ဖက်ရှင်လည်းကျ ကျန်းမာရေးနဲ့လည်းအညီ မျက်ကပ်မှန်ရွေးချယ်မယ်ဆိုရင်

ကိုယ့်မျက်ဝန်း မျက်နှာအချိုးအစားနဲ့လိုက်ဖက်တဲ့ မျက်ကပ်မှန်ရွေးချယ်တာက လွယ်မယောင်နဲ့ခက်ခဲပါတယ်။ တစ်ခါမှမတပ်ဖူးတဲ့လူတွေအတွက်တော့ လွယ်တယ်လို့ထင်ကြမှာပေါ့။ တကယ်တော့ မျက်ကပ်မှန်တစ်စုံရွေးချယ်တဲ့အခါ စဉ်းစားစရာတွေအများကြီးရှိပါတယ်။ ပထမဆုံး မျက်လုံးကုဆရာဝန်နဲ့တိုင်ပင်ရမှာပါ။ အဲဒါမှ ရွေးချယ်တဲ့အခါ ဆုံးဖြတ်ချက်ချဖို့ လွယ်ကူသွားပါလိမ့်မယ်။

မျက်ဝန်းအမြင်စွမ်းအားစဉ်းစား

ပထမဆုံး ကိုယ့်မျက်ဝန်းက ဘယ်လောက်အထိအမြင်အာရုံစူးရှသလဲဆိုတာ စဉ်းစားရမှာပါ။ အမြင်အာရုံအားနည်းသူတွေ သာမန်မျက်ကပ်မှန်သုံးမယ်ဆိုရင် အဆင်မပြေနိုင်ပါဘူး။

ဘယ်လောက်ကြာကြာဝတ်မှာလဲ

ဘယ်သူမှတော့ အချိန်တိုင်းမျက်ကပ်မှန်တပ်ထားမှာမဟုတ်ပါဘူး။ တစ်ချုို့ကနေ့တိုင်းတပ်တယ်။ တစ်ချို့ကတော့ ပွဲလမ်းသဘင်တွေတက်မှသာတပ်တယ်။ ဘယ်လောက်ကြာကြာတပ်မလဲဆိုတာ မျက်ဝန်းကျန်းမာရေးအတွက် အဓိကကျပါတယ်။ တစ်ချို့မျက်ကပ်မှန်တွေက တစ်နေကုန်တပ်ထားရင် စိတ်ထဲမသက်မသာဖြစ်လာစေပါတယ်။

တစ်ညလုံးတပ်မယ်ဆိုရင်

မျက်ကပ်မှန်တစ်ညလုံးတပ်ဖို့ စဉ်းစားထားရင်တော့ ဆရာဝန်နဲ့ တိုင်ပင်ဆွေးနွေးပါ။ မျက်ကပ်မှန်တွေက တစ်ညလုံးတပ်ဆင်ထားဖို့ အဆင်မပြေပါဘူး။ FDA က ခွင့်ပြုချက်ရထားတဲ့တစ်ချို့ကသာ အောက်ဆီဂျင်မျက်ဝန်းကိုဝင်ရောက်နိုင်စွမ်းရှိတဲ့အတွက် ခွင့်ပြုထားပါတယ်။

သေချာဂရုစိုက်

သာမန်မျက်မှန်တွေနဲ့မတူတာက မျက်ကပ်မှန်မသုံးဘဲပစ်ထားမယ်ဆိုရင် ဘက်တီးရီးယား ဗိုင်းရပ်စ်တွေပွားများနိုင်ပြီး အန္တရာယ်အလွန်ကြီးမားပါတယ်။ အဲဒါကြောင့် မျက်ကပ်မှန်လေးတွေကို မသုံးလဲသေချာဂရုစိုက်ထိန်းသိမ်းပေးဖို့လိုပါတယ်။

ဈေးနှုန်း

တစ်ချို့တွေက မျက်မှန်လည်းတပ်။ မျက်ကပ်မှန်လည်းတပ်ကြပါတယ်။ တစ်ချို့ကတော့ မျက်မှန်တစ်လှည့် မျက်ကပ်မှန်တစ်လှည့်စီတပ်ကြပါတယ်။ အဲဒီအတွက် မျက်မှန်ရော မျက်ကပ်မှန်ရော ဘယ်အရာကို ဈေးနှုန်းအသင့်အတင့်နဲ့ လုံခြုံစိတ်ချရတဲ့ပစ္စည်းသုံးမလဲ စဉ်းစားဖို့လိုလာပါပြီ။

မျက်လုံးအရောင်

မျက်လုံးအရောင်ပြောင်းလဲဖို့ မျက်ကပ်မှန်ကကူညီပေးမှာပါ။ ဈေးကွက်ထဲမှာ မျက်ဝန်းကိုထူးထူးခြားခြားပြောင်းလဲသွားစေတဲ့ မျက်ကပ်မှန်တွေလည်းရှိနေပါတယ်။ အလိုက်ဖက်ဆုံးလို့ထင်ရတဲ့အရောင်သာရွေးချယ်ပါ။

ဓာတ်မတည့်တာတွေမျက်ဝန်းခြောက်သွေ့တာတွေရှိသလား

မျက်ဝန်းဓာတ်မတည့်တာတွေ ခြောက်သွေ့တာတွေဖြစ်တတ်သူများ ဆရာဝန်နဲ့တိုင်ပင်ပြီးမှ တပ်ဆင်တာအကောင်းဆုံးဖြစ်မှာပါ။

Crystal

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus