ဖက်ရှင်ကျတယ်ဆိုတာ တကယ်တော့

ဖက်ရှင်ကျတယ်ဆိုတာ တကယ်တော့အ၀တ်အစားကြောင့်ထက် ဒီအ၀တ်အစားကိုထောက်ပံ့နေတဲ့ ခန္ဓာကိုယ်ကြောင့်ပါ…

ဖက်ရှင်ကျတယ်ဆိုတာ တကယ်တော့ အ၀တ်အစားကြောင့်ထက် ဒီအ၀တ်အစားကိုထောက်ပံ့နေတဲ့ ခန္ဓာကိုယ်ကြောင့်ပါ။ အဲဒါကြောင့်လည်း အခုချိန်မှာ ကျန်းမာလှပဖို့ဆိုတဲ့စကားလုံးအတွက် လေ့ကျင့်ခန်းလုပ်လာကြတာပေါ့။ တချို့ကျတော့ လှချင်စိတ်အားကြီးပြီး အလောတကြီးလုပ်မိရင် အမှားမှားအယွင်းယွင်းနဲ့ အရှုံးပေးကြတယ်။ နည်းစနစ်မှန်တဲ့လူတွေကတော့ ရည်မှန်းထားတဲ့ ခန္ဓာကိုယ်အလှပိုင်ဆိုင်လာကြတယ်။ အဲဒီတော့ လေ့ကျင့်ခန်းရလဒ်ကောင်းတွေထွက်ဖို့ ဘာတွေသတိထားမလဲ။

သွေးပူလေ့ကျင့်ခန်း

တခဏတာလေးဖြစ်ဖြစ် လေ့ကျင့်ခန်းမလုပ်ခင် သွေးပူလေ့ကျင့်ခန်းလုပ်နေတာကို သတိထားမိကြမှာပါ။ သွေးပူလေ့ကျင့်ခန်းလုပ်တဲ့အတွက် မာခဲနေတဲ့ကြွက်သားတွေကို ပြေလျော့သွားစေပါတယ်။

စိတ်အလိုမလိုက်နဲ့

မှားယွင်းလေ့ရှိတာကတော့ လေ့ကျင့်ခန်းလုပ်ပြီးတိုင်း ကယ်လိုရီလောင်ကျွမ်းတာတွေကို မှားတွက်ပြီး အလွန်အကျွံစားကြတာပါ။ အဲဒီတော့ လုပ်ခဲ့သမျှ လေ့ကျင့်ခန်းက အသုံးမ၀င်တော့ပါဘူး။

ရေတစ်ဗူးဆောင်

လေ့ကျင့်ခန်းလုပ်တိုင်း သစ်သီးဖျော်ရည် ဒါမှမဟုတ် ရေဗူးဆောင်သွားပါ။ ဘာလို့လဲဆိုတော့ လေ့ကျင့်ခန်းလုပ်နေရင် ရေဓာတ်ခန်းခြောက်မှာကြောင့်ပါ။

အစီအစဉ်တကျလုပ်

လုပ်ချင်တာတွေချန်၍မလုပ်သွားပါနဲ့ အဆင့်တိုင်းကို စနစ်တကျလုပ်သွားဖို့လိုပါတယ်။ ဒါမှလည်းထိရောက်မှာပါ။

အကြောဆန့်

လေ့ကျင့်ခန်းမလုပ်ခင် အကြောဆန့်ပေးတာက တင်းမာနေတာတွေကိုပြေလျော့စေပြီး လှုပ်ရှားရတာလွယ်ကူအဆင်ပြေစေပါတယ်။

အလွန်အကျွံအလေးမမနဲ့

ဘာပဲလုပ်လုပ် အလွန်အကျွံလုပ်စရာမလိုပါဘူး။ ဖြည်းဖြည်းနဲ့ မှန်မှန်လေးသာလုပ်ပါ။ တဖြည်းဖြည်းအဆင်ပြေသွားမှာပါ။

ဂုဏ်ပြု

နောက်ဆုံး ကိုယ့်ကိုယ်ကိုယ် စိတ်ဓာတ်တက်ကြွစေဖို့ အသင့်အတင့်အောင်မြင်ပြီးတိုင်းဂုဏ်ပြုပေးပါ။

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus