေကနေကျော်လွှားသွားစေနိုင်မှာလည်းမဟုတ်ပါဘူး။ အဲဒီတော့ ကိုယ့်ကိုယ်ကိုယ် အပြစ်ရှိသူတစ်ယောက်လိုခံစားမနေပါနဲ့။ တက်တက်ကြွနေပါ။
အကူအညီတောင်း
လူတိုင်းဘ၀မှာ ခက်ခဲတဲ့အချိန်တွေကိုကျော်ဖြတ်ဖူးကြမှာပါ။ ဒါပေမယ့် ပါးနပ်သူတွေကတော့ မိသားစု၊ သူငယ်ချင်းတွေက သူ့ကိုကူညီဖို့အဆင်သင့်ရှိတယ်ဆိုတာ သိထားကြပါတယ်။ အဲဒီတော့ အကူအညီတောင်းခံဖို့ ဘယ်တော့မှဝန်မလေးပါနဲ့။
ကဖိန်းဓာတ်ရှောင်
စိတ်တွေရှုပ်ထွေးထွေပြားနေချိန်မှာ မကောင်းတဲ့အလေ့အထတွေဝင်လာဖို့များပါတယ်။ ဆေးလိပ်သောက်တဲ့လူတွေက ပိုသောက်ကြမယ်။ အရက်သောက်သူတွေပိုသောက်ကြမယ်။ ကော်ဖီသောက်သူတွေလည်း ပိုသောက်ကြမယ်။ တကယ်တော့ စိတ်တွေထွေပြားလေးလံနေချိန်မှာ ကဖိန်းက ပထမဆုံးရှောင်ရမယ့် သောက်စရာတစ်ခုပါ။
ထိန်းချုပ်
ထိန်းချုပ်မှုကင်းမဲ့တာကလည်း အခြေအနေပိုဆိုးရွားစေပါတယ်။ အဲဒီတော့ မထိန်းချုပ်နိုင်တာတွေကို အတတ်နိုင်ဆုံးမေ့လျော့ထားပါ။ ကိုယ်ထိန်းချုပ်နိုင်တာကို ဦးစားပေးဂရုစိုက်ပါ။
ဟာသပြော
'မရယ်ဘူးဆိုရင် ငိုရတယ်' ဒီစကားကမှန်ပါတယ်။ ဘ၀ရဲ့ လွမ်းမောစရာတွေကို ခေတ္တအနားပေးလိုက်ပါ။ ဘာကြောင့်ပဲလွဲချော်သွားခဲ့ မငိုပါနဲ့။ အတတ်နိုင်ဆုံး ရယ်မောပျော်ရွှင်လိုက်ပါ။
ငြင်းပါ
ပတ်ဝန်းကျင်က လူတွေရဲ့အလိုဆန္ဒတွေကို အမြဲတမ်းမလက်ခံမိပါစေနဲ့။ ငြင်းတတ်ဖို့ ကြိုးစားပါ။ ကိုယ်မလုပ်ချင်တာကို ငြင်းခွင့်ရတာကလည်း စိတ်ကိုပေါ့ပါးပျော်ရွှင်သွားရစေမယ့် နည်းလမ်းတစ်ခုပါ။
 

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment