အသားအရေခြောက်သွေ့ပြီး လှချင်တယ်ဆိုရင်

အဆီပြန်တဲ့အသားအရေက ကိုယ့်ကိုယ်အနှောင့်အယှက်တွေဖြစ်နေစေလို့ စိတ်ဓာတ်ကျမ သွားပါ နဲ့။ ဒီထက် တောက်ပပြောင်လက်နေတဲ့ အဆီတွေကိုဖယ်ရှားပေးပြီး ခြောက်သွေ့လှပသွားစေဖို့ နည်းလမ်းကောင်း လေးတွေရှိပါတယ်။

လက်နဲ့မထိနဲ့

လက်မှာ ဘက်တီးရီးယားပိုးမွှားတွေမျိုးစုံ ကပ်ညိနေတတ်ပါတယ်။ ဒီလက်နဲ့ မျက်နှာကို ခဏ ခဏ ထိတွေ့ကိုင်တွယ်တဲ့အခါပိုပြီး အဆီပြန်စေသလို ၀က်ခြံတွေပါပိုထွက်လာစေပါတယ်။

မကြာခဏမဆေးနဲ့

မျက်နှာခဏခဏသစ်လွန်းတာကလည်း မျက်နှာမှာလိုအပ်တဲ့ သဘာဝအဆီတွေကို စုပ်ယူလိုက်တဲ့ အတွက် အဆီဓာတ်ပိုလိုအပ်လာကာ အသားအရေပိုပြီး အဆီပြန်လာရပါတော့တယ်။

ဆပ်ပြာအပြင်းစားတွေရှောင်

အက်စစ်ဓာတ်ပြင်းလွန်းတဲ့ မျက်နှာသစ်ဆပ်ပြာတွေကလည်း မျက်နှာပြင်က အဆီတွေကိုစုပ်ယူလိုက် ပြီး ဒီထက်ပိုအဆီပြန်လာစေပါတယ်။

အဆီပါတဲ့ မိတ်ကပ်ရှောင်

မိတ်ကပ်လိမ်းတဲ့အခါ အဆီဓာတ်မပါဝင်တဲ့မိတ်ကပ်သုံးတာ အသားအရေအတွက် အကောင်းဆုံးပါ။ မိတ်ကပ်မှာပါဝင်တဲ့အဆီက မျက်နှာပြင်ကချွေးပေါက်တွေကိုပိတ်သွားစေပြီး ၀က်ခြံထွက်လာစေပါတယ်။

အစိုဓာတ်မဖြည့်ခြင်း

မျက်နှာသန့်ရှင်းရေးလုပ်ပြီးတိုင်း အစိုဓာတ်ဖြည့်ပေးဖို့က အရေးကြီးပါတယ်။ အစိုဓာတ်မဖြည့်ပေးရင် အသားအရေရဲ့ အတွင်းဆုံးအလွှာတွေခြောက်သွေ့ပြီး ပျက်စီးလာစေပါလိမ့်မယ်။

မိတ်ကပ်အောက်ခံသုံး

မိတ်ကပ်မလိမ်းခင် မိတ်ကပ်အောက်ခံသုံးပေးတာ အသားအရေကျန်းမာစေသလို မိတ်ကပ်သား လည်း တာရှည်ခံစေပါတယ်။

အသားအရေနဲ့လိုက်ဖက်တဲ့ ဖောင်ဒေးရှင်းရွေးချယ်

မျက်နှာအသားအရေနဲ့လိုက်ဖက်တဲ့ ဖောင်ဒေးရှင်းရွေးချယ်ဖို့ အဓိကကျပါတယ်။ မိတ်ကပ်အရည်က အသားအရေကို ချောမွေ့သွားစေပြီး Matte မိတ်ကပ်က အရေပြားပေါ်က အပြစ်အနာအဆာတွေကို ဖုံးကွယ် ပေးပါတယ်။  

ဝဿန်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus