ပထမဆုံးအမြင်နဲ့တင်လွယ်လွယ်မှတ်ချက်မပေးနဲ့










လူတစ်ယောက်အပေါ် ပထမဆုံးအမြင်နဲ့တင် ဆုံးဖြတ်တာဘယ်နှကြိမ်လောက်မှားယွင်းဖူးပါသလဲ။ လူတစ်ယောက်ကို ပထမဆုံးအမြင်နဲ့တင်မဆုံးဖြတ်ဖို့ ဒါအကောင်းဆုံးအကြောင်းပြချက်ပါ။ ဒါပေမယ့်လည်း အားလုံးက ဆုံးဖြတ်နေကြဆဲပါ။ အဲဒီတော့ ဘာကြောင့်မဆုံးဖြတ်သင့်တာလဲ။

လူတိုင်းက မတူကွဲပြားတယ်
ကိုယ်က တစ်ခုခုကြိုက်လို့ သူကလည်းဒီတစ်ခုကြိုက်မယ်မထင်ပါနဲ့။ လူတိုင်းကကွဲပြားပါတယ်။ အဲဒီလိုပဲ သူတို့ရဲ့အကြိုက်တွေလည်းကွဲပြားပါတယ်။

ရုပ်ရည်နဲ့ဆုံးဖြတ်လို့မရ
လူတွေအလွဲကြီးလွဲနေတာက တစ်ဖက်လူရုပ်ရည်ကိုကြည့်ပြီး အဆုံးအဖြတ်လုပ်တာပါ။ သူတို့ဝတ်တဲ့အ၀တ်အစား၊ မိတ်ကပ်၊ ဆံပင်ကိုကြည့်ပြီး ဘာဆိုတာဆုံးဖြတ်လို့မရပါဘူး။

ကိုယ့်ကိုလည်းလာဆုံးဖြတ်တာမကြိုက်
တစ်စုံတစ်ယောက်ကိုမှတ်ချက်မပေးခင် ကိုယ်တိုင်ရော ဒီလိုမှတ်ချက်ပေးခံရတာကြိုက်မကြိုက်ကို ဦးဆုံးခံစားကြည့်ပါ။

ဘယ်သူမှပြည့်စုံတယ်မရှိ
ဘယ်သူမှပြည့်စုံတယ်မရှိပါဘူး ပြည့်စုံလာမှာလည်းမဟုတ်ပါဘူး။ အဲဒီတော့ ပြီးပြည့်စုံမှုမရှိတဲ့လူအချင်းချင်း ဘာကြောင့်အပင်ပန်းခံပြီး မှတ်ချက်တွေပေးနေကြမှာပါလဲ။

အားလုံးကိုမြင်ရတာမဟုတ်
ကိုယ်ကလူတစ်ယောက်ကို မှတ်ချက်ပြုလိုက်တာက တဒင်္ဂလေးအတွင်းမှာပါ။ သူ့ရဲ့ဇာတ်ကြောင်းကို အဆုံးအထိမသိနိုင်ပါဘူး။ အဲဒီတော့ ကိုယ်မှတ်ချက်ပေးတာ မှန်ချင်မှမှန်ပါလိမ့်မယ်။

မှားနိုင်တယ်
လူတစ်ယောက်ကို မမျှမတမှတ်ချက်ပေးလိုက်လို့ နောက်ဘယ်လိုဖြစ်နိုင်တယ်ဆိုတာ စဉ်းစားဖူးပါသလား။ သေချာတာကတော့ သူငယ်ချင်းတစ်ယောက် သိသိသာသာဆုံးရှုံးသွားနိုင်တာပါ။

ကိုယ့်ကိုယ်ကိုယ်ဖော်ပြတယ်
လူတစ်ယောက်ကိုမှတ်ချက်ပေးလိုက်ရုံနဲ့တင် ဒါက ကိုယ့်အဆင့်အတန်း၊ ကိုယ့်ယုံကြည်မှုတွေကို ဖော်ပြနေတာပါ။ ဒါတွေက မှန်ရောမှန်နိုင်ပါ့မလား။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment