ကိုယ့်ချစ်သူနဲ့ နံနက်ခင်းမှာအတူတူနိုးထဖို့…











နံနက်ခင်းနိုးထမှုပုံစံတွေက လူတစ်ယောက်တစ်နေ့တာကိုဖြတ် သန်းဖို့အရေးပါတယ်။ တစ် ယောက် တည်းနိုးထရတာကတောင် အခက်အခဲရှိလှတာ ကိုယ့်ချစ်သူနဲ့ နံနက်ခင်းမှာအတူတူနိုးထဖို့ကပိုပြီး ခက်ခဲပါတယ်။ အတူနေစဉ် ပထမဆုံးမင်္ဂလာဦးနေ့တွေမှာတော့ နံနက်ခင်းက ကြည်နူးစရာအပြည့်ပေါ့။ ဒါပေမဲ့ အချိန်တွေတဖြည်းဖြည်း ကြာလာပြီး ကြည်နူးမှုတွေတစ်စ တစ်စကုန်ခမ်းလာတဲ့အခါ နှစ် ယောက်သားနိုးထရတာက အရင် လိုပျော်စရာမကောင်းတော့ပါဘူး။ အခန့်မသင့်ရင်နံနက်ခင်းစောစောစီး စီးရန်ဖြစ်ပြီး တစ်နေ့တာလုံးလုပ်ငန်း ခွင်အတွက်ပါ အနှောင့်အယှက်ဖြစ်လာစေတတ်ပါတယ်။ အဲဒီတော့ ကြင်စဦးရက်တွေလိုကြည် နူးဖွယ်နိုးထစေဖို့ ဘယ်လိုကြိုးစားကြမလဲ…။

နံနက်စာပြင်ပေးပါ
''အိမ်ထောင်သက်ရက်တွေ ကြာလာတာနဲ့အမျှ နှလုံးသားကိုနိုး ထစေဖို့အစာအိမ်ကိုဖြတ်သန်းရပါတယ်။ အဲဒီတော့ နှလုံးသားကိုနိုးထစေဖို့ သူ့ကိုကိုယ်အရင်ဖြည့် ပေးရင်မကောင်းဘူးလား။ နံနက်စာ ပြင်ပေးပါ။ အိပ်ယာနိုးနိုးချင်း ကိုယ့်ချစ်သူအတွက်ပြင်ပေးထားတဲ့ ကော်ဖီနံ့မွှေးမွှေးလေး၊ ပေါင်မုန့်မီး ကင်အနံ့လေးက သူ့နှလုံးသားကို ကြည်နူးပျော်ရွှင်စေမှာမဟုတ်ပါလား။

ချစ်တယ်ဆိုတဲ့စကား
ချစ်လို့ပဲအတူနေတာပေါ့။ အတူနေတဲ့အချိန်မှာရော ချစ်စကားလေးတွေပြောဖို့လိုတယ်လို့မထင်မိဘူးလား။ ညအိပ်ယာဝင်ခါနီးအချိန်၊ နံနက်အိပ်ယာနိုးချိန်၊ လုပ်ငန်းခွင်ထဲဝင်နေချိန် အချိန်ရတိုင်း ချစ်စကားလေးတွေပြောပေးပါ။ တကယ်လို့ နံနက်ခင်းအိပ်ရာထချိန် သူ့ကိုအပြုံးပန်းတွေ ဝေနေစေချင် ရင်တော့ ချစ်စကားလေးတွေပြောပေးပါ။ အိမ်ထောင်သက်ဘယ် လောက်ပဲကြာကြာ ချစ်တယ်ဆိုတဲ့ စကားလေးတစ်ခွန်းက သူ့တစ်နေ့တာအတွက်ခွန်အားဖြစ်စေမှာမဟုတ်ပါလား။ 

အထိအတွေ့
အိပ်ယာနိုးနိုးချင်း စောင်ခြုံလွှာ ထဲက တစ်ယောက်နဲ့တစ်ယောက် ခန္ဓာကိုယ်ချင်းကပ်နေတဲ့ အထိအတွေ့က ကြည်နူးစရာကောင်းစေမှာ မဟုတ်ပါလား။ တစ်ယောက်နဲ့တစ်ယောက်ထိတွေ့တာကတစ်နေ့ တာအတွက် မယုံကြည်နိုင်စရာ ကောင်းလောက်အောင်ခွန်အားတွေ ကိုယ်ကိုယ်ကိုယ်ယုံကြည်မှုတွေရရှိ စေမှာပါ။ 

တစ်နေ့တာအတွက်အစီအစဉ် ဆွဲမယ်
နားရက်လိုမျိုးမှာ နောက်တစ် ခုကမနက်ကျသူကဘာလုပ်၊ ကိုယ်ကဘာလုပ်ဆိုတဲ့ အစီအစဉ် တွေကြိုပြင်ဆင်ထားတာက နိုးထ လာတဲ့အခါ ငြီးငွေ့စရာကောင်းနေ ပါလိမ့်မယ်။ ဒီလိုကြိုပြောတာထက် နံနက်ခင်းအိပ်ရာနိုးချိန်မှာ အတူတူအိမ်အလုပ်လေးတွေလုပ်ကြမယ်ဆိုတာက နှစ်ယောက်သားပူးပေါင်း ဆောင်ရွက်မှုအတွက်ကြည်လင် စွာနိုးထစေပါလိမ့်မယ်။ 

အချစ်စာလွှာလေးတွေ
သူအိပ်ယာမနိုးခင်မှာ ထွက်သွားရတတ်တဲ့ကိုယ့်အတွက် အကောင်းဆုံးအကြံပြုချက်ကတော့ သူ့အိပ်ယာဘေးမှာ စာတိုလေးတွေချန်ခဲ့ပါ။ 'နံနက်စာပြင်ထားတယ်'၊ 'ဘယ်အချိန်ပြန်ရောက် မယ်'စသည့်ဖြင့်ပေါ့။ ဒီစာလေးတွေက ကိုယ်မရှိတဲ့အချိန်မှာ သူ့အတွက်ကိုယ်ပွားလေးတွေပါ။ 

အံ့သြသွားပါစေ
အံ့သြသွားစေတဲ့အရာလေးတွေကို မိန်းကလေးတွေပဲကြိုက်တယ်မထင်ပါနဲ့။ ယောက်ျားလေး တွေလည်းကြိုက်ကြပါတယ်။ တစ်ခါတစ်ရံမှာတော့ နံနက်ခင်းအိပ်ရာ နိုးချိန်မှာသူ့အတွက်လက်ဆောင် လေးတွေ၊ ရှိုးပွဲလက်မှတ်၊ အားကစားလက်မှတ်လေးတွေက သူ့ကိုပြုံးပျော်သွားစေမှာသေချာပါတယ်။

Whitney
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment